വൺപ്ലസ് 9 വാനില എഡിഷൻ വൈകാതെ വിപണിയിലെത്തും; പ്രതീക്ഷിക്കുന്ന സവിശേഷതകൾ

ലുബാൻ LE2113 മോഡൽ നമ്പറിനൊപ്പം വൺപ്ലസ് 9 വാനില എഡിഷൻ ഗീക്ക്ബെഞ്ചിൽ പട്ടികപ്പെടുത്തിയിട്ടുണ്ട്. കൂടുതൽ വിവരങ്ങൾക്കായി, ബെഞ്ച്മാർക്ക് വെബ്‌സൈറ്റിൽ ലുബാൻ LE2117 മോഡൽ നമ്പറുമായി വൺപ്ലസ് 9 പ്രോ കണ്ടെത്തി. ഇപ്പോൾ ലീക്ക് ചെയ്യപ്പെട്ട സവിശേഷതകളിലേക്ക് വരുന്ന ഈ ഡിവൈസ് ഒരു ക്വാൽകോം സ്‌നാപ്ഡ്രാഗൺ പ്രോസസറിൽ പ്രവർത്തിക്കുന്നതായാണ് കാണുന്നത്. വൺപ്ലസ് 9 വാനില എഡിഷനിലും വൺപ്ലസ് 9 പ്രോയിലും കമ്പനി പ്രോസസറിനെ അതേപടി നിലനിർത്തുമെന്ന് കാണിക്കുന്നു.

ഈ ഗീക്ക്ബെഞ്ച് ലിസ്റ്റിംഗിൽ പറഞ്ഞിരിക്കുന്ന മദർബോർഡും 'ലഹൈന' ആണ്. മുമ്പത്തെ ചോർച്ചകൾ ഇത് ഒരു പ്രധാനപ്പെട്ട സ്നാപ്ഡ്രാഗൺ 875 പ്രോസസറായാണ് കണക്കാക്കുന്നത്. ഗീക്ക്ബെഞ്ച് ഡാറ്റാബേസ് അനുസരിച്ച്, ഈ പ്രോസസ്സറിന് എട്ട് കോറുകളും 1.8GHz ബേസ് ഫ്രീക്വൻസി ഉണ്ടായിരിക്കും. ഡാറ്റാബേസ് 8 ജിബി റാം ഓപ്ഷനും ഇതിൽ വരുന്നതായി അഭിപ്രായപ്പെടുന്നു. പക്ഷേ, ഈ ഡിവൈസ് സ്റ്റോറേജ് ശേഷി വെളിപ്പെടുത്തുന്നില്ല.

ഇവിടെ പട്ടികപ്പെടുത്തിയിരിക്കുന്ന ഫേംവെയർ ആൻഡ്രോയിഡ് 11 ഓപ്പറേറ്റിങ് സിസ്റ്റത്തിലാണ്. ഇത് ഒരു കസ്റ്റമൈസ്ഡ് ഓക്‌സിജൻ ഒഎസ് ഉപയോക്തൃ ഇന്റർഫേസ് ഉപയോഗിച്ച് ലേയേർഡ് ചെയ്യുമെന്ന് പറയുന്നു. രണ്ട് സ്മാർട്ട്‌ഫോണുകളിലെയും പ്രോസസർ സമാനമാണെന്ന് പറയുമ്പോൾ ഓരോ ഡിവൈസിലും കൊടുത്തിരിക്കുന്ന ബെഞ്ച്മാർക്ക് സ്‌കോറുകൾ വ്യത്യസ്‌തമാണ്.

സിംഗിൾ കോർ ടെസ്റ്റിൽ 1115 പോയിന്റുകൾ നേടാൻ വൺപ്ലസ് 9 വാനില എഡിഷന് കഴിഞ്ഞു. മൾട്ടി കോർ ടെസ്റ്റിൽ, ഡിവൈസ് മൊത്തം 3,483 പോയിന്റുകൾ നേടി. വൺപ്ലസ് 9 സീരീസിന്റെ വരവിനെക്കുറിച്ച് ഔദ്യോഗികമായ വ്യക്തത ഒന്നുമില്ലെങ്കിലും, 2021 ൽ ഇവ പിന്നീട് ലോഞ്ച് ചെയ്യുമെന്ന സാധ്യത തള്ളിക്കളയാനാവില്ല.