ഐഫോൺ 13 പ്രോ മാക്‌സ് കുറഞ്ഞ വിലയിൽ സ്വന്തമാക്കാൻ അവസരം

ഐഫോൺ 13 പ്രോ മാക്സ്

ആപ്പിൾ പ്രീമിയം റീസെല്ലർ സ്റ്റോർ ആണ് ഐഫോൺ 13 പ്രോ മാക്‌സിന് വിലക്കുറവ് പ്രഖ്യാപിച്ചിരിക്കുന്നത്. 21,000 രൂപ വരെയാണ് ഡിസ്കൌണ്ട് വരുന്നത്. വിലക്കുറവോടെ ഐഫോൺ 13 പ്രോ മാക്സിന്റെ ബേസ് മോഡൽ ( 128 ജിബി ) 1.08,900 രൂപയ്ക്ക് സ്വന്തമാക്കാൻ കഴിയും. ഐഫോൺ 13 പ്രോ മാക്‌സിന്റെ 256 ജിബി മോഡൽ 1,18,900 രൂപയ്ക്കും വാങ്ങാൻ സാധിക്കും. ഐഫോൺ 13 പ്രോ മാക്‌സിന്റെ 512 ജിബി മോഡൽ 1,38,900 രൂപയ്ക്കും സ്വന്തമാക്കാം. ഐഫോൺ 13 പ്രോ മാക്‌സിന്റെ ഹൈ എൻഡ് മോഡലിന് ( 1 ടിബി ) 1,58,900 രൂപയാണ് വില വരുന്നത്.

21,000 രൂപ വരെ ഡിസ്കൌണ്ട് ലഭിക്കുന്നത് അൽപ്പം അതിശയകരമായി തോന്നാം. ഇങ്ങനെ തോന്നുന്നതിൽ തെറ്റുമില്ല. കാരണം പഴയ ഐഫോൺ എക്സ്ചേഞ്ചിനൊപ്പമാണ് ഡിസ്കൌണ്ട് ലഭിക്കുന്നത്. ഐഫോൺ 13 പ്രോ മാക്‌സ് വാങ്ങുമ്പോൾ പഴയ ഐഫോൺ എക്സ്ചേഞ്ച് ചെയ്യുന്നവർക്ക് 18,000 രൂപയുടെ ഡിസ്കൌണ്ട് ലഭിക്കും. 3,000 രൂപയുടെ ക്യാഷ്ബാക്ക് ഓഫറും യൂസേഴ്സിന് ലഭിക്കുന്നു.

മൊത്തത്തിൽ 21,000 രൂപയുടെ കുറവ് ഐഫോൺ 13 പ്രോ മാക്‌സ് വാങ്ങുമ്പോൾ ലഭിക്കും. എക്സ്ചേഞ്ച് ഓഫറിനെക്കുറിച്ച് പറയുമ്പോൾ, മോഡലും ഫോണിന്റെ അവസ്ഥയും മറ്റ് ഘടകങ്ങളും അനുസരിച്ച് വില വ്യത്യാസപ്പെടാം. ഇവിടെ, എക്‌സ്‌ചേഞ്ച് കണക്കാക്കിയത് ഒരു ഐഫോൺ എക്സ്ആർ മോഡലുമായാണ്. നേരത്തെ പറഞ്ഞത് പോലെ ഐഫോൺ 13 പ്രോ മാക്‌സിന്റെ വിലക്കുറവ് ആപ്പിൾ പ്രീമിയം റീസെല്ലർ സ്റ്റോറിൽ ലഭ്യമാണ്.

ഐഫോൺ 13 പ്രോ വാങ്ങാൻ യോഗ്യമാണോ?

അടുത്ത തലമുറ ഐഫോൺ 14 സീരീസ് സെപ്റ്റംബറിൽ അവതരിപ്പിക്കുമെന്ന് ഏതാണ്ട് സ്ഥിരീകരിച്ചിരിക്കുകയാണ്. ആപ്പിളും മറ്റ് ബ്രാൻഡുകളും പുതിയ സ്മാർട്ട്ഫോൺ ലോഞ്ച് ചെയ്യുന്നതിന് മുമ്പായി പഴയ മോഡലുകൾക്ക് ഡിസ്കൌണ്ട് പ്രഖ്യാപിക്കുന്നത് സാധാരണ കാര്യമാണ്. എന്നാൽ തന്നെയും ഈ ഫ്ലാ​ഗ്ഷിപ്പ് ഡിവൈസിന് 21,000 രൂപയോളം പ്രൈസ് കട്ട് ലഭിക്കുന്നത്, യൂസേഴ്സ് പരിഗണിക്കാതെ പോകരുത്.

ഐഫോൺ 14ന്റെ ബേസ് മോഡലുകളിൽ തുടരാൻ സാധ്യതയുള്ള എ15 ബയോണിക് ചിപ്‌സെറ്റിനൊപ്പമാണ് ഐഫോൺ 13 പ്രോ മാക്‌സ് വരുന്നത് എന്ന കാര്യം ശ്രദ്ധിക്കണം. ഐഫോൺ 13 പ്രോ മാക്‌സ് 6.7 ഇഞ്ച് സൂപ്പർ റെറ്റിന എക്സ്ഡിആർ ഒഎൽഇഡി ഡിസ്പ്ലെയാണ് ഫീച്ചർ ചെയ്യുന്നത്. യുണീക്കും ഇമ്മേഴ്സീവുമായ എക്സ്പീരിയൻസ് പകരുന്ന ഡിസ്പ്ലെയാണ് ഐഫോൺ 13 പ്രോ മാക്‌സ് സ്മാർട്ട്ഫോണിൽ ഉള്ളത്.

അതി നൂതനമായ ട്രിപ്പിൾ റിയർ ക്യാമറ സജ്ജീകരണവും ആയാണ് ഐഫോൺ 13 പ്രോ മാക്‌സ് സ്മാർട്ട്ഫോൺ വിപണിയിൽ എത്തുന്നത്. 12 മെഗാ പിക്സൽ ശേഷിയുള്ള 3 സെൻസറുകളാണ് ഈ ട്രിപ്പിൾ ക്യാമറ സജ്ജീകരണത്തിൽ ഉള്ളത്. ഐഫോൺ 14 ലോഞ്ച് അടുത്തിരിക്കുകയാണെങ്കിലും ഐഫോൺ 13 പ്രോ മാക്‌സ് സ്മാർട്ട്ഫോൺ ഇപ്പോഴും വാങ്ങാൻ യോഗ്യമാണ്.