നോക്കിയ ജി 20 സ്മാർട്ഫോണിൻറെ പ്രീ-ഓർഡർ ജൂലൈ 7 ന് ഇന്ത്യയിൽ ആരംഭിക്കും

ഇന്ത്യയിൽ നോക്കിയ ജി 20 പ്രീ-ബുക്കിംഗ്

നോക്കിയ ജി 20 ഇന്ത്യയിൽ ഔദ്യോഗികമായി പുറത്തിറങ്ങാനിരിക്കെ ആമസോണിൽ ഈ സ്മാർട്ഫോൺ പട്ടികപ്പെടുത്തി കഴിഞ്ഞു. ലിസ്റ്റിംഗ് ഈ സ്മാർട്ഫോണിന് നൽകിയിരിക്കുന്ന വില 12,999 രൂപയാണ്, ഇത് ഓൺലൈൻ പോർട്ടലിന് മാത്രമുള്ളതുമായിരിക്കും. നോക്കിയ ജി 20 യുടെ പ്രീ-ബുക്കിംഗ് ജൂലൈ 7 മുതൽ ഉച്ചയ്ക്ക് കൃത്യം 12:00 മണിക്ക് ആരംഭിക്കുമെന്ന് ലിസ്റ്റിംഗ് കാണിക്കുന്നു. ഈ സ്മാർട്ട്‌ഫോൺ ഗ്ലേസിയർ, നൈറ്റ് കളർ ഓപ്ഷനുകളിൽ ലഭ്യമാകുമെന്നും പറയുന്നു.

നോക്കിയ ജി 20 സ്മാർട്ഫോണിൻറെ സവിശേഷതകൾ

നോക്കിയ ജി 20 യ്ക്ക് 20: 9 ആസ്പെക്റ്റ് റേഷിയോയുള്ള 6.5 ഇഞ്ച് എച്ച്ഡി + ഡിസ്പ്ലേയും, കട്ടിയുള്ള ബെസലുകളുമുണ്ട്. ഈ സ്മാർട്ഫോണിൽ 4 ജിബി റാമും 64 ജിബി വരെ സ്റ്റോറേജ് സ്പേസും ഒക്ടാകോർ മീഡിയടെക് ഹീലിയോ ജി 35 SoC പ്രോസസറുമുണ്ട്. ആമസോൺ ലിസ്റ്റിംഗ് സ്റ്റോറേജ് കോൺഫിഗറേഷനെ കുറിച്ച് ഒന്നും വെളിപ്പെടുത്തുന്നില്ലെങ്കിലും 4 ജിബി + 64 ജിബി സ്റ്റോറേജ് വേരിയൻറ് രാജ്യത്ത് വിപണിയിലെത്തുമെന്ന് പറയുന്നു. 512 ജിബി വരെ കൂടുതൽ സ്റ്റോറേജ് സ്പേസ് എക്സ്പാൻഡ് ചെയ്യുവാനുള്ള മൈക്രോ എസ്ഡി കാർഡ് സ്ലോട്ടും ഇതിലുണ്ടാകും.

നോക്കിയ ജി 20 സ്മാർട്ഫോണിൻറെ ക്യാമറ സവിശേഷതകൾ

48 എംപി പ്രൈമറി ക്യാമറ സെൻസർ, 5 എംപി സെക്കൻഡറി അൾട്രാ-വൈഡ് ആംഗിൾ ലെൻസ്, 2 എംപി ടെർഷ്യറി മാക്രോ ലെൻസ്, 2 എംപി ഫോർത്ത് ഡെപ്ത് സെൻസർ എന്നിവയുള്ള പിൻഭാഗത്ത് ക്വാഡ് ക്യാമറ സംവിധാനം നോക്കിയ ജി 20ൽ ഉപയോഗിക്കും. 8 എംപി സെൽഫി ക്യാമറ സെൻസർ, ഓസോ ഓഡിയോ, ഡെഡിക്കേറ്റഡ് ഗൂഗിൾ അസിസ്റ്റന്റ് ബട്ടൺ, സൈഡ് മൗണ്ട് ചെയ്യ്ത ഫിംഗർപ്രിന്റ് സെൻസർ, 5050 എംഎഎച്ച് ബാറ്ററി എന്നിവയാണ് മറ്റുള്ള സവിശേഷതകൾ. ആൻഡ്രോയിഡ് 11 ഔട്ട്-ഓഫ്-ബോക്സ് ഓപ്പറേറ്റിംഗ് സിസ്റ്റത്തിൽ പ്രവർത്തിപ്പിക്കുന്ന നോക്കിയ ജി 20 യ്ക്ക് രണ്ട് വർഷത്തെ സോഫ്റ്റ്വെയർ അപ്ഡേഷൻ സപ്പോർട്ട് ലഭിക്കും.

പ്രീ-ഓർഡർ വിലയിൽ നിന്ന് നോക്കിയ ജി 20 യുടെ വില രാജ്യത്ത് 15,000 രൂപയ്ക്ക് താഴെയായിരിക്കുമെന്ന് വ്യക്തമാണ്. റെഡ്മി നോട്ട് 10, റിയൽ‌മി നർസോ 30 4 ജി, പോക്കോ എം 3 പ്രോ, എന്നിവയുൾപ്പെടെ സമാന വിലയുള്ള സ്മാർട്ട്‌ഫോണുകളുമായി ഈ ഹാൻഡ്‌സെറ്റ് വിപണിയിൽ മത്സരിക്കും. എന്നാൽ, ചൈനീസ് ബ്രാൻഡ് സ്മാർട്ഫോണുകൾക്കെതിരെ ഇത് എങ്ങനെ മത്സരിക്കുമെന്നുള്ള കാര്യം ഇതുവരെ വ്യക്തമല്ല.