4000 എംഎഎച്ച് ബാറ്ററി, ഡ്യൂവൽ ക്യാമറകളുമായി നോക്കിയ 1.4 അവതരിപ്പിച്ചു: വില, സവിശേഷതകൾ

നോക്കിയ 1.4 വില

ബേസിക് 1 ജിബി റാം + 16 ജിബി റാം നോക്കിയ 1.4 വേരിയന്റിന് 99 ഡോളർ (ഏകദേശം 7,200 രൂപ) മുതൽ വിലയാരംഭിക്കുന്നു. 1 ജിബി + 32 ജിബി, 3 ജിബി + 64 ജിബി കോൺഫിഗറേഷനുകളിലും ഈ സ്മാർട്ട്ഫോൺ വിപണിയിൽ നിന്നും ലഭ്യമാണ്. എന്നാൽ, ഇവയ്ക്ക് ഔദ്യോഗികമായിട്ടുള്ള വില ഇതുവരെ ലഭിച്ചിട്ടില്ല. ചാർക്കോൾ, ഡസ്‌ക്ക്, ജോർഡ് നിറങ്ങളിൽ നോക്കിയ 1.4 ഇന്ന് ആഗോള വിപണിയിൽ വരുന്നു. ഇന്ത്യയിൽ ഈ ഹാൻഡ്‌സെറ്റ് എപ്പോൾ ലഭിക്കുമെന്നോ എത്ര രൂപ വില വരുമെന്നോ എന്നതിനെ കുറിച്ചുള്ള വിവരങ്ങൾ ഇനിയും വെളിപ്പെടുത്തിയിട്ടില്ല. 1 ജിബി റാം + 16 ജിബി സ്റ്റോറേജ് ഓപ്ഷൻ വരുന്ന നോക്കിയ 1.3 കഴിഞ്ഞ വർഷം 95 യൂറോ (ഏകദേശം 8,300 രൂപ) എന്ന വിലയ്ക്ക് പുറത്തിറക്കി.

നോക്കിയ 1.4 സവിശേഷതകൾ

ഡ്യുവൽ നാനോ സിം വരുന്ന നോക്കിയ 1.4 ആൻഡ്രോയിഡ് 10 ഗോ എഡിഷനിൽ പ്രവർത്തിക്കുന്നു. പിന്നീട് പുറത്തിറക്കുന്നതിലൂടെ ആൻഡ്രോയിഡ് 11 ഗോ എഡിഷനിലേക്ക് അപ്‌ഗ്രേഡ് ചെയ്യാനാകും. 20: 9 ആസ്പെക്റ്റ് റേഷിയോ വരുന്ന 6.51 ഇഞ്ച് എച്ച്ഡി + ഡിസ്‌പ്ലേയാണ് ഈ ബജറ്റ് സ്മാർട്ട്ഫോണിൻറെ പ്രധാന സവിശേഷത. കഴിഞ്ഞ വർഷത്തെ നോക്കിയ 1.3 ഹാൻഡ്‌സെറ്റിന് കരുത്തേകിയ ക്വാൽകോം 215 SoC പ്രോസസർ 3 ജിബി റാമുമായി ജോഡിയാക്കി നിങ്ങൾക്ക് പുതിയ നോക്കിയ ഫോണിൽ ലഭിക്കും.

നോക്കിയ 1.4: ക്യാമറ സവിശേഷതകൾ

8 മെഗാപിക്സൽ പ്രൈമറി സെൻസറും 2 മെഗാപിക്സൽ മാക്രോ ഷൂട്ടറും ഉൾപ്പെടുന്ന ഡ്യൂവൽ പിൻ ക്യാമറ സെറ്റപ്പ് നോക്കിയ 1.4ൽ വരുന്നത്. മുൻവശത്ത് 5 മെഗാപിക്സൽ സെൽഫി ക്യാമറ സെൻസറും നൽകിയിട്ടുണ്ട്.

മൈക്രോ എസ്ഡി കാർഡ് വഴി 128 ജിബി വരെ എക്സ്പാൻഡ് ചെയ്യാവുന്നതും 64 ജിബി വരെ ഓൺബോർഡ് സ്റ്റോറേജുമാണ് നോക്കിയ 1.4 വരുന്നത്. 4 ജി എൽടിഇ, വൈ-ഫൈ 802.11 ബി / ജി / എൻ, ബ്ലൂടൂത്ത് വി 4.2, ജിപിഎസ് / എ-ജിപിഎസ്, എഫ്എം റേഡിയോ, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ്, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. പിൻവശത്ത് ഫിംഗർപ്രിന്റ് സെൻസറും ഈ ഹാൻഡ്‌സെറ്റിൽ നൽകിയിട്ടുണ്ട്. സാധാരണ 5W ചാർജിംഗിനെ സപ്പോർട്ട് ചെയ്യുന്ന 4,000 എംഎഎച്ച് ബാറ്ററിയാണ് നോക്കിയ 1.4ൽ വരുന്നത്. ഈ ബജറ്റ് ഫോണിന് 178 ഗ്രാം ഭാരം വരുന്നു.