വൺപ്ലസ് 8 ടി സ്മാർട്ഫോണിന് ഇന്ത്യയിൽ വില കുറച്ചു: ഓഫറുകളും, ഡിസ്‌കൗണ്ടും

വൺപ്ലസ് 8 ടി സ്മാർട്ഫോണിന് ഇന്ത്യയിൽ നൽകിയിട്ടുള്ള പുതിയ വില

വൺപ്ലസ് 8 ടിയുടെ 8 ജിബി + 128 ജിബി വേരിയന്റിന് 38,999 രൂപയും, 12 ജിബി + 256 ജിബി വേരിയന്റിന് 41,999 രൂപയുമാണ് വില വരുന്നത്. ഈ രണ്ട് വേരിയന്റുകളും ഇതുവരെ യഥാക്രമം 39,999 രൂപ, 42,999 രൂപ വിലയ്ക്കായിരുന്നു വിൽപ്പന നടത്തിയിരുന്നത്. 2020 ൽ 42,999 രൂപയ്ക്കും, 45,999 രൂപയ്ക്കും ഈ ഫോണുകൾ വിപണിയിലെത്തി. ഈ പുതിയ വിലയിൽ സ്മാർട്ഫോണുകൾ ഇപ്പോൾ വൺപ്ലസ് ഇന്ത്യയിലും ആമസോൺ ഇന്ത്യയിലും തത്സമയമാണ്.

വൺപ്ലസ് 8 ടി സ്മാർട്ഫോണിൻറെ സവിശേഷതകൾ

ആൻഡ്രോയിഡ് 11 ബേസ്ഡ് ഓക്സിജൻ ഓപ്പറേറ്റിംഗ് സിസ്റ്റം 11ൽ പ്രവർത്തിക്കുന്ന വൺപ്ലസ് 8 ടി സ്മാർട്ട്ഫോണിൽ രണ്ട് നാനോ സിം കാർഡ് സ്ലോട്ടുകളാണ് ഉള്ളത്. 120 ഹെർട്സ് റിഫ്രഷ് റേറ്റ്, 20: 9 ആസ്പെക്റ്റ് റേഷിയോ, 402 പിപി പിക്‌സൽ ഡെൻസിറ്റി എന്നീ സവിശേഷതകളുള്ള 6.55 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഫ്ലൂയിഡ് അമോലെഡ് ഡിസ്‌പ്ലേയാണ് ഇതിൽ നൽകിയിട്ടുണ്ട്. 12 ജിബി വരെ എൽപിഡിഡിആർ 4 എക്‌സ് റാമും, അഡ്രിനോ 650 ജിപിയുവുമായി ജോടിയാക്കിയ സ്‌നാപ്ഡ്രാഗൺ 865 SoC പ്രോസസറാണ് ഈ സ്മാർട്ഫോണിന് മികച്ച പ്രവർത്തനക്ഷമത നൽകുന്നത്.

വൺപ്ലസ് 8 ടി സ്മാർട്ഫോണിൻറെ ക്യാമറ സവിശേഷതകൾ

വൺപ്ലസ് 8 ടി സ്മാർട്ട്ഫോണിൽ ക്വാഡ് റിയർ ക്യാമറ സംവിധമാണുള്ളത്. ഈ ക്യാമറ സെറ്റപ്പിൽ എഫ് / 1.7 ലെൻസുള്ള 48 മെഗാപിക്സൽ സോണി ഐഎംഎക്സ് 586 പ്രൈമറി സെൻസർ, 16 മെഗാപിക്സൽ സോണി ഐഎംഎക്സ് 481 സെൻസർ, അൾട്രാ വൈഡ് ആംഗിൾ എഫ് / 2.2 ലെൻസ്, 5 മെഗാപിക്സൽ മാക്രോ സെൻസർ, 2 മെഗാപിക്സൽ മോണോക്രോം സെൻസർ എന്നിവയും നൽകിയിട്ടുണ്ട്. സെൽഫികൾ എടുക്കുവാനും വീഡിയോ കോളുകൾക്കുമായി ഡിസ്‌പ്ലേയുടെ മികളിൽ ഇടത് ഭാഗത്തുള്ള ഹോൾ-പഞ്ച് കട്ട്‌ ഔട്ടിൽ എഫ് / 2.4 ലെൻസുള്ള 16 മെഗാപിക്സൽ സോണി ഐഎംഎക്സ് 471 സെൻസർ നൽകിയിട്ടുണ്ട്. 4,500 എംഎഎച്ച് ബാറ്ററിയാണ് ഈ ഹാൻഡ്‌സെറ്റിൽ ഉൾപ്പെടുത്തിയിരിക്കുന്നത്.