നോക്കിയ 3.4 ഇന്ത്യയിൽ ഉടൻ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

നോക്കിയ പവർ യൂസറിൽ നിന്നുള്ള റിപ്പോർട്ട് അനുസരിച്ച്, എച്ച്എംഡി ഗ്ലോബൽ നോക്കിയ 3.4 ഇന്ത്യയിൽ ഉടനെത്തന്നെ അവതരിപ്പിക്കുമെന്നാണ് അറിയുവാൻ കഴിയുന്നത്. ഒന്നിലധികം സ്റ്റോറേജ് വേരിയന്റുകളിൽ വരുന്ന ഈ ഹാൻഡ്‌സെറ്റിൻറെ ബേസിക് മോഡലിന്‌ 12,000 രൂപയ്ക്ക് റീട്ടെയിൽ ചെയ്യുമെന്നാണ് പ്രതീക്ഷിക്കുന്നത്. ഈ വേരിയൻറ് നിങ്ങൾക്ക് 3 ജിബി റാം സ്റ്റാൻഡേർഡായി നൽകുമെന്ന് റിപ്പോർട്ടിൽ പറയുന്നു. ഡിസംബർ അവസാനത്തോടെ കമ്പനി പ്രീ-ഓർഡറുകൾക്കായി ഈ സ്മാർട്ട്ഫോൺ ലഭ്യമാക്കിയേക്കാം.

നോക്കിയ 3.4 ഉടൻ ഇന്ത്യയിലേക്ക്

നോക്കിയ 3.4 ഈ വർഷം ആദ്യം ആഗോളവിപണിയിൽ വെളിപ്പെടുത്തി. കൂടുതൽ താങ്ങാനാവുന്ന നോക്കിയ 2.4 നും കൂടുതൽ ചെലവേറിയ നോക്കിയ 5.3 നും ഇടയിലുള്ള ഒരു മിഡ് ഓപ്ഷനായി നോക്കിയയുടെ പട്ടികയിൽ ഈ ഫോൺ വരുന്നു. ഡിസ്‌പ്ലേയ്‌ക്കായി പഞ്ച്-ഹോൾ കട്ട്ഔട്ട് ഡിസൈൻ അവതരിപ്പിക്കുന്ന നോക്കിയയിൽ നിന്നുള്ള വളരെ കുറച്ച് ഫോണുകളിൽ ഒന്നാണ് വരുവാൻ പോകുന്ന പുതിയ 3.4 വേരിയന്റ്. കൂടുതൽ സവിശേഷതകളുള്ള നോക്കിയ 8.3 ൽ കാണുന്ന സമാന ഡിസൈൻ സൂചനകളും ഇതിന് ലഭിക്കുന്നു.

ഈ ഹാൻഡ്‌സെറ്റിൽ 6.3 ഇഞ്ച് എച്ച്ഡി + ഡിസ്‌പ്ലേയും, മുൻ ക്യാമറയ്‌ക്കായി പഞ്ച്-ഹോൾ കട്ട്‌ഔട്ടും ലഭിക്കും. മുൻ ക്യാമറയിൽ തന്നെ സെൽഫികൾ പകർത്തുന്നതിനും വീഡിയോ കോളുകൾ ചെയ്യുന്നതിനും 8 മെഗാപിക്സൽ സെൻസർ നൽകിയിട്ടുണ്ട്. 4 ജിബി റാമും 64 ജിബി സ്റ്റോറേജുമായി ജോടിയാക്കുന്ന ക്വാൽകോം സ്‌നാപ്ഡ്രാഗൺ 460 പ്രോസസറാണ് ഈ ഹാൻഡ്‌സെറ്റിന് കരുത്തേകുന്നത്. ആൻഡ്രോയിഡ് 10 ഉപയോഗിച്ചാണ് ഫോൺ അവതരിപ്പിച്ചെതെങ്കിലും ആൻഡ്രോയിഡ് 11 ഓപ്പറേറ്റിങ് സിസ്റ്റത്തിലും പുതിയ നോക്കിയ ഫോൺ തയ്യാറാണെന്ന് പറയുന്നു.

നോക്കിയ 3.4 ലെ 5 മെഗാപിക്സൽ അൾട്രാ-വൈഡ് ക്യാമറയും 2 മെഗാപിക്സൽ ഡെപ്ത് ക്യാമറയുമായി വരുന്ന പിൻ ക്യാമറകളിൽ 13 മെഗാപിക്സലിന്റെ പ്രധാന ക്യാമറ വരുന്നു. 4000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിൽ വരുന്നത്. ഇത് 10W വരെ ഫാസ്റ്റ് ചാർജിംഗിനെ സപ്പോർട്ട് ചെയ്യുന്നു. ഇപ്പോൾ, നോക്കിയ ഇന്ത്യ പുതിയ ഹാൻഡ്‌സെറ്റിൻറെ ലോഞ്ചിനെക്കുറിച്ച് ഇതുവരെ ഒരു സ്ഥിരീകരണവും നൽകിയിട്ടില്ല. കഴിഞ്ഞ രണ്ട് വർഷത്തിനിടയിൽ ബജറ്റ് സ്മാർട്ട്‌ഫോൺ വിഭാഗത്തിലാണ് നോക്കിയ കൂടുതൽ ശ്രദ്ധ കേന്ദ്രീകരിച്ചിരിക്കുന്നത്.