വൺപ്ലസ് 10 ആർ 5ജി ആമസോണിലും ഫ്ലിപ്പ്കാർട്ടിലും ഇപ്പോൾ 10000 രൂപ ഡിസ്കൗണ്ടിൽ വാങ്ങാം

വൺപ്ലസ് ആരാധകർക്ക് ആവേശം പകരുന്ന വിലക്കുറവുമായി രംഗത്തെത്തിയിരിക്കുകയാണ് ഇ-കൊമേഴ്സ് രംഗത്തെ വമ്പന്മാരായ ആമസോണും ഫ്ലിപ്പ്കാർട്ടും. വൺപ്ലസ് 10 ആർ 5ജി ഫോൺ പതിനായിരം രൂപയിലേറെ വിലക്കുറവിൽ സ്വന്തമാക്കാൻ ഈ രണ്ട് പ്ലാറ്റ്ഫോമുകളും ഇപ്പോൾ അ‌വസരം ഒരുക്കിയിട്ടുണ്ട്. നല്ലൊരു 5ജി ഫോൺ വിലക്കുറവിൽ വാങ്ങാൻ ആഗ്രഹിക്കുന്നവർക്ക് നല്ലൊരവസരമാണിത്.

വൺപ്ലസ് 10 ആർ 5ജിയുടെ 128 ജിബി സ്റ്റോറേജ് മോഡൽ 30,798 രൂപയ്ക്ക് ഇപ്പോൾ ഫ്ലിപ്കാർട്ടിൽ ലിസ്റ്റ് ചെയ്തിട്ടുണ്ട്. 38,999 രൂപ വിലയിലാണ് ഈ 5ജി ഫോൺ ഇന്ത്യയിൽ ആദ്യം അവതരിപ്പിച്ചത്. അ‌തായത് ഉപയോക്താക്കൾക്ക് ഇവിടെ പ്രത്യക്ഷത്തിൽ 8,201 രൂപ ഡിസ്കൗണ്ട് ലഭിക്കുന്നു.

ഇതിന് പുറമേ ബാങ്ക് ഓഫറുകളും ലഭ്യമാണ്. എച്ച്ഡിഎഫ്സി ബാങ്ക് ഓഫർ വഴി 1250 രൂപ വരെ ലാഭിക്കാൻ സാധിക്കും. അ‌തോടെ ഏതാണ്ട് 29,548 രൂപയ്ക്ക് ഫ്ലിപ്പ്കാർട്ടിൽ നിന്ന് വൺപ്ലസ് 10ആർ 5ജി സ്മാർട്ട്ഫോൺ സ്വന്തമാക്കാൻ സാധിക്കും. കഴിഞ്ഞ വർഷം പുറത്തിറങ്ങിയ 10 ആർ 5ജി മികച്ച ഒരു ഓൾറൗണ്ടർ ഫോൺ ആയാണ് വിലയിരുത്തപ്പെടുന്നത്.

ഫ്ലിപ്പ്കാർട്ടിന് പുറമേ ആമസോണിലും വൺപ്ലസ് 10ആർ 5ജി വൻ വിലക്കുറവിൽ ലഭ്യമാണ്. 34,999 രൂപയ്ക്ക് ആണ് ആമസോൺ വൺപ്ലസ് 10 ആർ ലിസ്റ്റ് ചെയ്തിരിക്കുന്നത്. എന്നാൽ 4,000 രൂപയുടെ കൂപ്പൺ ആമസോൺ നൽകുന്നുണ്ട്. ഇത് ഉപയോഗിക്കുന്നതിലൂടെ വില 30,999 രൂപയായി കുറയും. ഇതിനായി കൂപ്പണിൽ ക്ലിക്ക് ചെയ്ത് അപേക്ഷിക്കേണ്ടതുണ്ട്.

