വൺപ്ലസ് 15 5ജിക്ക് വെറുതേ കൂട്ടുവന്നതല്ല, കാര്യമുണ്ട്! വൺപ്ലസ് എയ്സ് 6 5ജിയും ലോഞ്ച് ചെയ്തു

വൺപ്ലസ് തങ്ങളുടെ പ്രീമിയം സ്മാർട്ട്ഫോൺ മോഡലായ വൺപ്ലസ് 15 5ജി ​ചൈനയിൽ ലോഞ്ച് ചെയ്തിരിക്കുകയാണ്. ഈ കരുത്തൻ സ്മാർട്ട്ഫോണിനൊപ്പം തന്നെ വൺപ്ലസ് എയ്സ് 6 (OnePlus Ace 6) 5ജി മോഡലും കമ്പനി ​ചൈനയിൽ അ‌വതരിപ്പിച്ചിരിക്കുന്നു. വൺപ്ലസ് 15 5ജിക്ക് കൂട്ട് വന്ന ഒരു സാധാരണ സ്മാർട്ട്ഫോൺ ആണ് വൺപ്ലസ് എയ്സ് 6 എന്ന് കരുതേണ്ട, വൺപ്ലസ് 15 5ജിയുടെ ഗാംഭീര്യത്തിന് ഒട്ടും കോട്ടം തട്ടാതെയും എന്നാൽ മികച്ച ഫീച്ചറുകളോടെയും ആണ് വൺപ്ലസ് എയ്സ് 6 എത്തിയിരിക്കുന്നത്.

ഈ എയ്സ് 6 5ജി ഫോണിന്റെ ഒരു പ്രത്യേകത എന്തെന്നാൽ അ‌ടുത്തമാസം വൺപ്ലസ് 15 സീരീസ് ഇന്ത്യയിൽ ലോഞ്ച് ചെയ്യുമ്പോൾ അ‌തിൽ വൺപ്ലസ് 15 5ജിക്ക് ഒപ്പം വൺപ്ലസ് 15R എന്ന മോഡലായി എത്തുക ഈ വൺപ്ലസ് എയ്സ് 6 ആണ് എന്നാണ് റിപ്പോർട്ടുകൾ പറയുന്നത്.

60/90/120/144/165Hz ഇന്റലിജന്റ് സ്വിച്ചിംഗുള്ള 6.83-ഇഞ്ച് 1.5K 165Hz AMOLED ഡിസ്‌പ്ലേയാണ് വൺപ്ലസ് എയ്സ് 6ൽ ഉള്ളത്. "ലിറ്റിൽ ഗോൾഡ് ലേബൽ" ഐ പ്രൊട്ടക്ഷൻ സ്റ്റാൻഡേർഡ് ഉപയോഗിച്ച് സാക്ഷ്യപ്പെടുത്തിയ നെക്സ്റ്റ് ജനറേഷൻ "ബ്രൈറ്റ് ഐ പ്രൊട്ടക്ഷൻ" ടെക്നോളജിയും ഇതിൽ ഉണ്ട്. കോംപറ്റിറ്റീവ് ബ്ലാക്ക്, ഫ്ലാഷ് വൈറ്റ്, ക്വിക്ക്‌സിൽവർ കളർ ഓപ്ഷനുകളിലാണ് ഈ ഫോൺ എത്തുന്നത്.

വൺപ്ലസ് എയ്സ് 6 ഫീച്ചറുകൾ

165Hz വരെ വേരിയബിൾ റിഫ്രഷ് റേറ്റ് ഉള്ള 6.83-ഇഞ്ച് (2800×1272 പിക്സലുകൾ) 1.5K AMOLED ഡിസ്പ്ലേ ആണ് ഇതിലുള്ളത്. ഒക്ട കോർ സ്നാപ്ഡ്രാഗൺ 8 എലൈറ്റ് 3nm മൊബൈൽ പ്ലാറ്റ്ഫോം ആണ് ഈ ഫോണിന്റെ കരുത്ത്. അഡ്രിനോ 830 GPU, 12GB / 16GB LPDDR5X റാം, 256GB / 512GB / 1TB UFS 4.1 സ്റ്റോറേജ് എന്നിവയും ഇതിലുണ്ട്.

ക്യാമറകളുടെ കാര്യമെടുത്താൽ, 50MP മെയിൻ ക്യാമറ (f/1.8 അപ്പേർച്ചർ, OIS), 8MP 112° അൾട്രാ-വൈഡ് ക്യാമറ ( f/2.2 അപ്പേർച്ചർ), 4K 60 fps വീഡിയോ റെക്കോർഡിംഗ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണമാണ് ഇതിലുള്ളത്. സെൽഫിക്കും മറ്റുമായി f/2.4 അപ്പേർച്ചറുള്ള 16MP ഫ്രണ്ട്-ഫേസിംഗ് ക്യാമറയും ഇതിൽ നൽകിയിരിക്കുന്നു.

ഇൻ-ഡിസ്പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, IP66/68/69/69K റേറ്റിങ്, ആൻഡ്രോയിഡ് 16 അ‌ടിസ്ഥാനമാക്കിയുള്ള കളർOS 16, ഡ്യുവൽ സിം (നാനോ + നാനോ), റെയിൻ ടച്ച് ഫീച്ചർ, ഫ്ലാഗ്ഷിപ്പ്-ഗ്രേഡ് "ടച്ച് ആൻഡ് ഡിസ്പ്ലേ സിങ്ക്",പുതിയ വിൻഡ് ചിപ്പ് ഗെയിമിംഗ് കോർ തുടങ്ങിയ ഫീച്ചറുകളും വൺപ്ലസ് എയ്സ് 6 -ൽ ഉണ്ട്.

5G SA/ NSA, ഡ്യുവൽ 4G VoLTE, Wi-Fi 7 802.11 be (2.4GHz + 5GHz), ബ്ലൂടൂത്ത് 5.4, Beidou: B1I+B1C+B2a; GPS: L1+L5; GLONASS: G1; ഗലീലിയോ: E1+E5a; QZSS: L1+L5, NFC, USB ടൈപ്പ്-സി USB 2.0, 120W SuperVOOC ഫാസ്റ്റ് ചാർജിംഗുള്ള 7800mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.

വൺപ്ലസ് എയ്സ് 6 വില

വൺപ്ലസ് എയ്സ് 6 5ജിയുടെ 12GB+256GB അ‌ടിസ്ഥാന വേരിയന്റിന് 2599 യുവാൻ (ഏകദേശം 32,205 രൂപ) ആണ് വില. 16GB+256GB വേരിയന്റിന് 2899 യുവാൻ (ഏകദേശം 35,920 രൂപ), 12GB+512GB വേരിയന്റിന് 3099 യുവാൻ (ഏകദേശം38,395 രൂപ), 16GB+512GB വേരിയന്റിന് 3399 യുവാൻ (ഏകദേശം42,110 രൂപ), 16GB+1TB വേരിയന്റിന് 3899 യുവാൻ (ഏകദേശം 48,310 രൂപ) എന്നിങ്ങനെയാണ് വില.