നോക്കിയ ലൂമിയ 925 ഇന്ത്യന്‍ വിപണിയിലും; ഓണ്‍ലൈന്‍്‌സറ്റോറുകളില്‍ വന്‍ വിലക്കുറവ്

By Bijesh

Updated: Wednesday, August 21, 2013, 20:32 [IST]

കഴിഞ്ഞ മേയില്‍ യു.കെയില്‍ ലോഞ്ച് ചെയ്ത നോക്കിയ ലൂമിയ 925 സ്മാര്‍ട്ട് ഫോണ്‍ ഇനി മുതല്‍ ഇന്ത്യന്‍ വിപണിയിലും. നിലവില്‍ ഓണ്‍ലൈന്‍ സ്‌റ്റോറുകളില്‍ മാത്രമാണ് ഫോണ്‍ ലഭ്യമാവുക. പ്രതീക്ഷകള്‍ തെറ്റിച്ച് 33999 രൂപവരെ മാത്രമാണ് വിവിധ സൈറ്റുകളില്‍ ലൂമിയ 925-ന്റെ വില.

കാമറ തന്നെയാണ് ഹാന്‍ഡ്‌സെറ്റിന്റെ പ്രധാന ആകര്‍ഷണങ്ങളിലൊന്ന്. ബെസ്റ്റ് ഷോട്ട്, ആക്ഷന്‍ ഷോട്ട്, മോഷന്‍ ഫോകസ് തുടങ്ങിയ സംവിധാനങ്ങളുള്ള നോക്കിയ സ്മാര്‍ട്ട് കാമറ മോഡ് വൈവിധ്യമാര്‍ന്നതും തെളിമയുള്ളതുമായ ഫോട്ടോകള്‍ എടുക്കാന്‍ സഹായകരമാണ്.

ഒഗ്ള്‍ എന്ന ആപ്ലിക്കേഷനാണ് ഫോണിന്റെ മറ്റൊരു പ്രത്യേകത. ലോകത്തെവിടെയുമുള്ള വ്യക്തികളുമായി ഫോട്ടോ ഷെയര്‍ ചെയ്യാന്‍ സഹായിക്കുന്നതാണ് ഈ ആപ്ലിക്കേഷന്‍. സോഷ്യല്‍ നെറ്റ്‌വര്‍ക്കിംഗ് സൈറ്റുകളിലും ഈ ആപ്ലിക്കേഷനിലൂടെ ഫോട്ടോകള്‍ ഷെയര്‍ ചെയ്യാം.

വിന്‍ഡോസ് ഫോണ്‍ 8 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഫോണിന് 1.5 GHz ഡ്യുവല്‍ കോര്‍ സ്‌നാപ്ഡ്രാഗണ്‍ പ്രൊസസറാണുള്ളത്. 4.5 ഇഞ്ച് AMOLED WXGA (1280-768) ഡിസ്‌പ്ലെ, 8.7 എം.പി. പ്രൈമറി കാമറ, 1.2 എം.പി. ഫ്രണ്ട് കാമറ, 1 ജി.ബി. റാം, 16 ജി.ബി. ഇന്റേണല്‍ മെമ്മറി, 2000mAh ബാറ്ററി എന്നിവയാണ് മറ്റു സവിശേഷതകള്‍.

നോക്കിയ ലൂമിയ ലഭ്യമാകുന്ന ഏതാനും ഇ കൊമേഴ്‌സ് സൈറ്റുകള്‍ ഇതാ

നോക്കിയ ലൂമിയ 925 സ്മാര്‍ട്ട്‌ഫോണ്‍ ഗാലറിക്കായി ഇവിടെ ക്ലിക് ചെയ്യുക