നോക്കിയ 5.3 ഉടൻ ഇന്ത്യയിൽ അവതരിപ്പിക്കും; പ്രതീക്ഷിക്കുന്ന വിലയും സവിശേഷതകളും

ഈ ഫോൺ ചാർക്കോൾ, സിയാൻ, സാൻഡ് കളർ ഓപ്ഷനുകളിൽ ഉപയോക്താക്കൾക്കായി വിപണിയിൽ ലഭ്യമാകും. നോക്കിയ 5.3 ഇന്ത്യയിൽ എപ്പോൾ ലോഞ്ച് ചെയ്യുമെന്ന കാര്യം ഇതുവരെ സ്ഥിരീകരിച്ചിട്ടില്ല; എന്നിരുന്നാലും, ഈ മാസം എപ്പോൾ വേണമെങ്കിലും ഈ സ്മാർട്ട്ഫോൺ അവതരിപ്പിക്കപ്പെടുമെന്നാണ് റിപ്പോർട്ടുകൾ വെളിപ്പെടുത്തുന്ന ഒരു കാര്യം. ഇന്ത്യയുടെ നോക്കിയ ട്വിറ്റർ അക്കൗണ്ട് ടീസറിലെ ഉപയോക്താക്കളോട് "ശരിയായ നിമിഷം പകർത്താൻ തയ്യാറാണോ" എന്ന് ചോദിച്ചു, തുടർന്ന് ഈ പുതിയ നോക്കിയ 5.3 ഉടൻ വരുന്നുവെന്ന് അറിയിക്കുന്ന ഒരു വരിയും ഇതിന് ചുവടെ കൊടുത്തിരിക്കുന്നു.

എച്ച്‌എം‌ഡി ഗ്ലോബൽ അടുത്തിടെ നോക്കിയ 5.3 ലിസ്റ്റിംഗ് നോക്കിയ ഇന്ത്യയുടെ ഔദ്യോഗിക വെബ് സൈറ്റിൽ ഒരു ലൈവ് ഉണ്ടാക്കി, അതിൽ വരാനിരിക്കുന്ന ഈ സ്മാർട്ട്ഫോണിന്റെ പ്രധാന സവിശേഷതകളും വെളിപ്പെടുത്തി കഴിഞ്ഞു. നോക്കിയ 5.3 ന് ആഗോളതലത്തിൽ 189 യൂറോയാണ് വില വരുന്നത് (ഏകദേശം 15,200 രൂപ). ഇന്ത്യയിലും ഇതേ വിലയ്ക്ക് ഈ പുതിയ നോക്കിയ ഹാൻഡ്‌സെറ്റ് വിൽക്കുമെന്ന് പ്രതീക്ഷിക്കുന്നു.

നോക്കിയ 5.3: സവിശേഷതകൾ

6.55 ഇഞ്ച് എച്ച്ഡി + (720x1,600 പിക്‌സൽ) ഡിസ്‌പ്ലേയാണ് നോക്കിയ 5.3ൽ വരുന്നത്. ഇതിന് 4,000 എംഎഎച്ച് ബാറ്ററിയും എഐ-അസിസ്റ്റഡ് അഡാപ്റ്റീവ് ബാറ്ററിയും ഉണ്ട്. കമ്പനി പറയുന്നതനുസരിച്ച്, നിങ്ങൾ ഏറ്റവും കൂടുതൽ ഉപയോഗിക്കുന്ന അപ്ലിക്കേഷനുകൾക്ക് ഈ എഐ-അസിസ്റ്റഡ് അഡാപ്റ്റീവ് ബാറ്ററി വഴി ഉപയോഗിക്കുന്ന ഊർജ്ജം ലാഭിക്കുവാൻ കഴിയുമെന്നാണ്. നോക്കിയ 5.3 ആൻഡ്രോയിഡ് 10 ഒഎസിനൊപ്പം വരുന്നു. ഇതിന് 2.5 ഡി ഗ്ലാസ് ഫ്രണ്ടും സ്‌ക്രാച്ച് റെസിസ്റ്റന്റ് ബാക്കും ഉണ്ട്. മൈക്രോ എസ്ഡി കാർഡ് വഴി 512 ജിബി വരെ വിപുലീകരിക്കാവുന്ന 64 ജിബി ഓൺബോർഡ് സ്റ്റോറേജും ഈ സ്മാർട്ഫോണിൽ വരുന്നു.

ക്വാഡ് റിയർ ക്യാമറ സജ്ജീകരണത്തിൽ 13 മെഗാപിക്സൽ പ്രൈമറി ഷൂട്ടർ, 5 മെഗാപിക്സൽ സെക്കൻഡറി സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ ഷൂട്ടർ എന്നിവ ഉൾപ്പെടുന്നു. ഈ ഫോണിന്റെ പിന്നിലായി എൽഇഡി ഫ്ലാഷും 8 മെഗാപിക്സൽ സെൽഫി ക്യാമറയും ഉണ്ട്. ഈ ഫോണിന് ഒരു പ്രത്യേക ഗൂഗിൾ അസിസ്റ്റന്റ് ബട്ടണും ഫിംഗർപ്രിന്റ് സെൻസറും ഉണ്ടായിരിക്കും. നോക്കിയ 5.3 164.28x76.62x8.5 മിമി അളവും 180 ഗ്രാം ഭാരവും വരുന്നു. ഫോണിനുള്ള കണക്റ്റിവിറ്റി ഓപ്ഷനുകളിൽ ബ്ലൂടൂത്ത് 4.2, വൈ-ഫൈ 802.11 ബി / ജി / എൻ / എസി, 4 ജി എൽടിഇ, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, എഫ്എം റേഡിയോ, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്നു.