Nokia G11 Plus: ഒറ്റചാർജിൽ മൂന്ന് ദിവസം ഉപയോഗിക്കാം; അറിയാം നോക്കിയയുടെ പുതിയ ഫോണിനെക്കുറിച്ച്

Nokia G11 Plus: നോക്കിയ ജി11 ഡിസൈൻ

നോക്കിയ ജി11 പ്ലസ് സ്മാർട്ട്ഫോണിൽ അതിന്റെ മുൻഗാമിയെ അപേക്ഷിച്ച് വളരെയധികം നവീകരണങ്ങൾ ഒന്നും കമ്പനി കൊണ്ട് വന്നിട്ടില്ല. നോക്കിയ ജി 11 പ്ലസ് സ്മാർട്ട്ഫോൺ ഒരു വാട്ടർ ഡ്രോപ്പ് നോച്ച് ഡിസൈൻ ആണ് ഫീച്ചർ ചെയ്യുന്നത്. ഹാൻഡ്‌സെറ്റിന്റെ വശങ്ങളിലും മുകളിലും ഏതാണ്ട് ബെസലുകൾ ഇല്ലെന്ന് പറയാവുന്ന ഡിസൈൻ ആണ് നൽകിയിരിക്കുന്നത്. അതേ സമയം ബോട്ടം സൈഡിൽ കട്ടിയുള്ള ബെസലും ഉണ്ട്.

വൺപ്ലസ് 10ആർ സ്മാർട്ട്ഫോണിന് 4,000 രൂപ കുറച്ചു; ഓഫർ പരിമിത കാലത്തേക്ക് മാത്രം

നോക്കിയ ജി11 പ്ലസ് സ്മാർട്ട്ഫോണിന്റെ ഒരു വശത്തായി ഫിംഗർപ്രിന്റ് സെൻസർ, ഗുളികയുടെ രൂപത്തിൽ ഉള്ള റിയർ ക്യാമറ മൊഡ്യൂൾ, ആകർഷകമായ നോക്കിയ ബ്രാൻഡിങ്, താഴെ ഇടത് വശത്തായി സ്പീക്കർ ഗ്രിൽ എന്നിവയും നൽകിയിരിക്കുന്നു. നോക്കിയ ജി11 പ്ലസ് സ്മാർട്ട്ഫോൺ ആൻഡ്രോയിഡ് 12 ഒഎസിലാണ് പ്രവർത്തിക്കുന്നത്. കൂടാതെ രണ്ട് വർഷത്തെ സോഫ്റ്റ്‌വെയർ അപ്‌ഗ്രേഡുകളും മൂന്ന് വർഷത്തെ സുരക്ഷാ അപ്‌ഡേറ്റുകളും നോക്കിയ ജി11 പ്ലസ് സ്മാർട്ട്ഫോണിന് ഒപ്പം ഓഫർ ചെയ്യപ്പെടുന്നു.

 

Nokia G11 Plus: നോക്കിയ ജി11 പ്ലസ് ഡിസ്പ്ലെ ഫീച്ചറുകൾ

നോക്കിയ ജി11 പ്ലസ് സ്മാർട്ട്ഫോൺ 6.5 ഇഞ്ച് ഡിസ്‌പ്ലെയാണ് ഫീച്ചർ ചെയ്യുന്നത്. 1,600 x 720 പിക്‌സൽ റെസലൂഷന് ഒപ്പം 90 ഹെർട്സ് റിഫ്രഷ് റേറ്റും നോക്കിയ ജി11 പ്ലസ് സ്മാർട്ട്ഫോണിലെ ഡിസ്പ്ലെയുടെ സവിശേഷതയാണ്. ഒക്ടാ കോർ യൂണിസോക്ക് ടി606 പ്രോസസറാണ് നോക്കിയ ജി11 പ്ലസ് സ്മാർട്ട്ഫോണിന് കരുത്ത് പകരുന്നത്.

സാംസങ് ഗാലക്സി എം32 സ്മാർട്ട്ഫോണിന് വില കുറച്ചു; ഈ അവസരം നഷ്ടപ്പെടുത്തരുത്

1.6 ഗിഗാ ഹെർട്സിന്റെ പരമാവധി വേഗതയാണ് ഈ പ്രോസസർ ഓഫർ ചെയ്യുന്നത്. മാലി ജി57 എംപി1 ജിപിയുവുമായി ഈ ചിപ്പ്സെറ്റ് പെയർ ചെയ്തിട്ടും ഉണ്ട്. 4 ജിബി റാമും 64 ജിബി ഇന്റേണൽ സ്റ്റോറേജും നോക്കിയ ജി11 പ്ലസ് സ്മാർട്ട്ഫോൺ ഓഫർ ചെയ്യുന്നു. മൈക്രോ എസ്ഡി കാർഡ് വഴി സ്റ്റോറേജ് 512 ജിബിയായി കൂട്ടാനും സാധിക്കും.

Nokia G11 Plus: നോക്കിയ ജി11 പ്ലസ് ക്യാമറ ഫീച്ചറുകൾ

ഡ്യുവൽ റിയർ ക്യാമറ സജ്ജീകരണം ആണ് നോക്കിയ ജി11 പ്ലസ് സ്മാർട്ട്ഫോൺ ഫീച്ചർ ചെയ്യുന്നത്. 50 മെഗാ പിക്സൽ പ്രൈമറി ക്യാമറയാണ് ഈ ഡ്യുവൽ റിയർ ക്യാമറ സജ്ജീകരണത്തിലെ ഹൈലൈറ്റ്. അതിന് ഒപ്പം രണ്ട് മെഗാ പിക്സൽ ഡെപ്ത് സെൻസറും നോക്കിയ ജി11 പ്ലസ് സ്മാർട്ട്ഫോണിലെ റിയർ ക്യാമറ സജ്ജീകരണത്തിൽ ലഭ്യമാണ്.

