നോക്കിയ 5.3, നോക്കിയ സി 3 ഇന്ത്യയിൽ അവതരിപ്പിച്ചു; വില, സവിശേഷതകൾ, വിൽപന

നോക്കിയ 5.3, നോക്കിയ സി 3: ഇന്ത്യയിൽ വരുന്ന വില

ഇന്ത്യയിൽ നോക്കിയ 5.3 4 ജിബി + 64 ജിബി ബേസിക് സ്റ്റോറേജ് വേരിയന്റിന് 13,999 രൂപയും 6 ജിബി + 64 ജിബി സ്റ്റോറേജ് ഓപ്ഷന് 15,499 രൂപയുമാണ് വില വരുന്നത്. സിയാൻ, സാൻഡ്, ചാർക്കോൾ കളർ ഓപ്ഷനുകളിൽ ഈ സ്മാർട്ട്ഫോൺ വരുന്നു. സെപ്റ്റംബർ 1 മുതൽ ഈ സ്മാർട്ഫോൺ വിൽപനയ്ക്ക് ലഭ്യമായി തുടങ്ങും. നോക്കിയ 5.3 വാങ്ങുന്ന ഉപഭോക്താക്കൾക്ക് 349 പ്രീപെയ്ഡ് റീചാർജ് പ്ലാനിലുടെ 4,000 രൂപ വിലമതിക്കുന്ന ആനുകൂല്യങ്ങൾ ലഭിക്കും. 2,000 തൽക്ഷണ ക്യാഷ് ബാക്ക്, 2,000 മൂല്യമുള്ള വൗച്ചറുകൾ എന്നിവയാണ് നിങ്ങൾക്ക് ലഭിക്കുന്ന ആനുകൂല്യങ്ങൾ. നിലവിലുള്ളതും പുതിയതുമായ ജിയോ സബ്‌സ്‌ക്രൈബർമാർക്ക് ഈ ഓഫർ ബാധകമാണ്.

മാർച്ചിൽ നോക്കിയ 5.3, നോക്കിയ 8.3 5 ജി എന്നിവയ്‌ക്കൊപ്പം നോക്കിയ 5.3 ആഗോളതലത്തിൽ പ്രഖ്യാപിച്ചു. ആഗോള വേരിയന്റിന് 128 ജിബി സ്റ്റോറേജ് ഓപ്ഷൻ വരുന്നു. പക്ഷെ, ഈ വേരിയന്റ് ആരംഭ ഘട്ടത്തിൽ ഇന്ത്യയിലേക്ക് വരില്ല. ഇന്ത്യയിൽ നോക്കിയ സി 3 2 ജിബി + 16 ജിബി സ്റ്റോറേജ് വേരിയന്റിന് 7,499 രൂപയും 3 ജിബി + 32 ജിബി സ്റ്റോറേജ് ഓപ്ഷന് 8,999 രൂപയും വില വരുന്നു. സെപ്റ്റംബർ 17 മുതൽ ഈ സ്മാർട്ട്ഫോൺ വിൽപനയ്ക്ക് ലഭ്യമാകും. പ്രീ-ഓർഡറുകൾ സെപ്റ്റംബർ 10 മുതൽ നോക്കിയ വെസൈറ്റിലൂടെ തത്സമയം പ്രക്ഷേപണം ചെയ്യും.

ഈ ഹാൻഡ്‌സെറ്റ് സിയാൻ, സാൻഡ് തുടങ്ങിയ കളർ ഓപ്ഷനുകളിൽ ലഭ്യമാണ്, കൂടാതെ ഒരു വർഷത്തെ എക്‌സ്ചേഞ്ച് ഗ്യാരൻറിയോടെയും ഈ ഹാൻഡ്‌സെറ്റ് ലഭിക്കും. 3 ജിബി + 32 ജിബി മോഡലിന് സിഎൻ‌വൈ 699 (ഏകദേശം 7,500 രൂപ) വിലയുമായി നോക്കിയ സി 3 ചൈനയിൽ അവതരിപ്പിച്ചു. നോക്കിയ 5.3, നോക്കിയ സി 3 സ്മാർട്ട്‌ഫോണുകൾക്കൊപ്പം എച്ച്എംഡി ഗ്ലോബൽ നോക്കിയ 125, നോക്കിയ 150 (2020) എന്നിവ ഇന്ത്യൻ വിപണിയിൽ പുതിയ ഫീച്ചർ ഫോണുകളായി അവതരിപ്പിച്ചു.