ആമസോണിൽ ലഭിക്കുന്ന കൂപ്പണിൽ ക്ലിക്ക് ചെയ്യുന്നതോടെ ഡിസ്കൗണ്ട് തുക പേയ്‌മെന്റ് പേജിൽ ദൃശ്യമാകും. ഐസിഐസിഐ ബാങ്ക് ക്രെഡിറ്റ് കാർഡുകൾക്ക് 2,000 അധിക ഡിസ്കൗണ്ടും ആമസോണിൽ നൽകിയിട്ടുണ്ട്. ഇതുംകൂടി പ്രയോജനപ്പെടുത്തിയാൽ 38,999 രൂപയുടെ വൺപ്ലസ് 10 ആർ 5ജി ​പതിനായിരം രൂപ വിലക്കുറവോടെ 28,999 രൂപയ്ക്ക് ആമസോണിൽ നിന്ന് സ്വന്തമാക്കാം.

വൺപ്ലസ് 10 ആർ 5ജി വാങ്ങുന്നത് ലാഭമാണോ?: മാന്യമായ ഫീച്ചറുകളുമായി എത്തുന്ന ഒരു മികച്ച 5ജി ​സ്മാർട്ട്ഫോൺ ആയാണ് വൺപ്ലസ് 10 ആർ 5ജി വിലയിരുത്തപ്പെടുന്നത്. ​​ദൈനംദിന ഉപയോഗത്തിൽ മികച്ച പ്രകടനം കാഴ്ചവയ്ക്കാൻ ഈ സ്മാർട്ട്ഫോണിന് കഴിവുണ്ട്. ജെൻഷിൻ ഇംപാക്ട്, കോൾ ഓഫ് ഡ്യൂട്ടി തുടങ്ങിയ ഹെവി ടൈറ്റിലുകൾ സുഗമമായി പ്ലേ ചെയ്യാവുന്നതാണ്.

കൂടാതെ വൺപ്ലസ് 10 ആർ 5ജി കരുത്തോടെയാണ് വിപണിയിൽ എത്തിയത്. അ‌തായത് 5ജി ലഭിക്കാൻ ഏതെങ്കിലും അ‌പ്ഡേറ്റ് നൽകേണ്ടതില്ല. 5ജിയുള്ള പ്രദേശത്തുള്ള ഉപയോക്താക്കൾക്ക് അ‌തിവേഗം 5ജി സേവനങ്ങൾ നൽകാൻ ഈ സ്മാർട്ട്ഫോൺ സജ്ജമാണ്. മികച്ച ഫീച്ചറുകളുമായാണ് ഈ വൺപ്ലസ് ഫോൺ എത്തുന്നത്.

വൺപ്ലസ് 10 ആർ 5ജിയിലെ 6.7-ഇഞ്ച് അ‌മോലെഡ് ഡിസ്‌പ്ലേ വീഡിയോകൾ മികച്ച രീതിയിൽ ആസ്വദിക്കാൻ അ‌വസരമൊരുക്കുന്നു. കൂടാതെ 120Hz റിഫ്രഷ് റേറ്റ് പിന്തുണ സാധാരണ 60Hz സ്‌ക്രീനുകളേക്കാൾ സുഗമമായ സ്‌ക്രോളിംഗ് അനുഭവം നൽകാൻ സഹായിക്കുന്നു. വൺപ്ലസ് 10 ആർ വാങ്ങുമ്പോൾ റീട്ടെയിൽ ബോക്സിൽ ഉപയോക്താക്കൾക്ക് 80W ഫാസ്റ്റ് ചാർജർ ലഭിക്കും.

ഫോണിലെ 5,000എംഎഎച്ച് ബാറ്ററി വേഗത്തിൽ ടോപ്പ് അപ്പ് ചെയ്യാൻ 80W ഫാസ്റ്റ് ചാർജർ പിന്തുണ ഏ​റെ സഹായകമാണ്. അനുയോജ്യമായ ലൈറ്റിംഗ് സാഹചര്യങ്ങളിൽ ക്യാമറ മാന്യമാണ്, എന്നാൽ സെഗ്‌മെന്റിൽ മികച്ചതാണ് എന്ന് പറയാൻ സാധിക്കില്ല. മികച്ച ക്യാമറാനുഭവം ആഗ്രഹിക്കുന്നവർക്ക് പിക്സൽ 6എ അല്ലെങ്കിൽ നത്തിങ് ഫോൺ (1) വാങ്ങുന്നത് പരിഗണിക്കാവുന്നതാണ്.