ഇവൻ രണ്ടും കൽപ്പിച്ച് ആണല്ലോ! വൺപ്ലസ് 13ൽ മറ്റ് ഫോണുകളിലൊന്നും ഇല്ലാത്ത സവിശേഷത...

വൺപ്ലസ് 13 (OnePlus 13) ഈ മാസം തന്നെ ചൈനയിൽ അരങ്ങേറുമെന്ന് സ്ഥിരീകരിച്ചു. കൃത്യമായ തീയതി സംബന്ധിച്ച് ഇപ്പോഴും ഔദ്യോഗിക സ്ഥിരീകരണമില്ല. എന്നാൽ ചിപ്പ് മേക്കർ ക്വാൽകോമിൻ്റെ പുതിയ ടീസർ വരാനിരിക്കുന്ന വൺപ്ലസ് ഫോണിൽ ഉണ്ടാകാൻ സാധ്യത ഉള്ള ചിപ്‌സെറ്റ് നിർദ്ദേശിച്ചു. വൺപ്ലസ് 13 ഒരു പുതിയ Snapdragon 8 Elite ചിപ്പ് അല്ലെങ്കിൽ Snapdragon 8 Gen 4 SoC ആണ് നൽകുന്നത്. ഈ മുൻനിര ആൻഡ്രോയിഡ് പ്രോസസർ ഷവോമി (Xiaomi), ഓപ്പോ (Oppo) എന്നിവയിൽ നിന്നുള്ള ഫ്ലാഗ്ഷിപ്പുകളുടെ അടുത്ത തരംഗത്തെ ശക്തിപ്പെടുത്തുമെന്ന് ആണ് വിശ്വസിക്കുന്നത്.

പുതിയ Snapdragon 8 ചിപ്പിൻ്റെ വരവ് സൂചിപ്പിക്കുന്ന ടീസർ ഇറക്കി വരാനിരിക്കുന്ന Snapdragon ഉച്ചകോടിക്കായി Qualcomm ഔദ്യോഗിക മൈക്രോസൈറ്റിൽ ഒരു പുതിയ വീഡിയോ പോസ്റ്റ് ചെയ്തു. വരാനിരിക്കുന്ന ചിപ്‌സെറ്റിന് ഓറിയോൺ കോറുകൾ ഉണ്ടായിരിക്കുമെന്ന് വീഡിയോ ഉറപ്പ് നൽകുന്നു. ഏറ്റവും പുതിയ കോപൈലറ്റ്+ പിസികൾക്ക് പവർ നൽകുന്ന സ്നാപ്ഡ്രാഗൺ എക്സ് ചിപ്പുകളിലും ഇതേ ആർക്കിടെക്ചർ ഉപയോഗിക്കുന്നു. ഓറിയോൺ കോറുകൾ പ്രകടനത്തിലും ഊർജ്ജ കാര്യക്ഷമതയിലും ശ്രദ്ധേയമായ മെച്ചപ്പെടുത്തലുകൾ കൊണ്ടുവരുമെന്ന് പ്രതീക്ഷിക്കുന്നു.

വീഡിയോയിൽ, വൃത്ത ആകൃതിയിലുള്ള ക്യാമറ ദ്വീപുള്ള ഒരു സ്മാർട്ട്‌ഫോൺ പുതിയ ചിപ്‌സെറ്റ് വഹിക്കുന്നതായി കാണാം. പ്രോട്ടോടൈപ്പിന് വരാനിരിക്കുന്ന വൺപ്ലസ് 13ന് സമാനമായ ഒരു ഡിസൈൻ ഉണ്ട്. പ്രോട്ടോടൈപ്പിൽ വൺപ്ലസിൻ്റെ സിഗ്നേച്ചർ ക്യാമറ മൊഡ്യൂൾ മുകളിൽ ഇടത് മൂലയിൽ സ്ഥാപിച്ചിരിക്കുന്നു. അത് വൺപ്ലസ് 12, വൺപ്ലസ് 11 എന്നിവയുടെ ഡിസൈൻ ഭാഷയോട് സാമ്യമുള്ളതാണ്.

കൂടാതെ, വൺപ്ലസ് ചൈനയുടെ പ്രസിഡൻ്റ് ലൂയിസ് ലീ, തൻ്റെ വെയ്‌ബോ ഹാൻഡിൽ നിന്ന് പുതിയ സ്‌നാപ്ഡ്രാഗൺ 8 ടീസർ ചിപ്പ് വീഡിയോ റീപോസ്‌റ്റ് ചെയ്‌തു. ക്വാൽകോം സ്‌നാപ്ഡ്രാഗൺ 8 എലൈറ്റ് SoC ഉപയോഗിച്ച് അരങ്ങേറ്റം കുറിക്കുന്ന ലോകത്തിലെ ആദ്യത്തെ സ്‌മാർട്ട്‌ഫോണായിരിക്കും വൺപ്ലസ് 13 എന്ന് സൂചിപ്പിക്കുന്നു. ഒക്‌ടോബർ 22ന് ഹവായിയിലെ മൗയിയിൽ നടക്കുന്ന സ്‌നാപ്ഡ്രാഗൺ ഉച്ചകോടിയിൽ പുതിയ ചിപ്‌സെറ്റ് അവതരിപ്പിക്കും.

സ്‌നാപ്ഡ്രാഗൺ 8 എലൈറ്റ് ചിപ്പുള്ള ആദ്യ സ്‌മാർട്ട്‌ഫോണായി ഷവോമി 15 അവതരിപ്പിക്കുമെന്ന് നേരത്തെ ഊഹിച്ചിരുന്നു. iQOO, Honor, Oppo എന്നിവയും ചൈനയിലെ സ്‌നാപ്ഡ്രാഗൺ 8 എലൈറ്റ്-പവർ ഫോണുകളിലും ഇത് അവതരിപ്പിക്കുമെന്ന് പ്രതീക്ഷിക്കുന്നു. കഴിഞ്ഞ ലീക്ക് റിപ്പോർട്ടുകൾ പ്രകാരം, വൺപ്ലസ് 13 6.82 ഇഞ്ച് LTPO BOE X2 മൈക്രോ ക്വാഡ് കർവ്ഡ് OLED ഡിസ്‌പ്ലേയും 2K റെസല്യൂഷനും 120Hz റിഫ്രഷ് റേറ്റും വാഗ്ദാനം ചെയ്യും.

ഇത് 24 ജിബി റാമും 1 ടിബി വരെ ഓൺബോർഡ് സ്റ്റോറേജും പായ്ക്ക് ചെയ്യുമെന്ന് പറയപ്പെടുന്നു. വൺപ്ലസ് 13 50 മെഗാപിക്സൽ LYT-808 മെയിൻ ക്യാമറ അടങ്ങുന്ന ട്രിപ്പിൾ റിയർ ക്യാമറ സംവിധാനം കൊണ്ടുവരുമെന്ന് പ്രതീക്ഷിക്കുന്നു. ക്യാമറ സജ്ജീകരണത്തിൽ 50 മെഗാപിക്സൽ അൾട്രാ വൈഡ് സെൻസറും 3x ഒപ്റ്റിക്കൽ സൂമോടുകൂടിയ 50 മെഗാപിക്സൽ പെരിസ്കോപ്പ് ടെലിഫോട്ടോ ഷൂട്ടറും ഉൾപ്പെടുത്താൻ സാധ്യത ഉണ്ട്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.