സ്നാപ്ഡ്രാഗൺ 662 SoC പ്രോസസ്സർ വരുന്ന നോക്കിയ 5.4 അവതരിപ്പിച്ചു: വില, സവിശേഷതകൾ

നോക്കിയ 5.4 വില

ബേസിക് 4 ജിബി റാം + 64 ജിബി സ്റ്റോറേജ് വേരിയന്റിനായി നോക്കിയ 5.4 വില യൂറോ 189 (ഏകദേശം 16,900 രൂപ) വില വരുന്നു. ഈ ഫോണിന് 4 ജിബി റാം + 128 ജിബി സ്റ്റോറേജും 6 ജിബി റാം + 64 ജിബി സ്റ്റോറേജ് ഓപ്ഷനുകളും ഉണ്ട്. എന്നാൽ, ഇനിയും ഈ ഹാൻഡ്‌സെറ്റിൻറെ ഔദ്യോഗിക വില ഇതുവരെ വ്യക്തമാക്കിയിട്ടില്ല. ഡസ്‌ക്ക്, പോളാർ നൈറ്റ് കളർ ഓപ്ഷനുകളിലാണ് നോക്കിയ 5.4 വരുന്നത്.

നോക്കിയ 5.4 ഇന്ത്യയിൽ ലോഞ്ച് ചെയ്യുന്നതിനെ കുറിച്ചുള്ള വിശദാംശങ്ങൾ ഇനിയും പുറത്തുവന്നിട്ടില്ല. നോക്കിയ 5.4 ന് പുറമേ, നോക്കിയ ബ്രാൻഡ് ലൈസൻസിയായ എച്ച്എംഡി ഗ്ലോബൽ 18W ഫാസ്റ്റ് കാർ ചാർജറും 18W ഫാസ്റ്റ് വാൾ ചാർജറും ഉൾപ്പെടുന്ന പുതിയ ആക്‌സസറികൾ പ്രഖ്യാപിച്ചു. പുതിയ ഫോണിന് നോക്കിയ ക്ലിയർ കേസും നോക്കിയ 5.4 ഗ്രിപ്പ്, സ്റ്റാൻഡ് കേസ് എന്നിവയും ലഭിക്കുന്നു.

നോക്കിയ 5.4 സവിശേഷതകൾ

ഡ്യുവൽ നാനോ സിം വരുന്ന നോക്കിയ 5.4 ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. ഇത് ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിലേക്ക് അപ്‌ഗ്രേഡ് ചെയ്യാനാകുന്നതാണ്. 6.39 ഇഞ്ച് എച്ച്ഡി + ഡിസ്‌പ്ലേയാണ് ഇതിൽ വരുന്നത്. ഒക്ടാ-കോർ ക്വാൽകോം സ്‌നാപ്ഡ്രാഗൺ 662 SoC പ്രോസസറും 6 ജിബി വരെ റാമും ഈ ഹാൻഡ്‌സെറ്റിൽ വരുന്നു. 48 മെഗാപിക്സൽ പ്രൈമറി സെൻസറുള്ള ക്വാഡ് റിയർ ക്യാമറ സെറ്റപ്പും എൽഇഡി ഫ്ലാഷ് മൊഡ്യൂളുമായി ജോടിയാക്കുന്നു. മുൻവശത്ത് 16 മെഗാപിക്സൽ സെൽഫി ക്യാമറ സെൻസറും ഈ ഫോണിലുണ്ട്.

നോക്കിയ 5.4 128 ജിബി വരെ ഓൺ‌ബോർഡ് സ്റ്റോറേജുമായി വരുന്നു. 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. പിൻവശത്ത് ഫിംഗർപ്രിന്റ് സെൻസറും നൽകിയിരിക്കുന്നു. കൂടാതെ, 4,000 എംഎഎച്ച് ബാറ്ററിയും നോക്കിയ 5.4ൽ വരുന്നു.