നോക്കിയ പി1 ആന്‍ഡ്രോയിഡ് ഫോണ്‍: വില,ഇറങ്ങുന്ന തീയതി,സവിശേഷതകള്‍.....

ഇപ്പോള്‍ അവസാമനായി നോക്കിയ പ1 നെ കുറിച്ച് വിശദമായ റിപ്പോര്‍ട്ടുകള്‍ വന്നു.

By Asha Sreejith

Updated: Monday, February 13, 2017, 12:38 [IST]

2016 മുതലാണ് നോക്കിയ പി1 ആന്‍ഡ്രോയിഡ് സ്മാര്‍ട്ട്‌ഫോണ്‍ എത്തുമെന്നു പറഞ്ഞു തുടങ്ങിയത്. അതിനു ശേഷം ഈ ഫോണിനെ സംബന്ധിച്ച് പല വിശദാശങ്ങളും വന്നിരുന്നു.

എന്നാല്‍ ഇപ്പോള്‍ അവസാമനായി നോക്കിയ പ1 നെ കുറിച്ച് വിശദമായ റിപ്പോര്‍ട്ടുകള്‍ വന്നു. അതില്‍ ഫോണ്‍ സവിശേഷത, വില, വിപണിയില്‍ എത്തുന്ന തീയതി എല്ലാം തന്നെ അടങ്ങിയിട്ടുണ്ട്. ഇതിനു മുന്‍പുളള ലേഖനത്തില്‍ നോക്കിയ പി1 ന്റെ വീഡിയോ കൊടുത്തിരുന്നു.

എന്തൊക്കെയാണ് നോക്കിയ പി1 ന്റെ സവിശേഷതകള്‍ എന്നു നോക്കാം.

നോക്കിയ പി1 ന് പ്രീമിയം ഡിസൈന്‍

നോക്കിയ പി1ന്റെ വീഡിയോ പ്രീമിയം ഡിസൈന്‍ കാണിക്കുന്നു. മെറ്റല്‍ ഫ്രയിം നല്‍കിയതിനാലാണ് കാഴ്ചയില്‍ പ്രീമിയം ലുക്ക് നല്‍കുന്നത്. മുന്നില്‍ ഹോം ബട്ടണില്‍ തന്നെയാണ് ഫിങ്കര്‍ പ്രിന്റ് സെന്‍സര്‍ ഉള്‍പ്പെടുത്തിയിരിക്കുന്നത്. നോക്കിയ പി1 റോസ് ഗോള്‍ഡ്, ബ്ലാക്ക്, സില്‍വര്‍ എന്നീ നിറങ്ങളിലാണ് എത്തുന്നതെന്നാണ് പറയുന്നത്.

ഹൈ എന്‍ഡ് സ്‌പെസഫിക്കേഷന്‍

നോക്കിയ പി1 ന്റെ സ്‌പെസഫിക്കേഷനെ കുറിച്ചു പറയുകയാണെങ്കില്‍ 5.3ഇഞ്ച് ഫുള്‍ എച്ച്ഡി ഡിസ്‌പ്ലേ, 1080X1440 റിസൊല്യൂഷന്‍, കോര്‍ണിങ്ങ് ഗൊറില്ല ഗ്ലാസ് 5 പ്രൊട്ടക്ഷന്‍, സ്‌നാപ്ഡ്രാഗണ്‍ 835 പ്രോസസര്‍, 6ജിബി റാം, 128/256ജിബി ഇന്റേര്‍ണല്‍ സ്‌റ്റോറേജ് എന്നിവയാണ്.

പ്രത്യേകതയുളള ക്യാമറ

22എംബി കാള്‍ സീയൂസ് ക്യാമറയാണ് നോക്കിയ പി1 ന്. IP57 സര്‍ട്ടിഫൈ ചെയ്ത് വാട്ടര്‍ പ്രൂഫ് ഡെസ്റ്റ് റെസിസ്റ്റന്റ് ആയിരിക്കും എന്ന് അവകാശപ്പെടുന്നു. കൂടാതെ ഈ ഫോണിന് 3500എംഎഎച്ച് ബാറ്ററിയാണ് ഉള്‍പ്പെടുത്തിയിരിക്കുന്നത്.

ഫോണിലെ മറ്റു സവിശേഷതകള്‍

കൂടാതെ ഈ ഫോണിലെ മറ്റു സവിശേഷതയാണ് റിയര്‍ ക്യാമറയില്‍ ഉള്‍പ്പെടുത്തിയിരിക്കുന്ന കാള്‍ സീയൂസ് ലെന്‍സ്. യുഎസ്ബി പോര്‍ട്ട്-സിയും 3.5എംഎം ഓഡിയോ ജാക്കും ഇതിന്റെ അടിത്തട്ടില്‍ തന്നെ ഉണ്ട്.