ക്യാമറയും 4 ജി സപ്പോർട്ടുമായി നോക്കിയ 8000, 6300 ഫീച്ചർ ഫോണുകൾ അവതരിപ്പിച്ചു

നോക്കിയ 8000 4 ജി, നോക്കിയ 6300 4 ജി വില

നോക്കിയ 8000 4 ജിക്ക് യൂറോ 79 (ഏകദേശം 6,900 രൂപ), നോക്കിയ 6300 4 ജിക്ക് യൂറോ 49 (ഏകദേശം 4,300 രൂപ)ഇ എന്നിങ്ങനെയാണ് വില വരുന്നത്. നോക്കിയ 8000 ഫീനിക്സ് ബ്ലാക്ക്, ഒപാൽ വൈറ്റ്, ടോപസ് ബ്ലൂ, സിൻട്രൈൻ ഗോൾഡ് കളർ ഓപ്ഷനുകളിൽ പുറത്തിറക്കി. എന്നാൽ, നോക്കിയ 6300 4 ജി സിയാൻ ഗ്രീൻ, ലൈറ്റ് ചാർക്കോൾ, ഡസ്റ്റ് വൈറ്റ് നിറങ്ങളിൽ അവതരിപ്പിച്ചു. ഈ ഫീച്ചർ ഫോണുകളുടെ കൃത്യമായ ലഭ്യത ഇതുവരെ കമ്പനി പ്രഖ്യാപിച്ചിട്ടില്ല. തിരഞ്ഞെടുത്ത വിപണികളിൽ ഇത് ഉടൻതന്നെ ലഭ്യമാകുമെന്ന് എച്ച്എംഡി ഗ്ലോബൽ അറിയിച്ചു.

നോക്കിയ 8000 4 ജി, നോക്കിയ 6300 4 ജി സവിശേഷതകൾ

കൈയോസിൽ പ്രവർത്തിക്കുന്ന ഈ രണ്ട് ഫീച്ചർ ഫോണുകൾ ഡ്യുവൽ സിം (നാനോ + നാനോ) സ്ലോട്ടുകളും അവതരിപ്പിക്കുന്നു. നോക്കിയ 8000 4 ജിയിൽ 2.8 ഇഞ്ച് ക്യുവിജിഎ ഡിസ്‌പ്ലേയാണ് വരുന്നത്. നോക്കിയ 6300 4 ജിയിൽ 2.4 ഇഞ്ച് ക്യുവിജിഎ ഡിസ്‌പ്ലേയുണ്ട്. ക്വാൽകോം സ്‌നാപ്ഡ്രാഗൺ 210 പ്രോസസറിൽ പ്രവർത്തിക്കുന്ന ഫോണുകൾക്ക് 4 ജിബി ഇന്റേണൽ സ്റ്റോറേജുണ്ട്. മൈക്രോ എസ്ഡി കാർഡ് ഉപയോഗിച്ച് ഈ സ്റ്റോറേജ് കപ്പാസിറ്റി 32 ജിബി വരെ വികസിപ്പിക്കാനാകും. നോക്കിയ 8000 4 ജിയിൽ 512 എംബി റാമാണ് വരുന്നത്.

മുൻപ് സൂചിപ്പിച്ചതുപോലെ, നോക്കിയ 8000 4 ജിയിൽ 2 മെഗാപിക്സൽ പിൻ ക്യാമറയും നോക്കിയ 6300 4 ജിയിൽ വിജിഎ പിൻ ക്യാമറയുമാണ് വരുന്നത്. രണ്ട് ഫീച്ചർ ഫോണുകളിലും ഫ്ലാഷ്‌ലൈറ്റ് സപ്പോർട്ടുണ്ട്. 1,500 എംഎഎച്ച് റിമൂവബിൾ ബാറ്ററി വരുന്ന ഈ ഫോണിൽ ചാർജ് ദിവസങ്ങളോളം നിലനിൽക്കുമെന്ന് അവകാശപ്പെടുന്നു. മൈക്രോ യുഎസ്ബി സ്ലോട്ടിനെ സപ്പോർട്ട് ചെയ്യുന്ന ഇവയ്ക്ക് 3.5 എംഎം ഓഡിയോ ജാക്ക് ഉണ്ട്. രണ്ട് ഫോണുകളിലും എഫ്എം റേഡിയോയും എ-ജിപിഎസ് കണക്റ്റിവിറ്റിയും വരുന്നു. നോക്കിയ 8000 4 ജിക്ക് 132.2x56.5x12.34 മില്ലിമീറ്റർ അളവും 110.2 ഗ്രാം ഭാരവും വരുന്നു. നോക്കിയ 6300 4 ജി 131.4x53.0x13.7 മില്ലിമീറ്റർ അളവും 104.7 ഗ്രാം ഭാരവും വരുന്നു.