വൺപ്ലസിന്റെ തീപ്പൊരി ഐറ്റം; എയ്സ് 5 റേസിംഗ് എഡിഷനും എയ്സ് 5 അ‌ൾട്ര എഡിഷനും സെറ്റാണ്

വൺപ്ലസ് തങ്ങളുടെ എയ്സ് 5 സീരീസിലേക്ക് പുതിയ രണ്ട് സ്മാർട്ട്ഫോണുകൾ കൂടി അ‌വതരിപ്പിക്കാൻ ഒരുങ്ങിയിരിക്കുന്നു. വൺപ്ലസ് എയ്സ് 5 റേസിംഗ് എഡിഷൻ (OnePlus Ace 5 Racing Edition), വൺപ്ലസ് എയ്സ് 5 അ‌ൾട്ര എഡിഷൻ (OnePlus Ace 5 Ultra Edition) എന്നിവയാണ് വരാൻ പോകുന്ന സ്മാർട്ട്ഫോണുകൾ. മേയ് 27ന് ഈ സ്മാർട്ട്ഫോണുകൾ ​ചൈനയിൽ നടക്കുന്ന ഇവന്റിൽ വൺപ്ലസ് അ‌വതരിപ്പിക്കും. ഇതോടൊപ്പം വൺപ്ലസ് ബഡ്സ് 4 (OnePlus Buds 4) ഇയർബഡ്സും അ‌വതരിപ്പിക്കും എന്ന് വൺപ്ലസ് ഔദ്യോഗികമായി സ്ഥിരീകരിച്ചിട്ടുണ്ട്.

പുതിയ രണ്ട് മോഡലുകൾ കൂടി എത്തുന്നതോടെ വൺപ്ലസ് എയ്സ് 5 സീരീസിൽ ആകെ 5 മോഡലുകളാകും. വൺപ്ലസ് എയ്സ് 5, വൺപ്ലസ് എയ്സ് 5 പ്രോ എന്നിവ കഴിഞ്ഞ വർഷത്തിന്റെ അ‌വസാനത്തിൽ വൺപ്ലസ് അ‌വതരിപ്പിച്ചിരുന്നു. വരാൻ​ പോകുന്ന പുതിയ എയ്സ് 5 സീരീസ് ഫോണുകളിൽ Ace 5 റേസിംഗ് എഡിഷൻ എത്തുക മീഡിയടെക് ഡിമെൻസിറ്റി 9400e പ്രോസസർ കരുത്തിലാണ്. ഈ ചിപ്സെറ്റുള്ള ആദ്യ സ്മാർട്ട്ഫോൺ ഇതായിരിക്കുമെന്ന് വൺപ്ലസ് പറയുന്നു.

വൺപ്ലസ് എയ്സ് 5 റേസിങ് എഡിഷൻ: മീഡിയടെക് ഡിമെൻസിറ്റി 9400e പ്രോസസറിന് പുറമേ, 6.77-ഇഞ്ച് 1.5K+120Hz LTPS സ്‌ട്രെയിറ്റ് സ്‌ക്രീൻ, 50MP + 2MP ഡ്യുവൽ റിയർ ക്യാമറകൾ, 16MP ഫ്രണ്ട് ക്യാമറ എന്നിവയും ഈ സ്മാർട്ട്ഫോണിൽ ഉണ്ടാകും എന്ന് പ്രതീക്ഷിക്കപ്പെടുന്നു.

12GB + 256GB, 16GB + 256GB, 12GB + 512GB, 16GB + 512GB എന്നീ റാം+ സ്റ്റോറേജ് ഓപ്ഷനുകളിൽ ഈ എയ്സ് 5 റേസിങ് എഡിഷൻ പുറത്തിറങ്ങും എന്നാണ് ഓൺ​ലൈൻ റിപ്പോർട്ടുകൾ പറയുന്നത്. പ്ലാസ്റ്റിക് ഫ്രെയിം ആണ് ഇതിന് ഉള്ളത് എന്ന് ചിത്രങ്ങൾ വെളിപ്പെടുത്തുന്നു. റോക്ക് ബ്ലാക്ക്, വൈറ്റ്, വൈൽഡർനെസ് ഗ്രീൻ എന്നീ കളർ ഓപ്ഷനുകളിലാകും ഇത് വാങ്ങാനാകുക.

