വൺപ്ലസ് 8 പ്രോ, വൺപ്ലസ് 8 വിൽപന മാറ്റിവെച്ചു, പകരം സ്പെഷ്യൽ എഡിഷൻ ലിമിറ്റഡ് സെയിൽ

വൺപ്ലസ് സ്പെഷ്യൽ എഡിഷൻ ലിമിറ്റഡ് സെയിൽ

മെയ് ആദ്യ ആഴ്ചയാണ് വൺപ്ലസിന്റെ നോയിഡ ഫാക്ടറി ലോക്ക്ഡൗൺ നിയന്ത്രണങ്ങളിൽ ഇളവ് വരുത്തിയതോടെ തുറന്നു പ്രവർത്തിക്കാൻ തുടങ്ങിയത്. സെയിൽ നിർത്തിവെച്ചുവെങ്കിലും സ്പെഷ്യൽ ലിമിറ്റഡ് സെയിലിലൂടെ വൺപ്ലസ് 8 സീരിസ് 5G ഫോണുകൾ വില്പനയ്ക്കായി എത്തിക്കും എന്ന്‌ കമ്പനി വ്യക്തമാക്കിയിട്ടുണ്ട്. ക്വാൽകോമിന്റെ ഏറ്റവും പുതിയ സ്നാപ്ഡ്രാഗൺ 865 ചിപ്സെറ്റാണ് പുതിയ രണ്ട് 5G സപ്പോർട്ടുള്ള ഫോണുകളും പ്രവർത്തിക്കുന്നത്. രണ്ട് ഹാൻഡ്സെറ്റുകളും ഏതാണ്ട് ഒരേ സവിശേഷതകളാണ് നൽകുന്നതെങ്കിലും ക്യാമറ സജ്ജീകരണം, സ്ക്രീൻ സൈസ് എന്നിവയിൽ ഈ രണ്ടുഫോണുകളും തമ്മിൽ നേരിയ വ്യത്യാസങ്ങളുണ്ട്.

വൺപ്ലസ് 8 പ്രോ, വൺപ്ലസ് 8 വിൽപന

8 ജിബി റാം + 128 ജിബി സ്റ്റോറേജ്, 12 ജിബി റാം + 256 ജിബി സ്റ്റോറേജ് എന്നിങ്ങനെ രണ്ട് സജ്ജീകരണങ്ങളിലാണ് വൺപ്ലസ് 8 പ്രൊ എത്തിയിരിക്കുന്നത്. അതേസമയം 6 ജിബി റാം + 128 ജിബി സ്റ്റോറേജ്, 8 ജിബി റാം + 128 ജിബി സ്റ്റോറേജ്, 12 ജിബി റാം + 256 ജിബി സ്റ്റോറേജ് എന്നിങ്ങനെ മൂന്ന് സ്റ്റോറേജ് ഓപ്‌ഷനുകളിലാണ് വൺപ്ലസ് 8 ലഭിക്കുക. വണ്‍പ്ലസ് 8ന്റെ 6 + 128 റാം സ്റ്റോറേജ് വേരിയന്റ് ഗ്ലേഷ്യല്‍ ഗ്രീന്‍ നിറങ്ങളിൽ ആണ് ലഭിക്കുക. 41,999 രൂപയാണ് ഇതിന്റെ വില. വണ്‍പ്ലസ് 8ന്റെ 8 ജിബി റാമും 128 ജിബി സ്റ്റോറേജുമുള്ള വേരിയന്റ് ഫീനിക്‌സ് ബ്ലാക്ക്, ഗ്ലേഷ്യല്‍ ഗ്രീന്‍ നിറങ്ങളില്‍ ലഭിക്കും. 

44,999 രൂപയാണ് ഇതിന്റെ വില. 12 ജിബി റാം, 256 ജിബി സ്റ്റോറേജ് ടോപ് എൻഡ് വേരിയന്റിന് 49,999 രൂപയാണ് വില. ഈ മോഡല്‍ ഗ്രീന്‍ കൂടാതെ ഫീനിക്‌സ് ബ്ലാക്ക്, ഇന്റര്‍സ്റ്റെല്ലാര്‍ ഗ്ലോ എന്നീ മൂന്ന് നിറങ്ങളില്‍ ലഭ്യമാണ്. വണ്‍പ്ലസ് 8ന്റെ 6 + 128 റാം സ്റ്റോറേജ് വേരിയന്റ് ആമസോണില്‍ നിന്നും മാത്രമേ സ്വന്തമാക്കാൻ കഴിയുകയുള്ളു. എസ്‌ബി‌ഐ ക്രെഡിറ്റ് കാർഡ് മുഖേന പണമടച്ചാൽ വൺപ്ലസ് 8 ന് 2,000 രൂപയും വൺപ്ലസ് 8 പ്രോയിൽ 3,000 രൂപയും കിഴിവ് ലഭിക്കും.

