നോകിയ XL- മോട്ടറോള മോട്ടോ E; ഒരു താരതമ്യം

#1

രണ്ടു ഫോണുകളിലും ആന്‍ഡ്രോയ്ഡ് ആണ് ഓപ്പറേറ്റിംഗ് സിസ്റ്റമെങ്കിലും നോകിയ XL -ല്‍ ആന്‍ഡ്രോയ്ഡിന്റെ ഓപ്പണ്‍ സോഴ്‌സ് വേര്‍ഷനാണ് ഉപയോഗിച്ചിരിക്കുന്നത്. അതായത് സാധാരണ ആന്‍ഡ്രോയ്ഡ് ഫോണുകളേക്കാള്‍ പരിമിതകള്‍ ഉണ്ട്. മാത്രമല്ല, ഗൂഗിള്‍ പ്ലേ സ്‌റ്റോര്‍ ലഭ്യമാവുകയുമില്ല.

അതേസമയം മോട്ടോ E യിലാവട്ടെ ആന്‍ഡ്രോയ്ഡിന്റെ ഏറ്റവും പുതിയ വേര്‍ഷനായ കിറ്റ്കാറ്റ് ആണ് ഉപയോഗിച്ചിരിക്കുന്നത്.

#2

സ്‌ക്രീന്‍ സൈസ് പരിശോധിച്ചാല്‍ നോകിയ XL, മോട്ടോ E യേക്കാള്‍ അല്‍പം ഉയര്‍ന്നുനില്‍ക്കും. നോകിയ XL -ല്‍ 5 ഇഞ്ച് IPS LCD സ്‌ക്രീനാണ്. മോട്ടോ E യിലാവട്ടെ 4.3 ഇഞ്ച് കപ്പാസിറ്റീവ് ടച്ച് സ്‌ക്രീനാണ്. നോകിയ XL-ന്റെ സ്‌ക്രീന്‍ റെസല്യൂഷന്‍ 480-800 ആണെങ്കില്‍ മോട്ടോ E യുടേത് 540-960 ആണ്.

#3

നോകിയ XL-ല്‍ 5 എം.പി. പ്രൈമറി ക്യാമറയും 2 എം.പി. ഫ്രണ്ട് ക്യാമറയുമാണ് ഉള്ളത്. 2592-1944 പിക്‌സല്‍ റെസല്യൂഷനും. അതേസമയം മോട്ടോ Eയില്‍ പ്രൈമറി ക്യാമറ 5 എം.പി ഉണ്ടെങ്കിലും ഫ്രണ്ട് ക്യാമറയില്ല എന്നത് ന്യൂനതയാണ്.

#4

നോകിയ XL-ല്‍ 1 GHz കോര്‍ടെക്‌സ് A5 ഡ്യുവല്‍ കോര്‍ പ്രൊസസറാണെങ്കില്‍ മോട്ടോ E യില്‍ 1.2 GHz കോര്‍ടെക്‌സ് A7 ഡ്യുവല്‍ കോര്‍ പ്രൊസസറാണ് ഉള്ളത്.

#5

റാമിന്റെ കാര്യത്തില്‍ മോട്ടോ E യാണ് ഒരുപടി മുന്നില്‍ നോകിയ XL-ല്‍ 768 എം.ബി റാം ഉള്ളപ്പോള്‍ മോട്ടോ E യില്‍ 1 ജി.ബി. റാമാണ്. രണ്ടുഫോണിലും 4 ജി.ബി. ഇന്റേണല്‍ മെമ്മറിയും 32 ജി.ബി. എക്‌സ്പാന്‍ഡബിള്‍ മെമ്മറിയും ഉണ്ട്.

#6

നോകിയ XL-ല്‍ 2000 mAh ബാറ്ററിയും മോട്ടോ Eയില്‍ 1980 mAh ബാറ്ററിയുമാണ് ഉള്ളത്.

#7

വിലയുടെ കാര്യത്തില്‍ മോട്ടോ E തന്നെയാണ് നോകിയ XL -നേക്കാള്‍ ആകര്‍ഷകം. 6,999 രൂപയ്ക്ക് ഫോണ്‍ ഫ് ളിപ്കാര്‍ട് ഓണ്‍ലൈന്‍ ഷോപ്പിംഗ് സൈറ്റിലൂടെ ലഭിക്കും. എന്നാല്‍ നോകിയ XL-ന് 11,349 രൂപയാണ്.

#8

വിലയും സാങ്കേതികമായ പ്രത്യേകതകളും പരിശോധിച്ചാല്‍ മോട്ടോ E തന്നെയാണ് മികച്ച സ്മാര്‍ട്‌ഫോണ്‍ എന്നു പറയാം. ആന്‍ഡ്രോയ്ഡ് 4.4 കിറ്റ്കാറ്റ് ഒ.എസ് ഉള്‍പ്പെടെ മികച്ച സോഫ്റ്റ്‌വെയറും ഹാര്‍ഡ്‌വെയറുമാണ് മോട്ടോ E ക്കുള്ളത്. അതേസമയം നോകിയ XL-ന് പരിമിതികള്‍ ഏറെയുണ്ടതാനും.