നോക്കിയ 1.4, നോക്കിയ 6.3, നോക്കിയ 7.3 സ്മാർട്ഫോണുകൾ ഉടൻ അവതരിപ്പിക്കും: പ്രതീക്ഷിക്കുന്ന സവിശേഷതകൾ

അടുത്തിടെ പുറത്തുവന്ന നോക്കിയ 1.4, നോക്കിയ 6.3, നോക്കിയ 7.3 എന്നിവ ഈ വരാനിരിക്കുന്ന മോഡലുകളിൽ ഉൾപ്പെടുന്നു. നോക്കിയ 1.4 ഒഴികെ ബാക്കിയുള്ളവ കഴിഞ്ഞ വർഷം മുതൽ അഭ്യുഹങ്ങളിലാണ്. അവയിൽ വരുന്ന നോക്കിയ 6.4, നോക്കിയ 7.4 സ്മാർട്ഫോണുകൾ ഉടൻ തന്നെ അവതരിപ്പിക്കുമെന്ന് പ്രതീക്ഷിക്കാം.

വരാനിരിക്കുന്ന നോക്കിയ ഫോണുകളിൽ നിന്ന് എന്തൊക്കെ പ്രതീക്ഷിക്കാം

അടുത്തിടെ ചോർന്ന, നോക്കിയ 1.4 ഒന്നിലധികം ലിസ്റ്റിംഗുകളിൽ കണ്ടെത്തിയിരുന്നു. 6.51 ഇഞ്ച് എച്ച്ഡി + എൽസിഡി ഡിസ്‌പ്ലേ, ക്വാഡ് കോർ പ്രോസസർ, പിൻഭാഗത്തായി ഡ്യൂവൽ ക്യാമറ സെറ്റപ്പ് , 1 ജിബി റാം, 8 ജിബി സ്റ്റോറേജ് സ്പേസ് എന്നിവയുടെ സാന്നിധ്യത്തിൽ അതിന്റെ ചോർന്ന സവിശേഷതകളും വിലയും കണ്ടു. ഇതിൻറെ വില 100 ഡോളറിൽ താഴെയാണ് (ഏകദേശം 9,000 രൂപ). നോക്കിയ 1.4 ഫെബ്രുവരിയിൽ പുറത്തിറക്കുമെന്ന് റിപ്പോർട്ടുകൾ വ്യക്തമാക്കുന്നു.

നോക്കിയ 6.3, നോക്കിയ 7.3 തുടങ്ങിയ സ്മാർട്ഫോണുകൾക്ക് നിലവിൽ ധാരാളം അഭ്യൂഹങ്ങളുണ്ടെന്ന് തോന്നുന്നു. ഈ ഡിവൈസുകൾ ക്യു 1 ന്റെ അവസാനത്തിലോ ക്യു 2 2021 ന്റെ തുടക്കത്തിലോ നോക്കിയ 6.4, നോക്കിയ 7.4 എന്നിങ്ങനെ അവതരിപ്പിക്കുമെന്ന് വിശ്വസിക്കപ്പെടുന്നു.

നോക്കിയ 6.3 സ്മാർട്ഫോണിന് സ്നാപ്ഡ്രാഗൺ 730 SoC പ്രോസസർ, 24 എംപി പ്രൈമറി ക്യാമറ ലെൻസ് എന്നിവ ഉൾപ്പെടുമെന്ന് മുൻ റിപ്പോർട്ടുകൾ സൂചിപ്പിച്ചിരുന്നു. ഇതിനുപുറമെ, നോക്കിയ 7.4 6.5 ഇഞ്ച് എഫ്എച്ച്ഡി ഡിസ്പ്ലേ, സ്നാപ്ഡ്രാഗൺ 690 SoC പ്രോസസർ, 24 എംപി സെൽഫി ക്യാമറ സെൻസർ, ഇഫ്സ് റിയർ 48 എംപി പ്രൈമറി ക്യാമറ സെൻസർ എന്നിവയും ഇതിൽ ഉൾപ്പെടുത്തിയേക്കാം. ഈ രണ്ട് സ്മാർട്ഫോണുകൾക്കും യഥാക്രമം 4500 എംഎഎച്ച് ബാറ്ററി, 5000 എംഎഎച്ച് ബാറ്ററി എന്നിവയിൽ നിന്നും കരുത്ത് ലഭിക്കുമെന്ന് പറയപ്പെടുന്നു. ഷെഡ്യൂൾ ചെയ്ത ഉടൻ തന്നെ ഇവ അവതരിപ്പിക്കുമോ ഇല്ലയോ എന്ന കാര്യം അറിയാൻ ഔദ്യോഗിക സ്ഥിരീകരണത്തിനായി ഇനിയും കാത്തിരിക്കേണ്ടതുണ്ട്.