നോക്കിയ 5.3 സവിശേഷതകൾ

സ്റ്റോക്ക് ആൻഡ്രോയിഡ് 10 ൽ പ്രവർത്തിക്കുന്ന ഡ്യുവൽ സിം (നാനോ) നോക്കിയ 5.3, 20: 9 ആസ്പെക്ടറ്റ് റേഷിയോ വരുന്ന 6.55 ഇഞ്ച് എച്ച്ഡി + (720x1,600 പിക്‌സൽ) ഡിസ്‌പ്ലേയാണ് അവതരിപ്പിക്കുന്നത്. 6 ജിബി വരെ എൽപിഡിഡിആർ 4 എക്സ് റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 665 SoC പ്രോസസറാണ് ഈ ഫോണിന്റെ കരുത്ത്. ഫോട്ടോകൾക്കും വീഡിയോകൾക്കുമായി, നോക്കിയ 5.3 ക്വാഡ് റിയർ ക്യാമറ സെറ്റപ്പിൽ 13 മെഗാപിക്സൽ പ്രൈമറി സെൻസറും എഫ് / 1.8 ലെൻസും 5 മെഗാപിക്സൽ സെക്കൻഡറി സെൻസറും അൾട്രാ വൈഡ് ആംഗിൾ 118 ഡിഗ്രി ലെൻസും വരുന്നു. ഈ സെറ്റപ്പിൽ 2 മെഗാപിക്സൽ ഡെപ്ത് സെൻസറും 2 മെഗാപിക്സൽ മാക്രോ ഷൂട്ടറും, കൂടാതെ ഒരു എൽഇഡി ഫ്ലാഷും വരുന്നു. സെൽഫികൾ പകർത്തുവാൻ നോക്കിയ 5.3യുടെ മുൻവശത്ത് എഫ് / 2.0 ലെൻസുള്ള 8 മെഗാപിക്സൽ ക്യാമറയുണ്ട്.

മൈക്രോ എസ്ഡി കാർഡ് വഴി (512 ജിബി വരെ) ഡെഡിക്കേറ്റഡ് സ്ലോട്ടിലൂടെ വികസിപ്പിക്കാവുന്ന 64 ജിബി സ്റ്റോറേജ് ഓപ്ഷനിലാണ് നോക്കിയ 5.3 വരുന്നത്. 4 ജി എൽടിഇ, വൈ-ഫൈ 802.11 എസി, ബ്ലൂടൂത്ത് 4.2, ജിപിഎസ് / എ-ജിപിഎസ്, എഫ്എം റേഡിയോ, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ആക്‌സിലറോമീറ്റർ, ആംബിയന്റ് ലൈറ്റ്, പ്രോക്‌സിമിറ്റി സെൻസർ എന്നിവ ബോർഡിലെ സെൻസറുകളിൽ വരുന്നു. പിൻവശത്ത് ഘടിപ്പിച്ച ഫിംഗർപ്രിന്റ് സെൻസറും ഡെഡിക്കേറ്റഡ് ഗൂഗിൾ അസിസ്റ്റന്റ് ബട്ടണും ഈ ഫോണിലുണ്ട്. 10W ചാർജിംഗിനെ പിന്തുണയ്‌ക്കുന്ന 4,000 എംഎഎച്ച് ബാറ്ററിയാണ് ഈ ഫോണിൽ ഉള്ളത്.

നോക്കിയ സി 3: സവിശേഷതകൾ

ആൻഡ്രോയിഡ് 10 ൽ പ്രവർത്തിക്കുന്ന ഡ്യുവൽ സിം (നാനോ) നോക്കിയ സി 3 ന് 5.99 ഇഞ്ച് എച്ച്ഡി + ഐപിഎസ് ഡിസ്‌പ്ലേയുണ്ട്. 3 ജിബി റാമുമായി ജോടിയാക്കിയ ഒക്ടാകോർ യൂണിസോക്ക് എസ്‌സി 9863 എ SoC പ്രോസസറിലാണ് ഈ ഫോൺ പ്രവർത്തിക്കുന്നത്. ഈ സ്മാർട്ട്ഫോണിന് പിന്നിൽ ഒരൊറ്റ 8 മെഗാപിക്സൽ സെൻസറും എഫ് / 2.0 ഓട്ടോഫോക്കസ് ലെൻസും എൽഇഡി ഫ്ലാഷും ഉണ്ട്. സെൽഫികൾ പകർത്തുവാൻ മുൻവശത്ത് 5 മെഗാപിക്സൽ സെൻസർ ലഭിക്കും. സ്റ്റോറേജ് ഭാഗത്ത്, നോക്കിയ സി 3 ന് 16 ജിബി, 32 ജിബി ഓൺബോർഡ് സ്റ്റോറേജ് ഓപ്ഷനുകൾ ഉണ്ട്. ഈ രണ്ടു ഫോണുകളും മൈക്രോ എസ്ഡി കാർഡ് വഴി 128 ജിബി വരെ വികസിപ്പിക്കാവുന്നതാണ്.

കണക്റ്റിവിറ്റി ഓപ്ഷനുകളിൽ 4 ജി എൽടിഇ, വൈ-ഫൈ 802.11 ബി / ജി / എൻ, ബ്ലൂടൂത്ത് 4.2, ജിപിഎസ് / എ-ജിപിഎസ്, എഫ്എം റേഡിയോ, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ്, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. പിന്നിൽ ഘടിപ്പിച്ച ഫിംഗർപ്രിന്റ് സെൻസറും ഡെഡിക്കേറ്റഡ് ഗൂഗിൾ അസിസ്റ്റന്റ് ബട്ടണും ഉണ്ട്. ഒരു ചാർജിൽ 16.5 സ്റ്റാൻഡ്‌ബൈ സമയം അല്ലെങ്കിൽ 50 മണിക്കൂർ ടോക്ക് ടൈം വരെ നൽകാനാകുമെന്ന് കമ്പനി പറയുന്ന 3,040 എംഎഎച്ച് ബാറ്ററിയാണ് നോക്കിയ സി 3ൽ വരുന്നത്.