പറഞ്ഞ് പണിയിച്ച ഫോൺ! നത്തിങ് ഫോൺ 3a കമ്യൂണിറ്റി എഡിഷൻ ലോഞ്ച് ചെയ്തു

നത്തിങ് ഫോൺ 3എ മോഡലുമായി ബന്ധപ്പെട്ട് നത്തിങ് ഒരു പുതിയ കമ്യൂണിറ്റി എഡിഷൻ ഫോൺ അ‌വതരിപ്പിച്ചിരിക്കുന്നു. നത്തിങ് ഫോൺ 3a കമ്യൂണിറ്റി എഡിഷൻ (Nothing Phone (3a) Community Edition) എന്നാണ് ഇതിന്റെ പേര്. ഹാർഡ്‌വെയർ, സോഫ്റ്റ്‌വെയർ, ആക്‌സസറികൾ, മാർക്കറ്റിംഗ് എന്നിവയിലുടനീളം യഥാർത്ഥ ഉൽപ്പന്ന ഘടകങ്ങൾ സഹ-സൃഷ്ടിക്കാൻ നത്തിങ് ആരാധകരെ ക്ഷണിച്ചു. തുടർന്ന് 9 മാസത്തിനിടെ ലഭിച്ച 700-ലധികം ആപ്ലിക്കേഷനുകളുടെ സ്രഷ്ടാക്കളുമായി നൂറോളം തവണ നടത്തിയ കൂടിക്കാഴ്ചകൾക്കും ശേഷം കമ്മ്യൂണിറ്റി രൂപകൽപ്പന ചെയ്ത സവിശേഷതകളുമായാണ് ഈ സ്പെഷൽ എഡിഷൻ വരുന്നത്.

ഹാർഡ്‌വെയർ ഡിസൈൻ

90-കളുടെ അവസാനത്തിലും 2000-കളുടെ തുടക്കത്തിലും സാങ്കേതികവിദ്യയുടെ സൗന്ദര്യശാസ്ത്രത്തിൽ നിന്ന് പ്രചോദനം ഉൾക്കൊണ്ട ഒരു ഡിസൈൻ വികസിപ്പിച്ചെടുത്ത എമ്രെ കെയ്‌ഗനാക്ൽ ആണ് ഈ വിഭാഗത്തിൽ വിജയി. ഇത് ആധുനിക ഫോൺ 3a ഐഡന്റിറ്റി നിലനിർത്തിക്കൊണ്ട്, പഴയകാലത്തെ സുതാര്യമായ ഗെയിമിംഗ് ഹാർഡ്‌വെയറിനെ അനുസ്മരിപ്പിക്കുന്ന "ധീരവും പുതിയതും നൊസ്റ്റാൾജിയയുള്ളതുമായ കളർ പര്യവേക്ഷണം" എന്നാണ് ഈ രൂപത്തെ വിശേഷിപ്പിക്കുന്നത്.

ആക്സസറി

2025-ലെ പുതിയ വിഭാഗത്തിൽ, അംബ്രോജിയോ ടാക്കോണിയും ലൂയിസ് അയ്മോണോഡും (റെവ്‌ലാൻഡ്) ഒരു സെറ്റ് ഡൈസ് രൂപകൽപ്പന ചെയ്ത് വിജയികളായി. ക്യൂബ് ആകൃതിയിലുള്ള ആക്‌സസറി 5,000 വർഷത്തിലേറെയുള്ള ഡൈസ് പ്രതീകാത്മകതയെ പ്രതിഫലിപ്പിക്കുന്നു, അതേസമയം Nothing's Ndot 55 ഫോണ്ടിൽ അക്കങ്ങൾ അവതരിപ്പിക്കുന്നു.

സോഫ്റ്റ്‌വെയർ കസ്റ്റമൈസേഷൻ

ജാഡ് സോക്ക് ലോക്ക് സ്ക്രീൻ ക്ലോക്കും വാൾപേപ്പറും രൂപകൽപ്പന ചെയ്ത് ഈ വിഭാഗം വിജയിയായി. വിഷ്വൽ ക്ലട്ടർ കുറയ്ക്കുന്നതിനും ഉപയോക്താവിന്റെ കണ്ണിനെ കൂടുതൽ സ്വാഭാവികമായി നയിക്കുന്നതിനും ഒന്നിലധികം ഫോണ്ട് വെയ്‌റ്റുകൾ ഉപയോഗിക്കുന്ന ഒരു കസ്റ്റം ലോക്ക്-സ്‌ക്രീൻ ക്ലോക്ക് ആണ് രൂപകൽപ്പന ചെയ്യപ്പെട്ടത്. ഡി​വൈസിനൊപ്പം ഉൾപ്പെടുത്തിയിരിക്കുന്ന എക്‌സ്‌ക്ലൂസീവ് വാൾപേപ്പറുകളും ജാഡ് രൂപകൽപ്പന ചെയ്‌തു, രണ്ട് ബ്ലൂ, രണ്ട് പർപ്പിൾ വകഭേദങ്ങളിൽ ലഭ്യമാണ്.

