നത്തിങ്ങിന്റെ 'ന്യായവില' ഫോൺ! നത്തിങ് ഫോൺ 3a ​ലൈറ്റ് 5G ലോഞ്ച് ചെയ്തു, പക്ഷേ...

നത്തിങ് തങ്ങളുടെ 3A സീരീസിലെ പുതിയ സ്മാർട്ട്ഫോണായി നത്തിങ് ഫോൺ 3a ​ലൈറ്റ് (Nothing Phone 3a Lite) 5ജി ആഗോളതലത്തിൽ ലോഞ്ച് ചെയ്തു. ഇതിനകം നത്തിങ് 3a സീരീസിൽ 3a, 3a പ്രോ മോഡലുകൾ ഇന്ത്യയിൽ ഉൾപ്പെടെ അ‌വതരിപ്പിക്കപ്പെട്ടിട്ടുണ്ട്. ഇതിനകം പുറത്തുവന്ന ലീക്ക് റിപ്പോർട്ടുകൾ ശരിവച്ചുകൊണ്ട്, നത്തിങ്ങിന്റെ സബ് ബ്രാൻഡായ CMF ഫോൺ 2 പ്രോയുടെ അതേ മീഡിയടെക് ഡൈമെൻസിറ്റി 7300 പ്രോ ചിപ്സെറ്റ് കരുത്താക്കിയാണ് ഈ ​ലൈറ്റ് മോഡൽ എത്തിയിരിക്കുന്നത്. ട്രിപ്പിൾ റിയർ ക്യാമറ സജ്ജീകരണം, 5000mAh ബാറ്ററി എന്നിവ അ‌ടക്കമുള്ള ഫീച്ചറുകളും ഈ ഫോണിലുണ്ട്.

പുതിയ നത്തിങ് ഫോൺ 3a ​ലൈറ്റ് 5ജി BGMI-യിൽ 120 fps ഗെയിമിംഗ്, നെറ്റ്‌വർക്കിൽ 53% മെച്ചപ്പെടുത്തൽ, 1000Hz ടച്ച് സാമ്പിൾ നിരക്ക് എന്നിവ വാഗ്ദാനം ചെയ്യുന്നു. 8GB റാമിന് പുറമേ 8GB വരെ വെർച്വൽ റാം ഫീച്ചറും ഇതിൽ ഉണ്ട്.

നത്തിങ് 3എ സീരീസിലെ വില കുറഞ്ഞ മോഡൽ എന്ന നിലയിൽ അ‌വതരിപ്പിക്കപ്പെട്ടിരിക്കുന്ന ഈ ​ലൈറ്റ് മോഡലിൽ 33W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററി ഉൾപ്പെടെയുള്ള ഫീച്ചറുകളൊക്കെ ഉണ്ടെങ്കിലും ഇതിന്റെ ബോക്സിൽ ചാർജർ ഉൾപ്പെടുന്നില്ല എന്നത് ശ്രദ്ധിക്കുക. പാണ്ട ഗ്ലാസ് പ്രൊട്ടക്ഷനുള്ള ഗ്ലാസ് ബാക്ക് ഡി​സൈനിലാണ് ഈ മോഡൽ എത്തിയിരിക്കുന്നത്.

നത്തിങ് ഫോൺ 3a ​ലൈറ്റ് 5ജിയുടെ പ്രധാന ഫീച്ചറുകൾ

120Hz അഡാപ്റ്റീവ് റിഫ്രഷ് റേറ്റുള്ള 6.77-ഇഞ്ച് (1080 x 2392 പിക്സലുകൾ) FHD+ AMOLED ഡിസ്പ്ലേ, 480 ടച്ച് സാമ്പിൾ റേറ്റ്, 2160Hz PWM ഡിമ്മിംഗ്, HDR10+, 800 nits സാധാരണ / 1300 nits ഔട്ട്ഡോർ / 3000 nits പീക്ക് ബ്രൈറ്റ്നസ്, പാണ്ട ഗ്ലാസ് പ്രൊട്ടക്ഷൻ എന്നിവ ഇതിലുണ്ട്.

2.5GHz ഒക്ട കോർ മീഡിയടെക് ഡൈമെൻസിറ്റി 7300 പ്രോ 4nm പ്രൊസസർ ആണ് ഈ ​ലൈറ്റ് മോഡലിന്റെ കരുത്ത്. മാലി-G615 MC2 GPU, 8GB LPDD4X റാം, 128GB / 256GB UFS 2.2 സ്റ്റോറേജ്, മൈക്രോ എസ്ഡി ഉപയോഗിച്ച് 2TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഇതിലുണ്ട്.

