ഗൂഗിൾ പ്ലേയ് കൺസോൾ ലിസ്റ്റിംഗിൽ പുതിയ വിവോ സ്മാർട്ട്ഫോൺ കണ്ടെത്തി

2021 എന്ന വർഷത്തിൻറെ ആദ്യവാരം മുതൽ തന്നെ സ്മാർട്ട്ഫോൺ ലോഞ്ചുകളിൽ ബ്രാൻഡ് വിവോ മത്സരിക്കുന്നു. പുതിയ പ്രോഡക്റ്റ് പ്രഖ്യാപനങ്ങളും മറ്റുമായി ഈ ബ്രാൻഡ് മുന്നോട്ട് പോകുന്നത് പൊരുത്തപ്പെടുന്നതായി കാണുന്നു. ഗൂഗിൾ പ്ലേ കൺസോളിൽ ഒരു പുതിയ അജ്ഞാത വിവോ സ്മാർട്ട്‌ഫോൺ ഇപ്പോൾ നിങ്ങൾക്ക് കാണുവാൻ സാധിക്കുന്നതാണ്. ഈ പുതിയ ഹാൻഡ്‌സെറ്റ് സവിശേഷതകളിലേക്ക് ശ്രദ്ധ കേന്ദ്രികരിക്കുന്ന ഉയർന്ന നിലവാരമുള്ള സ്മാർട്ട്‌ഫോണാണെന്ന് പറയുന്നു. വിവോ വി 2055 എയുടെ രൂപകൽപ്പനയും വെബ്‌സൈറ്റിൽ പൂർണ്ണമായും ഇപ്പോൾ ചോർന്നിരിക്കുകയാണ്.

ഗൂഗിൾ പ്ലേയ് കൺസോളിൽ പുതിയ വിവോ സ്മാർട്ട്ഫോൺ ചോർന്നു

വിവോ വി 2055 എ ഒരു പഞ്ച്-ഹോൾ ഡിസൈനിനൊപ്പം ഉയരമുള്ള ഡിസ്പ്ലേയിൽ കാണാം. ഡിസ്പ്ലേയ്ക്ക് ഇടുങ്ങിയ ബെസെൽ പ്രൊഫൈൽ വരുന്നു. പാനലിന്റെ മധ്യഭാഗത്ത് പഞ്ച്-ഹോൾ സ്ഥാപിച്ചിരിക്കുന്നു. സ്മാർട്ട്‌ഫോണിന് റൈറ്റ്-സ്പൈനിൽ പവറും വോളിയം കീകളും ഉണ്ടായിരിക്കും. ഗൂഗിൾ പ്ലേയ് കൺസോൾ ഡാറ്റാബേസിൽ ഒരു എഫ്എച്ച്ഡി + ഡിസ്പ്ലേ ഉപയോഗിച്ച് വിവോ വി 2055 എ പട്ടികപ്പെടുത്തിയിട്ടുണ്ട്. ഡിസ്പ്ലേ വലുപ്പവും പാനൽ തരവും വെളിപ്പെടുത്തിയിട്ടില്ല.

പക്ഷേ, ഇത് 1080 x 2400 പിക്സൽ റെസല്യൂഷനും 480 പിപിഐ പിക്സൽ ഡെൻസിറ്റിയും സ്ഥിരീകരിക്കുന്നു. ക്വാൽകോം സ്‌നാപ്ഡ്രാഗൺ 870 പ്രോസസറിനെ ഈ ലിസ്റ്റിംഗ് കൂടുതൽ സ്ഥിരീകരിക്കുന്നു. ഗൂഗിൾ പ്ലേ കൺസോൾ ഡാറ്റാബേസ് അനുസരിച്ച് ഒക്ടാ കോർ ചിപ്‌സെറ്റിനെ 12 ജിബി റാം ഉപയോഗിച്ച് ജോടിയാക്കും. സ്റ്റോറേജ് കപ്പാസിറ്റിയെ കുറിച്ച് ഇതുവരെ ഒരു സൂചനയും നൽകിയിട്ടില്ല എന്നത് ശ്രദ്ധേയമാണ്. 128 ജിബി അല്ലെങ്കിൽ 256 ജിബി നേറ്റീവ് സ്റ്റോറേജുള്ള വിവോ ഈ റാമുമായി ജോടിയാക്കാനുള്ള സാധ്യതയുണ്ട്.

കൂടുതൽ വായിക്കുക: വിവോ എക്സ്50, വി19 സ്മാർട്ട്ഫോണുകൾക്ക് 5,000 രൂപ വരെ വില കുറച്ചു; പുതിയ വിലയും സവിശേഷതകളും

വിവോ സ്മാർട്ട്‌ഫോണിൻറെ നിഗൂഡതയെക്കുറിച്ച് ഈ ലിസ്റ്റിംഗ് വെളിപ്പെടുത്തുന്ന മറ്റ് വിവരങ്ങൾ ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തെ കുറിച്ചാണ്. ഫൺ ടച്ച് അല്ലെങ്കിൽ ഒറിജിൻ ഒഎസ് ഇന്റർഫേസ് ഈ ഹാൻഡ്‌സെറ്റിൽ മുൻകൂട്ടി ഇൻസ്റ്റാൾ ചെയ്യുമോ എന്നതും വ്യക്തമാക്കിയിട്ടില്ല. വിവോ വി 2055 എ ലീക്ക് പരിമിതമായ കാഴ്ച്ചകൾ സൃഷ്ടിച്ചതിനാൽ മറ്റെല്ലാ ഹാർഡ്‌വെയറുകളും (ക്യാമറയും ബാറ്ററിയും) എന്ത് വാഗ്ദാനം ചെയ്യുമെന്ന് ഉറപ്പിച്ചു പറയാൻ ഇപ്പോൾ സാധ്യമല്ല. ഇത് ഒരു മുൻനിര ഹാൻഡ്‌സെറ്റാണെന്ന് കണക്കിലെടുക്കുമ്പോൾ പുറകിലായി നാല് ക്യാമറകൾ അല്ലെങ്കിൽ ഒരു ഡ്യുവൽ സെൽഫി ക്യാമറ സെറ്റപ്പ് വരെ കാണാനുള്ള ഉയർന്ന സാധ്യതയുണ്ട്. ബാറ്ററിക്ക് ഫാസ്റ്റ് ചാർജിംഗ് സപ്പോർട്ടും ഇതിൽ ഉണ്ടാകും.