മാർക്കറ്റിംഗ് കാമ്പെയ്‌ൻ

"മെയ്ഡ് ടുഗെദർ" എന്ന് പേരിട്ടിരിക്കുന്ന ലോഞ്ച് കാമ്പെയ്‌ൻ സുശ്രുത സർക്കാർ ആണ് വിഭാവനം ചെയ്തത്. സർഗ്ഗാത്മകതയെ പ്രചോദിപ്പിക്കുക എന്ന കമ്പനിയുടെ ലക്ഷ്യവുമായി പൊരുത്തപ്പെടുന്ന ഒരു പ്രത്യേക പ്രോഡക്ട് ഫീച്ചറിനെക്കാൾ സഹകരണ പ്രക്രിയയിൽ തന്നെയാണ് കാമ്പെയ്‌ൻ ശ്രദ്ധ കേന്ദ്രീകരിക്കുന്നത്. ഒരൊറ്റ അന്തിമ രൂപകൽപ്പന പ്രോത്സാഹിപ്പിക്കുന്നതിനുപകരം, കാമ്പെയ്‌ൻ സഹകരണ പ്രക്രിയയെ തന്നെ എടുത്തുകാണിക്കുന്നു.

വിലയും ലഭ്യതയും

നത്തിങ് ഫോൺ 3a കമ്മ്യൂണിറ്റി എഡിഷൻ പരിമിത എണ്ണമേ ഉണ്ടാകൂ. ആഗോളതലത്തിൽ 1,000 യൂണിറ്റുകൾ മാത്രമേ നിർമ്മിക്കൂ. ഇന്ത്യയിൽ, 12GB+256GB സിംഗിൾ മോഡലിന് 28,999 രൂപയാണ് വില. ഇതൊരു ഓഫ്‌ലൈൻ "ഡ്രോപ്പ്" ഇവന്റിൽ മാത്രമായി ലഭ്യമാക്കും. ഡിസംബർ 13ന് 2PM മുതൽ 6PM വരെ ബാംഗ്ലൂരിലെ 33&Brew, Prestige Technostar, Doddanakudi Industrial Area 2, Face 1, Brookefield എന്ന വിലാസത്തിലാണ് ഇത് നടക്കുക.

നത്തിങ് ഫോൺ 3a കമ്മ്യൂണിറ്റി എഡിഷനിലെ ഫീച്ചറുകൾ

120Hz അഡാപ്റ്റീവ് റിഫ്രഷ് റേറ്റുള്ള 6.77-ഇഞ്ച് (1080 x 2392 പിക്‌സൽസ്) FHD+ ഫ്ലെക്‌സിബിൾ AMOLED ഡിസ്‌പ്ലേ, 480Hz ടച്ച് സാമ്പിൾ റേറ്റ്, 2160Hz PWM ഡിമ്മിംഗ്, HDR10+, 10-ബിറ്റ് കളർ, 800 nits നോർമൽ / 1300 nits ഔട്ട്‌ഡോർ / 3000 nits പീക്ക് ബ്രൈറ്റ്‌നസ്, പാണ്ട ഗ്ലാസ് പ്രൊട്ടക്ഷൻ എന്നിവ ഇതിലുണ്ട്.

2.5GHz ഒക്ട കോർ സ്‌നാപ്ഡ്രാഗൺ 7s Gen 3 4nm മൊബൈൽ പ്ലാറ്റ്‌ഫോം ആണ് ഈ ഫോണിന്റെ കരുത്ത്. അഡ്രിനോ 720 GPU, 12GB LPDD4X റാം, 256GB UFS 2.2 സ്റ്റോറേജ് എന്നിവയും ഉണ്ട്. നത്തിങ് OS 3.2 ൽ ആണ് ഈ ഫോൺ എത്തുന്നത്. (ആൻഡ്രോയിഡ് 16 അ‌ടിസ്ഥാനമാക്കിയുള്ള നത്തിംഗ് OS 4 ഇപ്പോൾ OTA അപ്‌ഡേറ്റ് വഴി ലഭ്യമാണ്).

1/1.56″ സാംസങ് സെൻസറുള്ള 50MP മെയിൻ ക്യാമറ (f/1.88 അപ്പേർച്ചർ, OIS), 8MP 114° അൾട്രാ-വൈഡ് ക്യാമറ (f/2.2 അപ്പേർച്ചർ), 50MP 1/2.74″ സാംസങ് 2x ടെലിഫോട്ടോ ക്യാമറ, 30 fps വരെ 4K, ആക്ഷൻ മോഡ് എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണവും 32MP 1/3.44″ ഫ്രണ്ട് ക്യാമറയും (f/2.2 അപ്പേർച്ചർ) ഇതിലുണ്ട്.

ഇൻ-ഡിസ്‌പ്ലേ ഒപ്റ്റിക്കൽ ഫിംഗർപ്രിന്റ് സ്‌കാനർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, IP64 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, 50W വയർഡ് ചാർജിംഗിനുള്ള പിന്തുണയുള്ള 5000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.