ഫോട്ടോയെടുത്ത് ​ഷൈൻ ചെയ്യാൻ ഇത് മതി! PolarAce ഇമേജിംഗ് സിസ്റ്റവുമായി ടെക്നോ കാമൺ 30 പ്രീമിയർ 5G

എഐ അ‌ടക്കമുള്ള ഫീച്ചറുകളാലും നൂതന സാങ്കേതികവിദ്യകളുടെ സഹായത്താലും സ്മാർട്ട്ഫോൺ ഫോട്ടോഗ്രഫിയെ അ‌ടുത്ത തലത്തിലേക്ക് ഉയർത്തുന്ന പോളാർഎയ്സ് ഇമേജിംഗ് സിസ്റ്റവുമായി (PolarAce Imaging System) ടെക്നോ കാമൺ 30 പ്രീമിയർ 5ജി (TECNO CAMON 30 Premier 5G) പ്രഖ്യാപിച്ചു. ഇതുവരെ കാണാത്ത ക്യാമറ സജ്ജീകരണങ്ങളാണ് ഇതിലുള്ളത്.

AI ടിഡ്ബിറ്റുകളോട് കൂടിയ കമ്പനിയുടെ PolarAce ഇമേജിംഗ് സിസ്റ്റമാണ് ടെക്നോ കാമൺ 30 പ്രീമിയർ 5ജി ഫോണിൻ്റെ പ്രധാന ഹൈലൈറ്റ്. ടെക്നോ കാമൺ 30, കാമൺ 30 5ജി, കാമൺ 30 പ്രോ 5ജി സ്മാർട്ട്ഫോണുകൾക്കൊപ്പം മൊ​ബൈൽ വേൾഡ് കോൺഗ്രസ് (MWC 2024) ​വേദിയിലായിരുന്നു പ്രഖ്യാപനം.

ടെക്നോ അ‌വതരിപ്പിച്ച കാമൺ 30 പ്രീമിയർ 5Gയിലെ PolarAce ഇമേജിംഗ് സിസ്റ്റത്തിന്റെ പ്രധാനി CXD5622GG സോണി ഇമേജിംഗ് ചിപ്പാണ്. AI ഉപയോഗിച്ച് കൃത്യമായ സ്കിൻ ടോണുകൾ നൽകാൻ യൂണിവേഴ്സൽ ടോൺ സാങ്കേതികവിദ്യയും ടെക്നോ ഉപയോഗിച്ചിരിക്കുന്നു. കൂടാതെ സോണിയുടെ Lytia ഘടകങ്ങളും ഈ സ്മാർട്ട്ഫോണിൽ ഉപയോഗിക്കുന്നു.

മെച്ചപ്പെടുത്തിയ കമ്പ്യൂട്ടിംഗ് പവറിനായി ഈ ഇമേജിംഗ് സിസ്റ്റം എൻഡ്-സൈഡ് FP16 ഫ്ലോട്ടിംഗ് കമ്പ്യൂട്ടിംഗിനെ പിന്തുണയ്ക്കും. FP16 (16-ബിറ്റ് ഫ്ലോട്ടിംഗ് പോയിൻ്റ്) ൽ ഇമേജിംഗ് സിസ്റ്റത്തിന് 4.6 TFLOPS നേടാൻ കഴിയുമെന്ന് ടെക്നോ അവകാശപ്പെടുന്നു. സ്മാർട്ട്ഫോൺ വ്യവസായത്തിലെ ആദ്യത്തെ 4K 30fps ഫുൾ-സീൻ AI-NR HDR വീഡിയോ സൗകര്യവും PolarAce ഇമേജിംഗ് സിസ്റ്റം ഈ സ്മാർട്ട്ഫോണിലൊരുക്കുന്നു.

PolarAce ഇമേജിംഗ് സിസ്റ്റത്തിന്റെ പ്രധാന സവിശേഷതകൾ- എൻഡ്-സൈഡ് FP16 കമ്പ്യൂട്ടിംഗ്: 4.6TFLOPS@FP16 നേടിക്കൊണ്ട്, സമാനതകളില്ലാത്ത കമ്പ്യൂട്ടിംഗ് പവർ നൽകുന്നു. RAW ഡൊമെയ്ൻ പ്രോസസ്സിംഗ്: 30.3dB സിഗ്നൽ-ടു നോയ്‌സ് അനുപാതം മെച്ചപ്പെടുത്തുന്നു, ഇത് ചിത്രത്തിൻ്റെ ഗുണനിലവാരം ഉറപ്പാക്കുന്നു. എനർജി എഫിഷ്യൻസി: മറ്റ് ISP-കളെ അപേക്ഷിച്ച് 4K@30fps ഷൂട്ടിംഗ് സമയത്ത് കുറഞ്ഞ വൈദ്യുതി ഉപഭോഗം ഉറപ്പാക്കുന്നു.

