ഉർവശീ ശാപം ഉപകാരമായി! വൺപ്ലസിന്റെ ജനപ്രിയ 5ജി ഫോണിന് വില കുറഞ്ഞു, വാങ്ങും മുമ്പ് അ‌റിയേണ്ടവ ഇതാ

വൺപ്ലസ് ആരാധകർക്ക് ആഹ്ലാദത്തിന് വക നൽകിക്കൊണ്ട് വൺപ്ലസിന്റെ അ‌ഭിമാന മോഡലായ വൺപ്ലസ് നോർഡ് 3 5ജിയുടെ വില 4000 രൂപ കുറഞ്ഞു. ആമസോണിലും ഫ്ലിപ്പ്കാർട്ടിലും ഈ വിലക്കുറവ് ഉണ്ടായിട്ടുണ്ട്. ലോഞ്ച് ചെയ്ത സമയത്ത് ഈ ഫോണിന്റെ പ്രാരംഭ മോഡലിന്റെ വില 33,999 രൂപ ആയിരുന്നു.

വൺപ്ലസ് നോർഡ് 3 5ജിക്ക് 4000 രൂപ ഡിസ്കൗണ്ട് ലഭിച്ചിരിക്കുന്നു എന്നത് ആരാധകരെ സംബന്ധിച്ചിടത്തോളം വലിയ കാര്യമാണ്. കാരണം ഒറ്റയടിക്ക് നാലായിരം രൂപ കുറഞ്ഞതോടെ ഈ ഫോണിന്റെ വില 30000 രൂപയിൽ താഴെയെത്തി. ഇന്ന് 30000 രൂപയിൽ താഴെ വിലയിൽ വാങ്ങാവുന്ന മികച്ച ഫോണുകളിൽ ഒന്നാണിത്.

ആമസോൺ, ഫ്ലിപ്പ്കാർട്ട് തുടങ്ങിയ രണ്ട് ഇ-കൊമേഴ്‌സ് സൈറ്റുകളിലും വൺപ്ലസ് നോർഡ് 3 (OnePlus Nord 3) ഇപ്പോൾ 30,000 രൂപ വില വിഭാഗത്തിന് കീഴിലാണ് ലിസ്റ്റ് ചെയ്തിരിക്കുന്നത്. 33,999 രൂപയിൽ നിന്ന് 4000 രൂപ വില കുറഞ്ഞതോടെ 29,999 രൂപ പ്രാരംഭവിലയിൽ വൺപ്ലസ് നോർഡ് 3യുടെ 8ജിബി റാം 128ജിബി സ്റ്റോറേജ് ലിസ്റ്റ് ചെയ്തിരിക്കുന്നു.

ഈ വൺപ്ലസ് ഡീൽ എത്രനാളത്തേക്ക് ലഭ്യമാകും എന്ന് വ്യക്തമല്ല. പരിമിതമായ സമയത്തേക്കാണ് ഡീൽ ലഭ്യമായിരിക്കുന്നത് എങ്കിൽ അ‌ധികം ​വൈകാതെ ഈ വിലക്കുറവ് പിൻവലിക്കപ്പെടും. അ‌തിനാൽത്തന്നെ 30000 രൂപയിൽ താഴെ വിലയിൽ നല്ലൊരു 5ജി ഫോൺ തേടുന്നവർ എത്രയും പെട്ടെന്ന് വൺപ്ലസ് നോർഡ് 3യെ പരിഗണിക്കേണ്ടിവരും.

വൺപ്ലസ് നോർഡ് 3യുടെ 256 ജിബി ഇന്റേണൽ സ്റ്റോറേജുള്ള വേരിയന്റ് ഫ്ലിപ്പ്കാർട്ടിൽ 34,857 രൂപയ്ക്ക് ലിസ്റ്റ് ചെയ്തിരിക്കുന്നു. ഈ രണ്ട് ​വേരിയന്റുകൾക്കും ബാങ്ക് ഓഫറുകൾ ലഭ്യമാക്കിയിട്ടുണ്ട്. അ‌തിനാൽ വിലയിൽ 1500 രൂപയുടെ അ‌ധിക ഡിസ്കൗണ്ട് കൂടി ലഭ്യമാകുന്നുണ്ട്. ഇതോടെ വൺപ്ലസ് നോർഡ് 3 ഡീൽ കൂടുതൽ ആകർഷകമാകുന്നു.

ഏറ്റവും മികച്ച മൊബൈൽ ചിപ്‌സെറ്റുകളിൽ ഒന്ന്, ഫാസ്റ്റ് ചാർജർ, വൈബ്രന്റ് ഡിസ്‌പ്ലേ, മികച്ച ബാറ്ററി, സ്റ്റീരിയോ സ്പീക്കറുകൾ തുടങ്ങിയവയെല്ലാം ചേരുന്ന വൺപ്ലസ് നോർഡ് 3 5ജി 30000 രൂപയിൽ താഴെ പ്രാരംഭ വിലയിൽ വാങ്ങാവുന്ന മികച്ച ഓപ്ഷൻ തന്നെയാണ്. മീഡിയടെക് ഡൈമെൻസിറ്റി 9000 ചിപ്‌സെറ്റ് ആണ് ഇതിലുള്ളത്.

വൺപ്ലസ് നോർഡ് 3യുടെ പ്രധാന ഫീച്ചറുകൾ: 120Hz റിഫ്രഷ്റേറ്റുള്ള 6.74 ഇഞ്ച് സൂപ്പർ ഫ്ലൂയിഡ് അമോലെഡ് ഡിസ്‌പ്ലേ, 80W SuperVOOC ഫാസ്റ്റ് ചാർജിംഗ് പിന്തുണയുള്ള 5000എംഎഎച്ച് ബാറ്ററി, ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഫേസ് ഐഡി, അലേർട്ട് സ്ലൈഡർ, ഗൊറില്ല ഗ്ലാസ് 5 പ്രൊട്ടക്ഷൻ തുടങ്ങി ഒട്ടേറെ മികച്ച ഫീച്ചറുകൾ ഇതിലുണ്ട്.

ഓക്സിജൻഒഎസ് 13.1-ലാണ് നോർഡ് 3 യുടെ പ്രവർത്തനം. സോണി IMX890 സെൻസർ ഉപയോഗിക്കുന്ന 50 എംപി ​പ്രൈമറി ക്യാമറ (ഒഐഎസ് പിന്തുണ സഹിതം), 8എംപി സോണി IMX355 വൈഡ് ആംഗിൾ ക്യാമറ, 2എംപി മാക്രോ ക്യാമറ എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണമാണ് നോർഡ് 3യിലുള്ളത്. ഒപ്പം 16 എംപി ക്യാമറയും ഉണ്ട്.

3 വർഷത്തെ ആൻഡ്രോയിഡ് അപ്‌ഡേറ്റുകളും 4 വർഷത്തെ സുരക്ഷാ പാച്ചുകളും നോർഡ് 3യ്ക്ക് ലഭിക്കുമെന്ന് വൺപ്ലസ് ഇതിനകം വ്യക്തമാക്കിയിട്ടുണ്ട്. നല്ല പെർഫോമൻസ് കാഴ്ചവയ്ക്കുന്ന ഒരു മിഡ് റേഞ്ച് സ്മാർട്ട്ഫോൺ തേടുന്നവർക്ക് പരിഗണിക്കാവുന്ന ഓപ്ഷനാണ് വൺപ്ലസ് നോർഡ് 3 എന്ന് നിസംശയം പറയാം.