നോക്കിയ 5.4 സ്മാർട്ഫോൺ ഫെബ്രുവരി 10 ന് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

നോക്കിയ 5.4 സവിശേഷതകൾ

1560 x 720 പിക്‌സൽ സ്‌ക്രീൻ റെസല്യൂഷനോടുകൂടിയ 6.39 ഇഞ്ച് എച്ച്ഡി + എൽസിഡി ഡിസ്‌പ്ലേയാണ് നോക്കിയ 5.4ൽ വരുന്നത്. ക്വാൽകോം സ്‌നാപ്ഡ്രാഗൺ 662 പ്രോസസറും 4 ജിബി വരെ റാമും ഈ ഹാൻഡ്‌സെറ്റിൽ നൽകിയിട്ടുണ്ട്. 128 ജിബി ഇന്റേണൽ സ്റ്റോറേജ് മൈക്രോ എസ്ഡി വഴി എക്സ്പാൻഡ് ചെയ്യുവാൻ സാധിക്കും. ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിലാണ് ഈ ഡിവൈസ് പ്രവർത്തിക്കുന്നത്. ഈ ഹാൻഡ്‌സെറ്റിന് യുഎസ്ബി ടൈപ്പ്-സി വഴി സ്റ്റാൻഡേർഡ് 10 ഡബ്ല്യു ചാർജറിനെ സപ്പോർട്ട് ചെയ്യുന്ന 4,000 എംഎഎച്ച് ബാറ്ററിയാണ് വരുന്നത്.

നോക്കിയ 5.4 ക്യാമറ സവിശേഷതകൾ

48 എംപി പ്രൈമറി ലെൻസ്, 5 എംപി അൾട്രാ വൈഡ് ലെൻസ്, 2 എംപി മാക്രോ ഷൂട്ടർ, 2 എംപി മാക്രോ സെൻസർ എന്നിവ ഉൾപ്പെടുന്ന ഒരു ക്വാഡ് ക്യാമറ സെറ്റപ്പാണ് ഈ ഹാൻഡ്‌സെറ്റിന്. സെൽഫികൾക്കും വീഡിയോകൾക്കുമായി ഇതിന് 16 എംപി സ്‌നാപ്പറും ലഭിക്കുന്നു.

നോക്കിയ 5.4 ഇന്ത്യയിൽ പ്രതീക്ഷിക്കുന്ന വില

4 ജിബി റാം + 64 ജിബി സ്റ്റോറേജുള്ള ബേസിക് വേരിയന്റിന് യൂറോ 189 മുതൽ (ഏകദേശം 16,900 രൂപ) വില ആരംഭിക്കുന്നു. ഇത് നോക്കുമ്പോൾ ഈ നോക്കിയ 5.4 ന്റെ വില ഏകദേശം 17,000 രൂപ വരെ കുറയുമെന്ന് പ്രതീക്ഷിക്കാം. കൂടാതെ, ഈ ഹാൻഡ്‌സെറ്റിന് രണ്ട് സ്റ്റോറേജ് കോൺഫിഗറേഷനുകൾ കൂടി ഉണ്ട്. ഇന്ത്യൻ വേരിയന്റിന് എല്ലാ സ്റ്റോറേജ് ഓപ്ഷനുകളും ലഭിക്കുമോ എന്നത് കണ്ടറിയണം. ഈ വില ശ്രേണിയിൽ, ഈ സ്മാർട്ഫോൺ വിപണിയിൽ ഗാലക്സി എഫ് 41 ൻറെ ഒരു മികച്ച എതിരാളിയായേക്കാം. കൂടാതെ, ഡസ്‌ക്ക്, പോളാർ നൈറ്റ് കളർ വേരിയന്റുകളിൽ ഈ സ്മാർട്ട്ഫോൺ വിപണിയിൽ വരുന്നു.