4,500 എംഎഎച്ച് ബാറ്ററി വരുന്ന നോക്കിയ 2.4 നവംബറിൽ ഇന്ത്യയിൽ അവതരിപ്പിക്കും

നോക്കിയ 2.4: ഇന്ത്യയിൽ പ്രതീക്ഷിക്കുന്ന വില

നോക്കിയ 2.4 സെപ്റ്റംബറിൽ യൂറോപ്യൻ വിപണിയിലെത്തി. ഇപ്പോൾ നവംബർ അവസാനത്തോടെ ഇന്ത്യൻ വിപണിയിലേക്ക് എത്തുമെന്ന് മൈസ്മാർട്ട് പ്രൈസിന്റെ റിപ്പോർട്ട് കാണിക്കുന്നു. ഈ ഹാൻഡ്‌സെറ്റ് അവതരിപ്പിക്കുന്നതിനായി കമ്പനി ഒരു ലോഞ്ച് ഇവന്റ് നടത്തുമോ എന്ന കാര്യം വ്യക്തമല്ല. നോക്കിയ 2.4 യൂറോ 119 ന്റെ ആരംഭ വിലയിൽ (ഏകദേശം 10,500 രൂപ) വിപണിയിൽ ലഭ്യമായി തുടങ്ങി. ഇതേ വിലയായിരിക്കും ഇന്ത്യയിൽ ഈ ഹാൻഡ്സെറ്റിനും വരുന്നതെന്ന് പ്രതീക്ഷിക്കുന്നു. ചാർക്കോൾ, ഡസ്‌ക്ക്, ജോർഡ് കളർ ഓപ്ഷനുകളിലാണ് ഈ സ്മാർട്ഫോൺ അവതരിപ്പിച്ചത്.

നോക്കിയ 2.4 സവിശേഷതകൾ

ഡ്യുവൽ നാനോ സിം വരുന്ന നോക്കിയ 2.4 ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.5 ഇഞ്ച് എച്ച്ഡി + (720x1,600 പിക്‌സൽ) ഡിസ്‌പ്ലേ 20: 9 ആസ്പെക്ടറ്റ് റേഷിയോയിൽ വരുന്നു. 2 ജിബി, 3 ജിബി റാം ഓപ്ഷനുകളിൽ വരുന്ന ഈ ഹാൻഡ്‌സെറ്റിന് കരുത്തേകുന്നത് ഒക്ടാകോർ മീഡിയടെക് ഹെലിയോ പി 22 SoC പ്രോസസറാണ്. 13 മെഗാപിക്സൽ പ്രൈമറി സെൻസറും എഫ് / 2.2 ലെൻസും 2 മെഗാപിക്സൽ ഡെപ്ത് സെൻസറും ഉൾപ്പെടുന്ന ഡ്യുവൽ റിയർ ക്യാമറ സെറ്റപ്പാണ് നോക്കിയ 2.4ൽ വരുന്നത്. ഡിവൈസിൻറെ മുൻവശത്തായി ഒരു ചെറിയ നോട്ടിനുള്ളിൽ സ്ഥാപിച്ചിരിക്കുന്ന എഫ് / 2.4 ലെൻസുള്ള 5 മെഗാപിക്സൽ സെൽഫി ഷൂട്ടറുമുണ്ട്.

32 ജിബി, 64 ജിബി ഓൺ‌ബോർഡ് സ്റ്റോറേജ് ഓപ്ഷനുകളിൽ ഈ സ്മാർട്ട്ഫോൺ നിങ്ങൾക്ക് വിപണിയിൽ നിന്നും ലഭിക്കും. മൈക്രോ എസ്ഡി കാർഡ് ഉപയോഗിച്ച് 512 ജിബി വരെ ഒരു സ്ലോട്ടിലൂടെ മെമ്മറി സ്റ്റോറേജ് എക്സ്പാൻഡ് ചെയ്യുവാൻ സാധിക്കും. 4 ജി എൽടിഇ, വൈ-ഫൈ 802.11 ബി / ജി / എൻ, ബ്ലൂടൂത്ത് 5.0, ജിപിഎസ് / എ-ജിപിഎസ്, എൻ‌എഫ്‌സി, എഫ്എം റേഡിയോ, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.

ആക്‌സിലറോമീറ്റർ, ആംബിയന്റ് ലൈറ്റ് സെൻസർ, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഓൺ‌ബോർഡിലെ സെൻസറുകളുടെ ലിസ്റ്റിൽ വരുന്നു. ഈ ഫോണിന്റെ പിൻഭാഗത്തായി ഫിംഗർപ്രിന്റ് സെൻസറും, ഒരു 4,500 എംഎഎച്ച് ബാറ്ററിയുമായാണ് ഈ ഡിവൈസ് വരുന്നത്.