ഇതാണ് മോനേ ഡീൽ! വൺപ്ലസ് 13R വാങ്ങാം, 7000 രൂപ ഡിസ്കൗണ്ടിൽ; എതിരാളികൾ നടുങ്ങും

ഇന്ത്യയിൽ ഫെസ്റ്റിവൽ സീസൺ വരുന്നത് കണക്കിലെടുത്ത് സ്മാർട്ട്ഫോൺ ബ്രാൻഡുകൾ സ്വന്തം നിലയ്ക്കും ആമസോൺ, ഫ്ലിപ്പ്കാർട്ട് പോലുള്ള ഇ-കൊമേഴ്സ് സ്ഥാപനങ്ങൾ അ‌വരുടേതായ നിലയ്ക്കും ഡിസ്കൗണ്ട് ഓഫറുകളുമായി രംഗത്തെത്തിക്കൊണ്ടിരിക്കുകയാണ്. ഇപ്പോൾ പ്രമുഖ സ്മാർട്ട്ഫോൺ ബ്രാൻഡായ വൺപ്ലസ് തങ്ങളുടെ ഫെസ്റ്റിവൽ സെയിൽ പ്രഖ്യാപിക്കുകയും ഡീലുകൾ വെളിപ്പെടുത്തുകയും ചെയ്തിരിക്കുന്നു. വൺപ്ലസിന്റെ ഈ ഡീൽ പുറത്തുവന്നതോടെ എതിരാളികൾ ഒന്ന് പതറിയേക്കും, കാരണം വൺപ്ലസിന്റെ കരുത്തൻ മോഡലായ വൺപ്ലസ് 13R (OnePlus 13R) 35000 രൂപയോടടുത്ത വിലയിൽ ഈ വരുന്ന ഫെസ്റ്റിവൽ സെയിലിൽ ഉപയോക്താക്കൾക്ക് വാങ്ങാനാകും.

ഒറിജിനൽ വില

ഇന്ത്യയിൽ ലോഞ്ച് ചെയ്യുന്ന സമയത്ത് വൺപ്ലസ് 13Rന്റെ 12GB + 256GB മോഡലിന് 42,999 രൂപയും 16GB + 512GB മോഡലിന് 49,999 രൂപയുമായിരുന്നു വില. എന്നാൽ ഇപ്പോൾ വൺപ്ലസ് വെളിപ്പെടുത്തിയിരിക്കുന്ന ഫെസ്റ്റിവൽ ഓഫറിൽ പറയുന്നത് ഈ ഫോണിന്റെ അ‌ടിസ്ഥാന വില 44999 രൂപയാണ് എന്നാണ്.

ഫെസ്റ്റിവൽ ഓഫർ

ഫെസ്റ്റിവൽ ഓഫറിന്റെ ഭാഗമായി വൺപ്ലസ് 13r മോഡലിന് 7000 രൂപ ഫെസ്റ്റിവൽ ഡിസ്കൗണ്ടും 2250 രൂപ ബാങ്ക് ഡിസ്കൗണ്ടും ലഭ്യമാകും എന്ന് വൺപ്ലസ് വെളിപ്പെടുത്തുന്നു. അ‌തായത് ഈ ഡിസ്കൗണ്ടുകൾക്ക് ശേഷം 35749 രൂപ വിലയിൽ ഈ ഫോൺ വാങ്ങാനാകും എന്നാണ് വൺപ്ലസ് അ‌റിയിച്ചിരിക്കുന്നത്.

എന്തായാലും വൺപ്ലസ് ഇപ്പോൾ പറയുന്ന അ‌ടിസ്ഥാന വിലയും ലോഞ്ച് വിലയും തമ്മിൽ ചെറിയ വ്യത്യാസം ഉണ്ടെങ്കിലും ഉപയോക്താക്കളെ സംബന്ധിച്ചിടത്തോളം 35749 രൂപ വിലയിൽ ഈ സ്മാർട്ട്ഫോൺ ലഭ്യമാകും എന്നത് നേട്ടമാണ്. കുറഞ്ഞത് 7,250 രൂപയുടെ ലാഭം ഈ ഡീലിൽ ഉപയോക്താവിന് ഉണ്ടാകുന്നുണ്ട് എന്നതാണ് ഏറ്റവും ശ്രദ്ധേയം. അ‌തിനാൽത്തന്നെ ഈ ഫെസ്റ്റിവൽ സെയിലിലെ മികച്ച ഡീലുകളിൽ ഒന്നായി വൺപ്ലസ് 13R ഡിസ്കൗണ്ട് മാറുന്നു.

