വൺപ്ലസ് 8 ടി സൈബർപങ്ക് 2077 ലിമിറ്റഡ് എഡിഷൻ നവംബർ 2 ന് അവതരിപ്പിക്കും

വൺപ്ലസ് 8 ടി സൈബർപങ്ക് 2077 എഡിഷൻ: ലോഞ്ച് തീയതി, വിൽപ്പന വിശദാംശങ്ങൾ

വൺപ്ലസ് 8 ടി സൈബർപങ്ക് 2077 എഡിഷൻ നവംബർ 2 ന് അവതരിപ്പിക്കുമെന് കമ്പനി സ്ഥിരീകരിച്ചു. പുതിയ വെയ്‌ബോ പോസ്റ്റിൽ, പ്രാദേശിക സമയം ഉച്ചയ്ക്ക് 2 മണിക്ക് (11.30 IST) ചൈനയിൽ ലോഞ്ച് ഇവന്റ് നടക്കുമെന്ന് വൺപ്ലസ് വിശദീകരിക്കുന്നു. അരികുകളിൽ മഞ്ഞയുടെ ചെറിയ ആക്സന്റുകൾ വരുന്നത് ഈ സ്മാർട്ട്ഫോണിന്റെ പോസ്റ്റർ കാണിക്കുന്നു. ഈ എഡിഷൻറെ റീട്ടെയിൽ പാക്കേജും സ്റ്റാൻഡേർഡ് മോഡലിൽ നിന്ന് വ്യത്യസ്തമായിരിക്കാം.

നവംബർ 4 മുതൽ ചൈനയിൽ ഈ സ്മാർട്ട്ഫോൺ മുൻകൂട്ടി ഓർഡറുകൾ ചെയ്യാനാകുമെന് വൺപ്ലസ് നേരത്തെ സ്ഥിരീകരിച്ചിട്ടുണ്ട്. ഈ സ്മാർട്ട്ഫോൺ ഇന്ത്യൻ വിപണിയിൽ എത്തുമോ എന്ന കാര്യം ഇതുവരെ വ്യക്തമല്ല. വൺ‌പ്ലസ് 8 ടി സൈബർ‌പങ്ക് 2077 ലിമിറ്റഡ് എഡിഷൻ 12 ജിബി റാമും 256 ജിബി സ്റ്റോറേജും ഉപയോഗിച്ച് വരുമെന്ന് കഴിഞ്ഞ ലീക്കുകൾ‌ സൂചിപ്പിക്കുന്നു. ഇതിന്റെ വില CNY 3,999 (ഏകദേശം 43,600 രൂപ) ആയിരിക്കും.

വൺപ്ലസ് 8 ടി സൈബർപങ്ക് 2077 എഡിഷൻ: സവിശേഷതകൾ

ഈ പുതിയ വൺപ്ലസ് 8 ടി സൈബർപങ്ക് 2077 ലിമിറ്റഡ് എഡിഷൻ ഡിസൈനിൽ മാറ്റങ്ങൾ കാണുമെന്ന് പ്രതീക്ഷിക്കുന്നു. പക്ഷേ, സവിശേഷതകൾ വൺപ്ലസ് 8 ടി സ്റ്റാൻഡേർഡ് മോഡലിന് സമാനമായിരിക്കും. ആൻഡ്രോയിഡ് 11 അടിസ്ഥാനമാക്കിയുള്ള ഈ സ്മാർട്ട്ഫോൺ ഓക്‌സിജൻ ഒ.എസ് 11ൽ പ്രവർത്തിക്കുന്നു. 120 റിഫ്രഷ് റേറ്റിനൊപ്പം 6.55 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഫ്ലൂയിഡ് അമോലെഡ് ഡിസ്‌പ്ലേയുമായി വരുമെന്ന് പറയുന്നു. 12 ജിബി റാമുമായി ജോടിയാക്കിയ സ്‌നാപ്ഡ്രാഗൺ 865 SoC പ്രോസസറായിരിക്കും ഈ ഹാൻഡ്‌സെറ്റിന് കരുത്തേകുന്നത്. വൺപ്ലസ് 8 ടി സൈബർപങ്ക് 2077 ലിമിറ്റഡ് എഡിഷനിൽ 256 ജിബി യുഎഫ്എസ് 3.1 ഓൺബോർഡ് സ്റ്റോറേജുണ്ട്.

48 മെഗാപിക്സൽ സോണി IMX586 പ്രൈമറി സെൻസർ, 16 മെഗാപിക്സൽ സോണി IMX481 സെൻസർ, 5 മെഗാപിക്സൽ മാക്രോ സെൻസർ, 2 മെഗാപിക്സൽ മോണോക്രോം സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് വൺപ്ലസ് 8 ടി സൈബർപങ്ക് 2077 ലിമിറ്റഡ് എഡിഷനിൽ വരുന്നത്. സെൽഫികൾ പകർത്തുവാൻ നിങ്ങൾക്ക് 16 മെഗാപിക്സൽ സോണി IMX471 സെൻസറും ലഭിക്കും.

വൺപ്ലസ് 8 ടി സൈബർപങ്ക് 2077 ലിമിറ്റഡ് എഡിഷനിൽ 5 ജി, 4 ജി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.1, ജിപിഎസ്, എൻ‌എഫ്‌സി, ഗ്ലോനാസ്, ചാർജ്ജിംഗിനായി യുഎസ്ബി ടൈപ്പ്-സി പോർട്ട് എന്നിവ ഉൾപ്പെടുന്നു. ഈ സ്മാർട്ട്ഫോണിൽ വാർപ്പ് ചാർജ് 65 ഫാസ്റ്റ് ചാർജിംഗിനെ പിന്തുണയ്‌ക്കുന്ന 4,500mAh ബാറ്ററി വരുമെന്ന് റിപ്പോർട്ടുകൾ വ്യക്തമാക്കി.