ജിയോഫോൺ നെക്സ്റ്റ് കുറഞ്ഞ വിലയിൽ സ്വന്തമാക്കാൻ അവസരം

സെൽഫികൾക്കും വീഡിയോ കോളുകൾക്കുമായി, നോക്കിയ ജി11 പ്ലസ് സ്മാർട്ട്ഫോൺ 8 മെഗാ പിക്സൽ സെൽഫി ഷൂട്ടറും ഓഫർ ചെയ്യുന്നു. വിവിധ തരം മോഡുകളും നോക്കിയ ജി11 പ്ലസ് സ്മാ‍‍ർട്ട്ഫോണിൽ ലഭ്യമാണ്. നോക്കിയ ജി11 പ്ലസ് സ്മാർട്ട്ഫോണിന്റെ ബാറ്ററി ഫീച്ചറുകളും കണക്റ്റിവിറ്റി ഓപ്ഷനുകളും മനസിലാക്കാൻ തുടർന്ന് വായിക്കുക.

Nokia G11 Plus: നോക്കിയ ജി11 പ്ലസ് ബാറ്ററിയും കണക്റ്റിവിറ്റിയും

5,000 എംഎഎച്ച് ബാറ്ററി കപ്പാസിറ്റിയുമായാണ് നോക്കിയ ജി11 പ്ലസ് സ്മാർട്ട്ഫോൺ വരുന്നത്. 18 വാട്ട് ഫാസ്റ്റ് ചാർജിങ് സപ്പോർട്ടും നോക്കിയ ജി11 പ്ലസ് സ്മാർട്ട്ഫോണിൽ ലഭ്യമാണ്. മൂന്ന് ദിവസത്തെ ബാറ്ററി ബായ്ക്കപ്പ് ആണ് നോക്കിയ ജി11 പ്ലസ് ഓഫർ ചെയ്യുന്നത്. സുരക്ഷയ്ക്കായി നോക്കിയ ജി11 പ്ലസ് സ്മാർട്ട്ഫോണിന്റെ ഒരു വശത്ത് ആയി ഫിംഗർപ്രിന്റ് സെൻസറും നൽകിയിരിക്കുന്നു.

നത്തിങ് ഫോൺ (1) മുതൽ ഷവോമി 12 അൾട്ര വരെ ജൂലൈയിൽ ലോഞ്ച് ചെയ്യുന്ന സ്മാർട്ട്ഫോണുകൾ

ഡ്യുവൽ 4ജി വോൾട്ടീ, വൈഫൈ 802.11, ബ്ലൂടൂത്ത് 5 എന്നിവയാണ് നോക്കിയ ജി11 പ്ലസ് സ്മാർട്ട്ഫോണിലെ പ്രധാന കണക്റ്റിവിറ്റി ഫീച്ചറുകൾ. ഗ്ലോനാസ് ഉള്ള എ ജിപിഎസ്, എൻഎഫ്സി, യുഎസ്ബി ടൈപ്പ് സി പോ‍ർട്ട് എന്നിവയും നോക്കിയ ജി11 പ്ലസ് സ്മാ‍ർട്ട്ഫോണിലെ കണക്റ്റിവിറ്റി സവിശേഷതകളിൽ ഉൾപ്പെടുന്നു.

Nokia G11 Plus: നോക്കിയ ജി11 പ്ലസ് വിലയും കളർ വേരിയന്റുകളും

ലേക്ക് ബ്ലൂ, ചാർക്കോൾ ഗ്രേ കളർ വേരിയന്റുകളിൽ നോക്കിയ ജി11 പ്ലസ് ലഭിക്കും. ഫോണിന്റെ വില ഇപ്പോൾ ഔദ്യോഗികമായി പ്രഖ്യാപിച്ചിട്ടില്ല. എന്നിരുന്നാലും, ഏകദേശം 12,000 രൂപ വരെ പ്രതീക്ഷിക്കാവുന്നതാണ്. നോക്കിയ ജി11 പ്ലസ് സമീപഭാവിയിൽ തന്നെ ആഗോള വിപണിയിൽ പുറത്തിറങ്ങും. ഹാൻഡ്‌സെറ്റ് ഇന്ത്യൻ വിപണിയിലും ഉടൻ പുറത്തിറങ്ങുമെന്ന് പ്രതീക്ഷിക്കാവുന്നതാണ്.

ലോഞ്ചിന് മുമ്പേ ട്രന്റിങ് സ്മാർട്ട്ഫോണുകളിൽ ഒന്നാമത് നത്തിങ് ഫോൺ (1), പോക്കോ എഫ്4 രണ്ടാമൻ

ശേഷി കൂടിയ ബാറ്ററി, നവീനമായ ക്യാമറ ടെക്നോളജി, ബിൽഡ് ക്വാളിറ്റി എന്നിവയെല്ലാം പുതിയ നോക്കിയ ജി11 പ്ലസിൽ കമ്പനി അവകാശപ്പെടുന്നുണ്ട്. പ്രതിമാസ സെക്യൂരിറ്റി അപ്ഡേറ്റുകൾ ഒൺലൈൻ ഇടപെടലുകൾ കൂടുതൽ സുരക്ഷിതമാക്കുമെന്നും നോക്കിയ പറയുന്നു. കമ്പനിയുടെ അവകാശവാദങ്ങൾക്ക് അപ്പുറത്തേക്ക് ഡിവൈസിന്റെ പെ‍‍ർഫോമൻസും ക്വാളിറ്റിയും നേരിട്ട് കണ്ട് തന്നെ അറിയേണ്ടതുണ്ട്.