ഈ കുഞ്ഞുഫോൺ ആരെയും ഒന്ന് കൊതിപ്പിക്കും; വിലയോ വെറും 2890 രൂപ മാത്രവും

Written By:

വലിയ 5 ഇഞ്ചിന്റെയും 6 ഇഞ്ചിന്റെയുമൊക്കെ ഫോണുകൾ കൊണ്ടുനടക്കുമ്പോൾ നമ്മൾ ചിലപ്പോളെങ്കിലും ആഗ്രഹിക്കാറുണ്ട്, കാൾ ചെയ്യാനും പാട്ട് കേൾക്കാനുമൊക്കെ മാത്രമായി ഒരു കുഞ്ഞുഫോൺ കൂടെയുണ്ടായിരുന്നെങ്കിൽ എന്ന്.

ഈ കുഞ്ഞുഫോൺ ആരെയും ഒന്ന് കൊതിപ്പിക്കും; വിലയോ വെറും 2890 രൂപ മാത്രവും

പലരും പഴയ നോക്കിയയുടെ ഫോണുകളോ ഏതെങ്കിലും ചൈനാ മോഡലുകളോ ഒക്കെ ഇത്തരത്തിൽ ഒരു സെക്കണ്ടറി ഫോൺ ആയിട്ട് കൊണ്ടുനടക്കാറുമുണ്ട്. എന്നാൽ ഇതിനൊക്കെ ഒരു സ്റ്റൈൽ ഉണ്ടാവാറില്ല. ആ പ്രശ്നത്തിന് കൂടെ പരിഹാരവുമായി എത്തിയിരിക്കുകയാണ് ഈ കുഞ്ഞുഫോൺ.

ഈ ചിത്രങ്ങൾ നോക്കിയാൽ നിങ്ങൾക്ക് തന്നെ മനസ്സിലാകും എന്തുമാത്രം സുന്ദരനാണ് ഈ കുഞ്ഞുഫോൺ എന്ന്. വേണമെങ്കിൽ സുന്ദരി എന്നും വിളിക്കാം. അത്രക്കും ആകർഷണമുണ്ട് ഈ ഫോണിന്. കയ്യിലൊതുങ്ങുന്ന വേണമെങ്കിൽ വിരലിലൊതുങ്ങുന്ന എന്നും പറയാം, അത്രക്കും ചെറിയ രൂപത്തിൽ മനോഹരമായ ഡിസൈനോടെ ഒരുവിധം ആവശ്യമായ എല്ലാ ബേസിക്ക് സൗകര്യങ്ങളോടും കൂടിയാണ് ഈ കുഞ്ഞുഫോൺ കമ്പനി അവതരിപ്പിച്ചിട്ടുള്ളത്.

ഈ കുഞ്ഞുഫോൺ ആരെയും ഒന്ന് കൊതിപ്പിക്കും; വിലയോ വെറും 2890 രൂപ മാത്രവും

Elari NanoPhone എന്ന ഈ മോഡൽ ഇതുവരെ നിങ്ങൾ കണ്ട ഫീച്ചർ ഫോൺ സങ്കല്പങ്ങളെയെല്ലാം പൊളിച്ചെഴുതും വിധമാണ് രൂപകൽപ്പന ചെയ്തിട്ടുള്ളത്. റോസ് ഗോൾഡ്, കറുപ്പ്, സിൽവർ എന്നീ നിറങ്ങളിൽ ലഭ്യമായ ഈ മോഡലിൽ ഫോൺ ചെയ്യുക മെസ്സേജ് അയക്കുക എന്നീ ബേസിക്ക് ആവശ്യങ്ങളോടൊപ്പം ഒരുപിടി അവശ്യ സൗകര്യങ്ങൾ കൂടെ ഉൾപ്പെടുത്തിയിട്ടുണ്ട്.

ലോകത്തിലെ ഏറ്റവും വിലപിടിപ്പുള്ള ക്യാമറ; വിറ്റുപോയത് 20 കോടിക്ക്

മെമ്മറി കാർഡ് സ്ലോട്ട്, ഓഡിയോ പ്ലയെർ, ബ്ലൂടൂത്ത്, എഫ് എം റേഡിയോ, ഓഡിയോ റെക്കോർഡർ, കാൾ റെക്കോർഡർ തുടങ്ങി ഒരുവിധം സാധാരണ ഗതിയിൽ ആവശ്യമായ സൗകര്യങ്ങളെല്ലാം ഈ ഫോണിലുണ്ട്. വെറും മുപ്പത് ഗ്രാം മാത്രമാണ് ഈ ഫോണിന്റെ ഭാരം എന്നത് ഏവരെയും അതിശയിപ്പിക്കുന്ന കാര്യവുമാണ്.

ഭംഗിയും പ്രവർത്തനക്ഷമതയും എല്ലാം കൂടിച്ചേർന്ന ഈ ഫോണിന് പക്ഷെ ആകാശത്തോളം വിലയൊന്നുമില്ല എന്നത് ഏതൊരാൾക്കും ഇത് വാങ്ങാൻ സൗകര്യം ചെയ്തുകൊടുക്കുന്നു. വെറും 2890 രൂപക്ക് ഈ ഫോൺ കമ്പനിയുടെ വെബ്സൈറ്റിൽ ലഭ്യമാണ്.

ലോകത്തിലാദ്യമായി 512 ജിബി മെമ്മറിയുമായി ഇതാ ഒരു ഫോൺ

English summary
This is Elari NanoPhone. One of the smallest phone ever made. This phone providing some great features with a stunning design.

Social Counting

ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot