നുബിയ റെഡ്മാജിക് 5 എസ് സെപ്റ്റംബർ 2 ന് അവതരിപ്പിക്കും: സവിശേഷതകൾ, വില

നുബിയ റെഡ്മാജിക് 5 എസ് ലഭ്യമാകുന്ന രാജ്യങ്ങൾ

ഈ ഗെയിമിംഗ് ഫോൺ ലഭ്യമാകുന്ന രാജ്യങ്ങളുടെ പട്ടികയിൽ യുണൈറ്റഡ് സ്റ്റേറ്റ്സ്, കാനഡ, ഓസ്ട്രിയ, ബെൽജിയം, ബൾഗേറിയ, ക്രൊയേഷ്യ, സൈപ്രസ്, ചെക്ക് റിപ്പബ്ലിക്, ഡെൻമാർക്ക്, എസ്റ്റോണിയ, ഫിൻലാൻഡ്, ഫ്രാൻസ്, ജർമ്മനി, ഗ്രീസ്, ഹംഗറി, ഇറ്റലി, ലാത്വിയ, ലിത്വാനിയ, ലക്സംബർഗ്, മാൾട്ട, നെതർലാന്റ്സ്, പോളണ്ട്, പോർച്ചുഗൽ, റൊമാനിയ, സ്ലൊവാക്യ, സ്ലൊവേനിയ, സ്പെയിൻ, സ്വീഡൻ, യുണൈറ്റഡ് കിംഗ്ഡം, ഓസ്‌ട്രേലിയ, ഹോങ്കോംഗ്, ഇന്തോനേഷ്യ, ഇസ്രായേൽ, ജപ്പാൻ, കുവൈറ്റ്, മക്കാവു, സൗദി അറേബ്യ, സിംഗപ്പൂർ, യുണൈറ്റഡ് അറബ് എമിറേറ്റ്സ് തുടങ്ങിയവയാണ്.

നുബിയ റെഡ്മാജിക് 5 എസ്: സവിശേഷതകൾ

ഫുൾ എച്ച്ഡി + റെസല്യൂഷനും (2340 x 1080) 6.5 ഇഞ്ച് അമോലെഡ് സ്‌ക്രീനും 19.5: 9 ആസ്പെക്റ്റ് റേഷിയോയും ഈ സ്മാർട്ഫോണിന്റെ ഏതാനും ചില സവിശേഷതകളാണ്. ഗെയിമുകളിൽ കൂടുതൽ കൃത്യതയ്ക്കായി ഇതിന് 144Hz റിഫ്രഷ് റേറ്റും 240Hz വരെ ടച്ച് സാമ്പിൾ നിരക്കും ഉണ്ട്. അഡ്രിനോ 650 ജിപിയുവിനൊപ്പം ജോടിയാക്കിയ ക്വാൽകോം സ്‌നാപ്ഡ്രാഗൺ 865 ചിപ്‌സെറ്റ് ഈ സ്മാർട്ട്‌ഫോണിൽ വരുന്നു. 8 ജിബി / 12 ജിബി എൽപിഡിഡിആർ 5 റാം, 128 ജിബി / 256 ജിബി സ്റ്റോറേജ് കപ്പാസിറ്റിയിൽ ഈ ഗെയിമിംഗ് ഡിവൈസ് വരുന്നു.

അത് യു‌എഫ്‌എസ് (യൂണിവേഴ്സൽ ഫ്ലാഷ് സ്റ്റോറേജ്) 3.1 സ്റ്റാൻ‌ഡേർഡ് അടിസ്ഥാനമാക്കിയുള്ളതാണ്. 55W വരെ വേഗത്തിൽ ചാർജ് ചെയ്യുന്നതിനുള്ള 4,500mAh ബാറ്ററിയും ഇതിലുണ്ട്. ഗെയിമിങ് ഫോൺ എന്ന നിലയിൽ റെഡ് മാജിക് 5 എസിന് ടർബോ ഫാനിനൊപ്പം ഐസിഇ 4.0 ലിക്വിഡ് കൂളിംഗ് സംവിധാനമുണ്ട്. റെഡ്മാജിക് ഐസ് ഡോക്ക് ആക്സസറിയുമായി ചേർന്ന് ഇത് ഉപയോഗിക്കാം. ഗെയിം കളിക്കുമ്പോൾ അനുഭവപ്പെടുന്ന ചൂടിനെ നിയന്ത്രിക്കാൻ ഇത് സഹായിക്കുന്നു.

റെഡ്മാജിക് 5 എസ് ക്യാമറയുടെ സെറ്റപ്പിൽ എഫ് / 2.0 അപ്പേർച്ചറുള്ള 8 മെഗാപിക്സൽ സെൽഫി ക്യാമറ ഉൾപ്പെടുന്നു. പുറകിലായി 64 മെഗാപിക്സൽ സോണി ഐ‌എം‌എക്സ് 686 പ്രൈമറി സെൻസർ, 120 മെഗാപിക്സൽ അൾട്രാ വൈഡ് ലെൻസ്, 120 ഡിഗ്രി കാഴ്‌ചയുള്ള ഫീൽഡ്, 2 മെഗാപിക്സൽ മാക്രോ സെൻസർ എന്നിവയുണ്ട്. 15fps ന് 8കെ റെസല്യൂഷനോടുകൂടിയ വീഡിയോ റെക്കോർഡിംഗും പിന്നിലെ ക്യാമറകൾക്കൊപ്പം 30/60fps ന് 4കെയും ഈ ഹാൻഡ്‌സെറ്റ് പിന്തുണയ്ക്കുന്നു.

5 ജി (എ‌എസ്, എൻ‌എസ്‌എ), 4 ജി എൽ‌ടിഇ, വൈ-ഫൈ 6, ബ്ലൂടൂത്ത് 5.1, എൻ‌എഫ്‌സി, യു‌എസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺ ജാക്ക് എന്നിവയ്ക്കുള്ള പിന്തുണ പുതിയ ഗെയിമിംഗ് ഫോണിന്റെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ജിപിഎസ്, ഫിംഗർപ്രിന്റ് സെൻസർ, പ്രോക്‌സിമിറ്റി സെൻസർ, ആംബിയന്റ് ലൈറ്റ് സെൻസർ എന്നിവയ്ക്കുള്ള പിന്തുണയാണ് ഈ ഡിവൈസ് വാഗ്ദാനം ചെയ്യുന്ന മറ്റ് സവിശേഷതകൾ. ഗെയിം സ്‌പേസ് 2.1 സപ്പോർട്ട് ഉപയോക്താവിന് അവരുടെ എക്സ്പിരിയൻസിന് കൂടുതൽ നിയന്ത്രണം ഏർപ്പെടുത്താൻ അനുവദിക്കുന്നു.