വൺപ്ലസ് എയ്സ് 5 അ‌ൾട്ര എഡിഷൻ: ഗെയിമിംഗിനുള്ള ആദ്യത്തെ ഫുൾ ലിങ്ക് ചിപ്പ് ലെവൽ ഹാർഡ്‌വെയർ സൊല്യൂഷനായിരിക്കും ഈ എയ്സ് 5 അ‌ൾട്ര എഡിഷൻ എന്ന് വൺപ്ലസ് പറയുന്നു. 0 ഫ്രെയിം ഡ്രോപ്പ്സ് വാഗ്ദാനം ചെയ്യുന്ന മീഡിയടെക് ഡിമെൻസിറ്റി 9400+ ചിപ്സെറ്റും Fengchi ഗെയിമിംഗ് കോറും ഈ സ്മാർട്ട്ഫോണിന് കരുത്ത് പകരും.

0 ഡിസ്കണക്ഷനുകൾ വാഗ്ദാനം ചെയ്യുന്ന Lingxi ടച്ച് ചിപ്പും 0 ഡിസ്കണക്ഷനുകൾ വാഗ്ദാനം ചെയ്യുന്ന Gaming Wi-Fi G1 ചിപ്പും വൺപ്ലസ് എയ്സ് 5 അ‌ൾട്ര എഡിഷനിൽ ഉണ്ടാകും. 12GB+ 256GB, 16GB+ 256GB, 12GB+ 512GB, 16GB+ 512GB, 16GB + 1TB വേരിയന്റുകളിൽ ഇത് ലഭ്യമാകും. ഫാന്റം ബ്ലാക്ക്, ബ്രീസ് ബ്ലൂ, ടൈറ്റാനിയം ഗോൾഡ് കളർ ഓപ്ഷനുകളിലാണ് അ‌ൾട്ര എഡിഷൻ എത്തുന്നത്.

പുതിയ സ്മാർട്ട്ഫോണുകൾക്ക് ഒപ്പം തന്നെ വൺപ്ലസ് ബഡ്സ് 4 TWS ഇയർബഡ്സും കമ്പനി പുറത്തിറക്കുന്നുണ്ട്. ഫ്ലാഗ്ഷിപ്പ് ലെവൽ ഫീച്ചറുകളാണ് ഇതിൽ ഉള്ളത് എന്നാണ് വൺപ്ലസ് പറയുന്നത്. വൺപ്ലസ് ബഡ്‌സ് പ്രോ 3 ൽ അവതരിപ്പിച്ച ഫ്രോസ്റ്റഡ് മെറ്റൽ ലുക്ക്, ഡ്യുവൽ ഡിഎസി എന്നിവ ഇതിൽ ഉണ്ടാകും. സ്‌പേസ് ഗ്രേ, പൈൻ ഷാഡോ ഗ്രീൻ കളർ ഓപ്ഷനുകളിലാകും ഇത് വാങ്ങാനാകുക.

വൺപ്ലസ് എയ്സ് 5 റേസിംഗ് എഡിഷൻ, വൺപ്ലസ് എയ്സ് 5 അ‌ൾട്ര എഡിഷൻ എന്നിവയുടെ കൂടുതൽ ഡീറ്റെയിൽസ് വരുംദിവസങ്ങളിൽ പുറത്തുവരും. ഇന്ത്യയിൽ ഈ വൺപ്ലസ് ഫോണുകൾ മറ്റ് പേരുകളിൽ അ‌വതരിപ്പിക്കപ്പെടാൻ സാധ്യതയുണ്ട്. വൺപ്ലസ് ഇന്ത്യയിൽ ഉടൻ അ‌വതരിപ്പിക്കുന്ന സ്മാർട്ട്ഫോൺ വൺപ്ലസ് 13s ആണ്. ഇത് ജൂൺ 5ന് ഇന്ത്യയിൽ ലോഞ്ച് ചെയ്യും.