വൺപ്ലസിന്റെ പ്രീമിയം മോഡലായ വൺപ്ലസ് 13 5ജിയോട് ചേർന്ന് നിൽക്കുന്ന ഫീച്ചറുകളാണ് വൺപ്ലസ് 13R മോഡലിന്റെ പ്രത്യേകത. വണപ്ലസ് 13 മോഡലിനൊപ്പം തന്നെ അ‌വതരിപ്പിക്കപ്പെട്ട ഈ ​ഫോൺ വൺപ്ലസ് 13 5ജിയുടെ വില കുറഞ്ഞ ബദൽ ഓപ്ഷൻ എന്ന നിലയ്ക്കാണ് പരിഗണിക്കപ്പെട്ടത്.

പ്രധാന ഫീച്ചറുകൾ

ഒക്ട കോർ സ്നാപ്ഡ്രാഗൺ 8 ജെൻ 3 4nm ചിപ്സെറ്റാണ് വൺപ്ലസ് 13R ന്റെ കരുത്ത്. 120Hz വരെ റിഫ്രഷ് റേറ്റുള്ള 6.78 ഇഞ്ച് (2780×1264 പിക്സൽസ്) 8T LTPO AMOLED ഡിസ്പ്ലേ, 2160Hz PWM ഡിമ്മിങ്, 4500 nits വരെ പീക്ക് ​ബ്രൈറ്റ്നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവ ഇതിലുണ്ട്.

അഡ്രിനോ 750 ജിപിയു, 12GB/ 16GB LPDDR5X റാം, 256GB/ 512GB UFS 4.0 സ്റ്റോറേജ്, ആൻഡ്രോയിഡ് 15 അ‌ടിസ്ഥാനമാക്കിയുള്ള ഓക്സിജൻഒഎസ് 15 (4 OS അപ്‌ഡേറ്റുകളും 6 വർഷത്തെ സുരക്ഷാ അപ്‌ഡേറ്റുകളും സഹിതം),
ഇൻ-ഡിസ്‌പ്ലേ ഒപ്റ്റിക്കൽ ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, ഡ്യുവൽ സിം (നാനോ + നാനോ),
5G SA/ NSA, ഡ്യുവൽ 4G VoLTE എന്നിവയും ഇതിലുണ്ട്.

മികച്ച ഫോട്ടോഗ്രഫി ആഗ്രഹിക്കുന്നവർക്കായി ട്രിപ്പിൾ റിയർ ക്യാമറ സജ്ജീകരണവും വൺപ്ലസ് 13Rൽ ഉണ്ട്. f/1.8 അപ്പേർച്ചർ, OIS, 1/1.56″ സോണി LYT-700 സെൻസർ എന്നിവയുള്ള 50MP മെയിൻ ക്യാമറ, 8MP 120° അൾട്രാ വൈഡ് ക്യാമറ, 50MP 2x ടെലിഫോട്ടോ ക്യാമറ, എൽഇഡി ഫ്ലാഷ്, എന്നിവ ഇതിലുണ്ട്. ഫ്രണ്ടിൽ സോണി IMX480 സെൻസർ സഹിതം 16MP ക്യാമറയാണുള്ളത്. ഇത് 1080p 30 fps വീഡിയോ റെക്കോർഡിംഗ് സഹിതം എത്തുന്നു.

IP65 റേറ്റിങ്, യുഎസ്ബി ​ടൈപ്പ് സി, 80W SuperVOOC ഫാസ്റ്റ് ചാർജിങ് സഹിതം 6000mAh ബാറ്ററി എന്നിവയാണ് വൺപ്ലസ് 13Rന്റെ മറ്റ് പ്രധാന ഫീച്ചറുകൾ. നെബു​ല നോയർ, ആസ്ട്രൽ ട്രെയിൽ എന്നീ രണ്ട് കളർ ഓപ്ഷനുകളിലാണ് ഈ ഫോൺ എത്തുന്നത്. 40000 രൂപയ്ക്ക് മുകളിൽ വിലയുള്ള ഈ സ്മാർട്ട്ഫോൺ ഇത്ര വലിയ ഡിസ്കൗണ്ടിൽ ലഭ്യമാകുന്നത് 35000 രൂപ സെഗ്മെന്റിൽ എത്തുന്ന മറ്റ് ബ്രാൻഡുകളുടെ മോഡലുകൾക്ക് വൻ തിരിച്ചടിയാണ്.