വൺപ്ലസ് 8, വൺപ്ലസ് 8 പ്രോ: ഇന്ത്യയിലെ വില

വൺപ്ലസിന്റെ പുതിയ സ്മാർട്ട്ഫോണായ വൺപ്ലസ് 8 ന്റെ 6 + 128 റാം സ്റ്റോറേജ് വേരിയന്റ് ഗ്ലേഷ്യൽ ഗ്രീൻ കളറിൽ മാത്രമേ ലഭ്യമാകൂ. ഇതിന് ആമസോണിൽ 41,999 രൂപയായിരിക്കും വില. വൺപ്ലസ് 8 ന്റെ 8 ജിബി റാമും 128 ജിബി സ്റ്റോറേജുമുള്ള വേരിയന്റ് ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ നിറങ്ങളിൽ ലഭ്യമാകും. 44,999 രൂപ വിലയുള്ള ഈ വേരിയന്റിന് എല്ലാ ഓൺലൈൻ, ഓഫ്‌ലൈൻ ചാനലുകളിൽ നിന്നും വാങ്ങാൻ കഴിയും.

വൺപ്ലസ് 8 - 12 ജിബി റാം, 256 ജിബി സ്റ്റോറേജ് എന്നിവയുള്ള ഹൈഎൻഡ് വേരിയന്റിന് 49,999 രൂപയാണ് വില. ഈ മോഡൽ കൂടാതെ ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ, ഇന്റർസ്റ്റെല്ലാർ ഗ്ലോ എന്നീ മൂന്ന് നിറങ്ങളിൽ ലഭ്യമാണ്. ഈ വേരിയന്റും എല്ലാ ഓൺ‌ലൈൻ, ഓഫ്‌ലൈൻ ചാനലുകളിലും ലഭ്യമാകും. വൺപ്ലസ് 8 ന്റെ 6 + 128 റാം സ്റ്റോറേജ് വേരിയന്റ് ആമസോണിൽ മാത്രമേ ലഭ്യമാവുകയുള്ളു എന്ന കാര്യം പ്രത്യേകം ശ്രദ്ധിക്കേണ്ടതുണ്ട്.

വൺപ്ലസ് 8 പ്രോയിലേക്ക് വന്നാൽ, ഈ ഫോൺ രണ്ട് സ്റ്റോറേജ് വേരിയന്റുകളിൽ ലഭ്യമാണ്. എൻട്രി ലെവൽ 8 ജിബി + 128 ജിബി സ്റ്റോറേജ് വേരിയന്റ് ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ നിറങ്ങളിൽ ഓൺ‌ലൈൻ, ഓഫ്‌ലൈൻ ചാനലുകളിൽ ലഭ്യമാകും. ഇതിന് 54,999 രൂപയാണ് വില. 12 ജിബി റാമും 256 ജിബി സ്റ്റോറേജുമുള്ള ഹൈ എൻഡ് വേരിയന്റിന് 59,999 രൂപയാണ് വില. എല്ലാ ഓൺ‌ലൈൻ, ഓഫ്‌ലൈൻ ചാനലുകൾ വഴിയും ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ, അൾട്രാമറൈൻ ബ്ലൂ എന്നീ നിറങ്ങളിൽ ഇത് ലഭ്യമാകും.

വൺപ്ലസിന്റെ പുതിയ സ്മാർട്ട്ഫോണുകളുടെ അമേരിക്കയിലെ വിലയുമായി താരതമ്യം ചെയ്യുമ്പോൾ ഇന്ത്യയിലെ വില രണ്ട് മോഡലുകൾക്കും വളരെ കൂടുതലാണ്. ഇന്നുവരെയുള്ള പുറത്തിറക്കിയതിൽ ഏറ്റവും ചെലവേറിയ സ്മാർട്ട്ഫോൺ എന്ന പേരിലാണ് വൺപ്ലസ് 8 സീരീസ് ഫോണുകൾ കമ്പനി പ്രഖ്യാപിച്ചത്. അമേരിക്കയിൽ ഫോണിന്റെ 8 ജിബി റാമിനും 128 ജിബി സ്റ്റോറേജ് വേരിയന്റിന് 699 ഡോളറും ഹൈ എൻഡ് വേരിയന്റായ 12 ജിബി റാമും 256 ജിബി സ്റ്റോറേജുള്ള മോഡലിന് 799 ഡോളറുമാണ് വില വരുന്നത്.

നേരത്തെ പുറത്തിറങ്ങിയ വൺപ്ലസ് പ്രോ ഫോണുകളേക്കാൾ വില കൂടിയ പ്രോ മോഡലാണ് വൺപ്ലസ് 8 പ്രോ. ഇതിന്റെ 8 ജിബി റാം + 128 ജിബി സ്റ്റോറേജ് വേരിയന്റിന് അമേരിക്കയിൽ 899 ഡോളറാണ് വില വരുന്നത്. 12 ജിബി റാമും 256 ജിബി സ്റ്റോറേജുമുള്ള ഡിവൈസിന്റെ പ്രീമിയം വേരിയൻറ് 999 ഡോളറാണ് വില. വൺപ്ലസിന്റെ പുതിയ രണ്ട് ഫോണുകൾക്കും ക്വാൽകോമിന്റെ ഇതുവരെ പുറത്തിറങ്ങിയതിൽ വച്ച് ഏറ്റവും ശക്തമായ സ്‌നാപ്ഡ്രാഗൺ 865 SoC ചിപ്പ്സെറ്റാണ് നൽകിയിട്ടുള്ളത്.