നോക്കിയ 5.3 മിഡ്‌റേഞ്ച് സ്മാർട്ട്‌ഫോൺ ഇന്ന് ഇന്ത്യയിൽ വിൽപ്പനയ്ക്ക് എത്തും: വില, സവിശേഷതകൾ

ഇന്ത്യയിൽ നോക്കിയ 5.3 വില, ലഭ്യത

നോക്കിയ 5.3 4 ജിബി + 64 ജിബി, 6 ജിബി + 64 ജിബി സ്റ്റോറേജ് വേരിയന്റുകളിൽ വരുന്നു. 4 ജിബി + 64 ജിബി വേരിയന്റിന്റെ വില 13,999 രൂപയും, 6 ജിബി + 64 ജിബി സ്റ്റോറേജ് വേരിയന്റിന് 15,499 രൂപയും വില വരുന്നു. ഇന്ന് ആമസോൺ, നോക്കിയ ഇന്ത്യ വെബ്‌സൈറ്റ് വഴി ഈ സ്മാർട്ട്ഫോൺ ചാർക്കോൾ, സിയാൻ, സാൻഡ് കളർ തുടങ്ങിയ കളർ ഓപ്ഷനുകളിൽ ലഭ്യമാണ്.

നോക്കിയ 5.3 സവിശേഷതകൾ

ഡ്യുവൽ സിം (നാനോ) നോക്കിയ 5.3 ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 20: 9 ആസ്‌പെക്ക്റ്റ് റേഷിയോടുകൂടിയ 6.55 ഇഞ്ച് എച്ച്ഡി + (720x1,600 പിക്‌സൽ) ഡിസ്‌പ്ലേയാണ് ഇതിലുള്ളത്. 6 ജിബി വരെ എൽപിഡിഡിആർ 4 എക്സ് റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 665 SoC പ്രോസസറാണ് ഈ സ്മാർട്ട്ഫോണിന്റെ കരുത്ത്. ഒരു ക്വാഡ് റിയർ ക്യാമറ സെറ്റപ്പിൽ വരുന്ന നോക്കിയ 5.3ക്ക് 13 മെഗാപിക്സൽ പ്രൈമറി സെൻസറും എഫ് / 1.8 ലെൻസും 5 മെഗാപിക്സൽ സെക്കൻഡറി സെൻസറും അൾട്രാ വൈഡ് ആംഗിൾ 118 ഡിഗ്രി ലെൻസും ഉൾപ്പെടുന്നു. കൂടാതെ 2 മെഗാപിക്സൽ ഡെപ്ത് സെൻസറും 2 മെഗാപിക്സൽ മാക്രോ ഷൂട്ടറും വരുന്നു.

സെൽഫികൾ പകർത്തുവാൻ നോക്കിയ 5.3ക്ക് 8 മെഗാപിക്സൽ ക്യാമറയും, എഫ് / 2.0 അപ്പർച്ചർ ഉണ്ട്. ഇത് ഒരു ചെറിയ നൊച്ചിൽ സ്ഥാപിച്ചിരിക്കുന്നു. ക്രോണിങ് ഗൊറില്ല ഗ്ലാസ് 3 പാനൽ പ്രൊട്ടക്ഷനാണ് ഡിസ്‌പ്ലേയ്ക്ക് നൽകിയിരിക്കുന്നത്. മൈക്രോ എസ്ഡി കാർഡ് വഴി (512 ജിബി വരെ) ഡെഡിക്കേറ്റഡ് സ്ലോട്ടിലൂടെ വികസിപ്പിക്കാവുന്ന ഒരൊറ്റ 64 ജിബി സ്റ്റോറേജ് ഓപ്ഷനിലാണ് ഈ സ്മാർട്ട്ഫോൺ വരുന്നത്. കണക്റ്റിവിറ്റി ഓപ്ഷനുകളിൽ 4 ജി എൽടിഇ, വൈ-ഫൈ 802.11 എസി, ബ്ലൂടൂത്ത് 4.2, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്നു.

ആക്‌സിലറോമീറ്റർ, ആംബിയന്റ് ലൈറ്റ്, പ്രോക്‌സിമിറ്റി സെൻസർ എന്നിവ ബോർഡിലെ സെൻസറുകളിൽ ഉൾപ്പെടുന്നു. പിൻവശത്ത് ഘടിപ്പിച്ച ഫിംഗർപ്രിന്റ് സ്‌കാനറും ഡെഡിക്കേറ്റഡ് ഗൂഗിൾ അസിസ്റ്റന്റ് ബട്ടണും ഈ ഫോണിലുണ്ട്. 10W ചാർജിംഗിനെ പിന്തുണയ്ക്കുന്ന 4,000 എംഎഎച്ച് ബാറ്ററിയാണ് നോക്കിയ 5.3ൽ വരുന്നത്. ഈ സ്മാർട്ട്ഫോണിന് 164.3x76.6x8.5 നീളവും180 ഗ്രാം ഭാരവും വരുന്നു.