നാല് എഞ്ചിൻ കോൺഫിഗറേഷൻ: ഒപ്റ്റിമൽ കളർ റീപ്ലേസ്മെന്റ്, ശബ്ദം കുറയ്ക്കൽ, എച്ച്ഡിആർ മെച്ചപ്പെടുത്തൽ, വീഡിയോ സുഗമമാക്കൽ എന്നിവയ്ക്കായി ന്യൂറോഎൻആർ ടർബോ, ന്യൂറോ കളർ ടർബോ, ന്യൂറോ എച്ച്ഡിആർ ടർബോ, ന്യൂറോഎഫ്പിഎസ് ടർബോ എന്നിവ ഉൾപ്പെടുന്നു. PolarAce ഇമേജിംഗ് സിസ്റ്റം അ‌വതരിപ്പിക്കപ്പെടുന്ന കാമൺ 30 പ്രീമിയർ 5G 2024-ൻ്റെ രണ്ടാം പകുതിയിൽ ആഗോളതലത്തിൽ ലോഞ്ച് ചെയ്യപ്പെടും.

ടെക്നോ കാമൺ 30 പ്രീമിയർ 5G: 1400 നിറ്റ് പീക്ക് ​ബ്രൈറ്റ്നസ് ഉള്ള 1.5K LTPO സ്‌ക്രീൻ ആണ് ഈ ഫോണിൽ ഉണ്ടാകുക. ക്യാമറ വിഭാഗത്തിലേക്ക് വന്നാൽ, 70 എംഎം ഗോൾഡൻ പോർട്രെയ്റ്റ് ഫോക്കൽ ലെങ്ത് പെരിസ്‌കോപ്പ് ലെൻസ് സജ്ജീകരിച്ചിരിക്കുന്നു. ശ്രദ്ധേയമായ മൈക്രോ ഷോട്ടുകളും 60x ഹൈബ്രിഡ് സൂമും ഈ ഫോൺ വാഗ്ദാനം ചെയ്യുന്നു.

നാല് ക്യാമറകളുള്ള ക്യാമറ മൊഡ്യൂളാണ് ടെക്നോ കാമൺ 30 പ്രീമിയർ 5G അവതരിപ്പിക്കുന്നത്. ഈ സജ്ജീകരണത്തിൽ OIS ഉള്ള 50MP Sony IMX 890 സെൻസർ, 3x ഒപ്റ്റിക്കൽ സൂമിനുള്ള പിന്തുണയുള്ള 50MP പെരിസ്കോപ്പ് ടെലിഫോട്ടോ സെൻസർ, 60x ഹൈബ്രിഡ് സൂം, 50MP അൾട്രാവൈഡ് സെൻസർ എന്നിവ ഉൾപ്പെടുന്നു. ഓട്ടോഫോക്കസോടുകൂടിയ 50എംപി സെൽഫി സ്‌നാപ്പറുമുണ്ട്.

സ്വയം വികസിപ്പിച്ച പ്രീ ഇമേജിംഗ് സിഗ്നൽ പ്രോസസർ (ഐഎസ്പി) ചിപ്പ് ഉപയോഗിച്ച് സജ്ജീകരിച്ചിരിക്കുന്ന ആദ്യത്തെ ടെക്നോ സ്മാർട്ട്‌ഫോണായിരിക്കും കാമൺ 30 പ്രീമിയർ 5G. പോർട്രെയിറ്റ് ഷോട്ടുകൾ മെച്ചപ്പെടുത്താൻ കഴിയുന്ന ഒരു എഐജിസി പോർട്രെയിറ്റ് മോഡും ഒരു സീനിൽ നിന്ന് അനാവശ്യമായ ഒബ്‌ജക്റ്റുകൾ നീക്കം ചെയ്യാൻ AI വൺ ക്ലിക്ക് ഇറേസറും ഇതിൽ ഉണ്ട്.

12 ജിബി വരെ റാമും (12 ജിബി വെർച്വൽ റാം) 512 ജിബി സ്റ്റോറേജും ജോടിയാക്കിയ മീഡിയടെക് ഡൈമെൻസിറ്റി 8200 അൾട്രാ ചിപ്സെറ്റ് ആണ് ഇതിലുള്ളത്. 70W ഫാസ്റ്റ് ചാർജിങ് പിന്തുണയുള്ള 5,000എംഎഎച്ച് ബാറ്ററി, ഡോൾബി അറ്റ്‌മോസ് പിന്തുണയുള്ള സ്റ്റീരിയോ സ്പീക്കറുകൾ, ഐആർ ബ്ലാസ്റ്റർ ഫീച്ചറുകൾ ഇതിലുണ്ട്. ആൻഡ്രോയിഡ് 14ൽ ആയിരിക്കും പ്രവർത്തനം.