പുതിയ നോക്കിയ സി 30 ബജറ്റ് സ്മാർട്ട്ഫോൺ വിപണിയിൽ അവതരിപ്പിച്ചു

എച്ച്എംഡി ഗ്ലോബൽ 550 ഡോളർ വിലയുള്ള പ്രീമിയം നോക്കിയ എക്സ്ആർ 20 റഗ്ഡ് 5 ജി സ്മാർട്ട്‌ഫോൺ ആഗോള വിപണിയിൽ അവതരിപ്പിച്ചു. ഇതിന് ഏകദേശം 41,000 രൂപ വില വരുന്നു. നോക്കിയ സി 30 എന്ന് വിളിക്കുന്ന മറ്റൊരു പുതിയ ബജറ്റ് സ്മാർട്ട്ഫോൺ പുറത്തിറക്കി. ആഗോളതലത്തിൽ ആരംഭിച്ച എച്ച്എംഡി നോക്കിയ സി 30 യുടെ ഇന്ത്യയിലെ ലോഞ്ചിനെക്കുറിച്ച് ഇതുവരെ ഒരു വിവരവും വെളിപ്പെടുത്തിയിട്ടില്ല. 2 ജിബി റാം + 32 ജിബി ഇന്റേണൽ സ്റ്റോറേജ്, 3 ജിബി റാം + 32 ജിബി സ്റ്റോറേജ്, 3 ജിബി റാം + 64 ജിബി ഇന്റേണൽ സ്റ്റോറേജ് എന്നിവയുൾപ്പെടെ മൂന്ന് വേരിയന്റുകളിലാണ് മിതമായ നിരക്കിൽ നോക്കിയ സി 30 സ്മാർട്ട്‌ഫോൺ വിപണിയിൽ പുറത്തിറക്കിയത്. സ്റ്റോറേജ് കൂടുതൽ എക്സ്പാൻഡ് ചെയ്യുവാനും കൂടുതൽ ഫോട്ടോകളും വീഡിയോകളും സ്റ്റോർ ചെയ്യുന്നതിനുമായി മൈക്രോ എസ്ഡി കാർഡ് സപ്പോർട്ടുണ്ട്.

പുതിയ നോക്കിയ സി 30 യുടെ വില ഏകദേശം 8,700 രൂപ മുതൽ ആരംഭിക്കുന്നു. 2 ജിബി റാമും 32 ജിബി ഇന്റേണൽ സ്റ്റോറേജുമുള്ള ഈ സ്മാർട്ഫോണിൻറെ അടിസ്ഥാന മോഡലിനാണ് ഈ വില വരുന്നത്. എല്ലാ മോഡലുകളും ഗ്രീൻ, വൈറ്റ് ഉൾപ്പെടെ രണ്ട് കളർ ഓപ്ഷനുകളിലാണ് വിപണിയിൽ വരുന്നത്.

നോക്കിയ സി 30 സ്മാർട്ഫോണിൻറെ സവിശേഷതകൾ

എൻട്രി ലെവൽ നോക്കിയ സി 30 സ്മാർട്ട്‌ഫോണിൽ 6.82 ഇഞ്ച് എച്ച്ഡി + എൽസിഡി ഡിസ്‌പ്ലേ, 1600 x 720 പിക്‌സൽ സ്‌ക്രീൻ റെസല്യൂഷൻ, 20: 9 ആസ്പെക്റ്റ് റേഷിയോ എന്നിവയുണ്ട്. ഫോണിൻറെ മുൻവശത്ത്, 1.6 ജിഗാഹെർട്‌സിൽ നാല് എ 55 കോറുകളും 1.2 ജിഗാഹെർട്‌സിൽ നാല് എ 55 കോറുകളുമുള്ള ഒരു ഒക്ടാ കോർ പ്രോസസറാണ് കരുത്ത് പകരുന്നത്. 3 ജിബി റാമും 64 ജിബി ഇന്റേണൽ സ്റ്റോറേജുമായി ഇത് ജോടിയാക്കുന്നു. 13 മെഗാപിക്സൽ പ്രൈമറി സെൻസറും എൽഇഡി ഫ്ലാഷും 2 മെഗാപിക്സൽ സെക്കൻഡറി സെൻസറും ഉൾപ്പെടെയുള്ള ഡ്യുവൽ ക്യാമറ സംവിധാനമാണ് നോക്കിയ സി 30 ൽ ഉള്ളത്. മുൻവശത്ത്, ഈ ബജറ്റ് നോക്കിയ ഫോണിൽ സെൽഫികൾക്കും വീഡിയോ കോളുകൾക്കുമായി 5 മെഗാപിക്സൽ ഇമേജ് സെൻസറും നൽകിയിട്ടുണ്ട്.

ഈ എൻട്രി ലെവൽ ഹാർഡ്‌വെയർ ഉള്ള ഫോണുകൾക്കായി വികസിപ്പിച്ച ആൻഡ്രോയ്‌ഡ് 11 ഒപ്റ്റിമൈസ് ചെയ്‌തിട്ടുള്ള എഡിഷനായ ആൻഡ്രോയിഡ് 11 Go സോഫ്റ്റ്വെയറിൽ ബജറ്റ് നോക്കിയ ഫോൺ പ്രവർത്തിക്കുന്നു. ബോക്സിൽ 10W ചാർജിംഗ് സപ്പോർട്ടുള്ള 6,000 എംഎഎച്ച് ബാറ്ററിയാണ് നോക്കിയ സ്മാർട്ട്‌ഫോണിന് സപ്പോർട്ട് നൽകുന്നത്. 4 ജി വോൾട്ട്, വൈ-ഫൈ 802.11 ബി / ജി / എൻ, ബ്ലൂടൂത്ത് 4.2, ജിപിഎസ് + ഗ്ലോനാസ്, മൈക്രോ-യുഎസ്ബി പോർട്ട്, റിയർ മൗണ്ട് ചെയ്ത ഫിംഗർപ്രിന്റ് സെൻസർ എന്നിവയാണ് ഈ സ്മാർട്ട്ഫോണിൻറെ മറ്റ് സവിശേഷതകൾ.