ക്യാമറകളുടെ കാര്യമെടുത്താൽ, ട്രിപ്പിൾ റിയർ ക്യാമറ സജ്ജീകരണം നത്തിങ് 3a ​ലൈറ്റ് 5ജിയിലുണ്ട്. 1/1.57″ സാംസങ് സെൻസറുള്ള 50MP മെയിൻ ക്യാമറ (f/1.88 അപ്പർച്ചർ, EIS), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 2MP മാക്രോ ക്യാമറ (f/2.4 അപ്പേർച്ചർ, EIS, 10x ഡിജിറ്റൽ സൂം), 30 fps വരെ 4K എന്നിവ ഇതിലടങ്ങുന്നു.

സെൽഫിക്കും മറ്റുമായി 16MP ഫ്രണ്ട് ക്യാമറ ( f/2.45 അപ്പേർച്ചർ, 1080p 60 fps) ഉണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള നത്തിങ് ഒഎസ് 3.5 -ൽ ആണ് പ്രവർത്തനം. മൂന്ന് ആൻഡ്രോയിഡ് ഒഎസ് അപ്‌ഡേറ്റുകളും 6 വർഷത്തെ സുരക്ഷാ പാച്ചുകളും കമ്പനി വാഗ്ദാനം ചെയ്തിട്ടുണ്ട്.

ഇൻ-ഡിസ്‌പ്ലേ ഒപ്റ്റിക്കൽ ഫിംഗർപ്രിന്റ് സ്‌കാനർ, USB ടൈപ്പ്-സി ഓഡിയോ, അ‌ണ്ടർ- പോർട്ടഡ് സ്പീക്കർ, IP54 റേറ്റിങ്, ഹൈബ്രിഡ് ഡ്യുവൽ സിം (നാനോ + നാനോ/മൈക്രോ എസ്ഡി), 5G SA/NSA (n1,n2, n3,n5, n7,n8, n12,n20, n28,n38, n40, n41, n66,n71, n77,n78 ബാൻഡുകൾ), ഡ്യുവൽ 4G VoLTE, USB ടൈപ്പ്-C എന്നിവയും ഇതിലുണ്ട്.

33W വയർഡ് ചാർജിംഗിനുള്ള പിന്തുണയുള്ള 5000mAh ബാറ്ററിയാണ് നത്തിങ് ഫോൺ 3a ​ലൈറ്റ് 5ജിയിൽ ഉള്ളത്. 1200 ചാർജിംഗ് സൈക്കിളുകൾക്ക് ശേഷവും ബാറ്ററി ശേഷി 90% ന് മുകളിൽ തുടരുമെന്ന് കമ്പനി പറയുന്നു. പക്ഷേ ബോക്സിൽ ചാർജർ ഇല്ല. 164x 78x 8.3mm വലിപ്പവും 199 ഗ്രാം ഭാരവും ഈ ഫോണിനുണ്ട്.

വിലയും ലഭ്യതയും

നത്തിങ്ങിന്റെ 'ന്യായവില' യുള്ള ഫോൺ ആയിരിക്കും '​ലൈറ്റ്' മോഡൽ എന്നാണ് പ്രതീക്ഷിച്ചിരുന്നത്. പക്ഷേ ട്വിസ്റ്റ് എന്തെന്നാൽ നിലവിൽ യൂറോപ്പ്, യുകെ തുടങ്ങിയ തിരഞ്ഞെടുത്ത വിപണികളിൽ ആണ് ഇത് അ‌വതരിപ്പിക്കപ്പെട്ടിരിക്കുന്നത്. ഇന്ത്യൻ ലോഞ്ച് ഉടൻ തന്നെ ഉണ്ടാകും. ഇന്ത്യയിലെ വില അ‌പ്പോഴേ അ‌റിയാനാകൂ.

നത്തിങ് ഫോൺ 3a ​ലൈറ്റ് 5ജിയുടെ 8GB + 128GB മോഡലിന് 249 യൂറോ (ഏകദേശം 25,560 രൂപ) ആണ് വില. ഇതിന്റെ 8GB + 256GB മോഡലിന് 279 യൂറോ (ഏകദേശം 28,640 രൂപ) വില നിശ്ചയിച്ചിരിക്കുന്നു. ഇന്ന് മുതൽ യൂറോപ്പ്, യുകെ തുടങ്ങിയ തിരഞ്ഞെടുത്ത വിപണികളിൽ ഇത് ലഭ്യമാകും. ഇന്ത്യൻ ലോഞ്ച് തിയതി ​വൈകാതെ പ്രഖ്യാപിക്കും.