ഡിസൈൻ വിശദാംശങ്ങൾ ടെന ലിസ്റ്റിംഗിൽ വെളിപ്പെടുത്തി പുതിയ വിവോ സ്മാർട്ട്ഫോൺ

ടെനയിൽ കണ്ടെത്തിയ ഇമേജ് അനുസരിച്ച്, ഹാൻഡ്‌സെറ്റിന്റെ പ്രൈമറി ക്യാമറ സെക്കൻഡറി ലെൻസിനേക്കാൾ വലുതാണ്, കൂടാതെ രണ്ട് ലെൻസുകളും ഒരു എൽഇഡി ഫ്ലാഷിനൊപ്പം ചതുരാകൃതിയിലുള്ള മൊഡ്യൂളിനുള്ളിൽ വരുന്നു. 13 എംപി മെയിൻ ലെൻസും പിന്നിൽ 2 എംപി സെക്കൻഡറി ലെൻസുമാണ് ഈ ഡിവൈസിൽ വരുന്നതെന്ന് പട്ടികപ്പെടുത്തിയിട്ടുണ്ട്. മുൻവശത്ത്, 8 എംപി ഫ്രന്റ് ക്യാമറ വരുമെന്ന് റിപ്പോർട്ടിൽ ഇമേജിൽ കാണിക്കുന്നു. പവർ ബട്ടൺ വോളിയം ബട്ടണ് താഴെയായി സ്ഥാപിക്കും.

ചോർന്ന വിവരമനുസരിച്ച്, വിവോ വി 2054 എയ്ക്ക് 6.58 ഇഞ്ച് ഡിസ്‌പ്ലേ, നോച്ച് , സെൽഫി ക്യാമറ എന്നിവ ലഭിക്കുന്നു. 4,910 mAh ബാറ്ററിയുള്ള ഇത് 5 ജി കണക്റ്റിവിറ്റിയുമായി വരുമെന്ന് വിശ്വസിക്കപ്പെടുന്നു. കൂടാതെ, 4 ജിബി, 6 ജിബി, 8 ജിബി റാം തുടങ്ങിയ മോഡലുകളിലാണ് ഈ ഹാൻഡ്‌സെറ്റ് വിപണിയിൽ വരുന്നത്. ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിലാണ് വിവോ വി 2054 എ പ്രവർത്തിക്കുന്നത്. വിവോ വി 20 പ്രോ ഇന്ത്യ ലോഞ്ച് കമ്പനി സ്ഥിരീകരിച്ചു. എന്നാൽ, ലോഞ്ച് തീയതി ഇതുവരെ വ്യക്തമാക്കിയിട്ടില്ല. വിവോ വി 20 പ്രോ ഡിസംബർ 2 ന് വിപണിയിലെത്തുമെന്ന് ടിപ്പ്സ്റ്റർ @thetymonbay (തുഷാർ മേത്ത) വെളിപ്പെടുത്തി.

വിവോ വി 20 പ്രോയിൽ 6.44 ഇഞ്ച് എഫ്എച്ച്ഡി + അമോലെഡ് ഡിസ്പ്ലേയും 33 ഡബ്ല്യു ഫാസ്റ്റ് ചാർജിംഗുള്ള 4,000 എംഎഎച്ച് ബാറ്ററിയും ഉണ്ട്. 44 എംപി പ്രൈമറി ലെൻസും 8 എംപി സെൻസറും അടങ്ങുന്ന ഡ്യുവൽ സെൽഫി ക്യാമറയാണ് ഈ ഹാൻഡ്‌സെറ്റിന്റെ പ്രധാന പ്രത്യേകത. ഹാൻഡ്‌സെറ്റിൻറെ പുറകിൽ 64 എംപി പ്രധാന ക്യാമറ വരുന്നു. ഇന്ത്യയിൽ ഈ ഹാൻഡ്‌സെറ്റിന് 29,900 രൂപയാണ് വില വരുന്നത്.