നോക്കിയ 9, വണ്‍ പ്ലസ് 5: വരാനിരിക്കുന്ന ഈ ഫോണുകള്‍ തമ്മിലാകും മത്സരം!

ഡിസൈന്‍

നോക്കിയ 9ന്റെ ഡിസൈനിനെ കുറിച്ച് അത്ര വ്യക്തമായി ഒന്നും തന്ന റിപ്പോര്‍ട്ടുകളില്‍ പറഞ്ഞിട്ടില്ല. എന്നാല്‍ വണ്‍പ്ലസ് 5ന് സെറാമിക് ബോഡി ആണെന്നു പറയുന്നു. കൂടാതെ ഫ്‌ളാഗ്ഷിപ്പ് ഫോണിന് കൂടുതല്‍ പ്രീമിയം കാഴ്ച നല്‍കാനായി ഓള്‍-ഗ്ലാസ് ഡിസൈനും നല്‍കാന്‍ തീരുമാനിക്കുന്നു.

ഡിസ്‌പ്ലേ

നോക്കിയ 9ന് 5.5ഇഞ്ച് QHD 1440p ഒഎല്‍ഇഡി ഡിസ്‌പ്ലേയാണ്. എന്നാല്‍ വണ്‍പ്ലസ് 5ന് 5.5ഇഞ്ച് ഡ്യുവല്‍ കര്‍വ്വ്ഡ് എഡ്ജ് QHD 1440p അമോലെഡ് ഡിസ്‌പ്ലേ എന്നിവയാണെന്നു പറയപ്പെടുന്നു.

സോഫ്റ്റ്‌വയര്‍

നോക്കിയ 9നും വണ്‍പ്ലസ് 5നും ഏറ്റവും പുതിയ സ്‌നാപ്ഡ്രാഗണ്‍ 835 ഒക്ടാകോര്‍ പ്രോസസര്‍ ആണ്. മള്‍ട്ടിടാസ്‌ക്കിങ്ങിനായി 6ജിബി റാമും ഈ ഫോണില്‍ ഉണ്ട്. 64ജിബി 128ജിബി എന്നീ രണ്ടു വേരിയന്റുകളിലായാണ് ഈ ഫോണുകള്‍ ഇറങ്ങുന്നത്.

IP68 റേറ്റിങ്ങ്

ഈ ദിവസങ്ങളില്‍ പ്രത്യേകിച്ചും മുന്‍നിര സ്മാര്‍ട്ട്‌ഫോണുകളില്‍ IP68 റേറ്റിങ്ങ് സവിശേഷത വേണമെന്നു നിര്‍ബദ്ധമാണ്. ഇത് അനുസരിച്ച് IP68 റേറ്റിങ്ങ് ഈ രണ്ടു ഫോണുകള്‍ക്കും വരുമെന്നു വിശ്വസിക്കുന്നു.

ക്യാമറ

വണ്‍പ്ലസ് 5ന് 23എംബി പിന്‍ ക്യാമറയും, 12എംബി മുന്‍ ക്യാമറയുമാണ് നല്‍കാന്‍ തീരുമാനിച്ചിരിക്കുന്നത്. എന്നാല്‍ നോക്കിയ 9ന് റിയര്‍ ക്യാമറ 22എംബി ഡ്യുവല്‍ ലെന്‍സ് കാള്‍ സീയൂസ് ഒപ്റ്റിക്‌സും 12എംബി സെല്‍ഫി ക്യാമറയുമാണ്.