ഇന്ത്യ കാത്തിരിക്കുന്ന അ‌ടുത്ത വൺപ്ലസ് ഫോൺ! 9000mAh ബാറ്ററിയുമായി വൺപ്ലസ് നോർഡ് 6

ഇന്ത്യയിലെ വൺപ്ലസ് ആരാധകർ ഏറെ ആകാംക്ഷയോടെ കാത്തിരിക്കുന്ന അ‌ടുത്ത സ്മാർട്ട്ഫോൺ മോഡലാണ് വൺപ്ലസ് നോർഡ് 6 (OnePlus Nord 6). നേരത്തെ ഈ ഫോൺ മാർച്ചിൽ ഇന്ത്യയിൽ ലോഞ്ച് ചെയ്യും എന്നാണ് പ്രതീക്ഷിക്കപ്പെട്ടിരുന്നത്, എന്നാൽ പിന്നീട് ലോഞ്ച് ​വൈകുമെന്നും ഏപ്രിലിലായിരിക്കും നോർഡ് 6 ഇന്ത്യയിൽ എത്തുകയെന്നും റിപ്പോർട്ടുകൾ വന്നു. അ‌തായത് ഏതാനും ആഴ്ചകൾക്കുള്ളിൽ തന്നെ നോർഡ് 6 ഇന്ത്യയിൽ എത്തും. ഏപ്രിൽ ആദ്യ പകുതിയിൽ തന്നെ ലോഞ്ച് ഉണ്ടാകുമെന്നാണ് സൂചനകൾ. ഇപ്പോൾ ഈ ഫോണിലെ ഫീച്ചറുകൾ സംബന്ധിച്ചും വില സംബന്ധിച്ചും നിരവധി അ‌ഭ്യൂഹങ്ങൾ ശക്തമായി പ്രചരിച്ചുകൊണ്ടിരിക്കുന്നു.

നോർഡ് സീരീസിൽ വൺപ്ലസ് നോർഡ് 5ന്റെ പിൻഗാമിയായാണ് നോർഡ് 6 എത്തുന്നത്. ഇന്ത്യയിൽ എത്താറുള്ള വൺപ്ലസ് നോർഡ് സ്മാർട്ട്‌ഫോണുകൾ സാധാരണയായി ചൈന-എക്‌സ്‌ക്ലൂസീവ് ടർബോ സീരീസിന്റെ റീബ്രാൻഡുകളാണ്. ഏതാനും നാൾ മുമ്പ് ​ചൈനയിൽ ലോഞ്ച് ചെയ്ത വൺപ്ലസ് ടർബോ 6 ആണ് ചെറിയ ചില മാറ്റങ്ങളോടെ ഇന്ത്യയിൽ നോർഡ് 6 ആയി എത്തുന്നത് എന്നാണ് റിപ്പോർട്ട്.

Also Read

MOST READ: തുടക്കം ആയതുകൊണ്ടാണ് ഈ വിലക്കുറവ്! 7200mA ബാറ്ററിയുള്ള ഐക്യൂ Z11x 5G 17499 രൂപയ്ക്ക് വാങ്ങാം

വൺപ്ലസ് നോർഡ് 5നെക്കാൾ മികച്ച ഫീച്ചറുകൾ നോർഡ് 6 അ‌വതരിപ്പിക്കും, എന്നാൽ അ‌തോടൊപ്പം വിലയിലും വർധന ഉണ്ടാകും. സ്മാർട്ട്ഫോണുകൾക്ക് പൊതുവിൽ നിർമാണ ചെലവ് വർധിച്ചതിനാൽ പുതിയ മോഡലുകൾ പഴയ മോഡലുകളെക്കാൾ ഉയർന്ന വിലയിലാണ് എത്തിക്കൊണ്ടിരിക്കുന്നത്, ഇതുതന്നെ നോർഡ് 6ന്റെ കാര്യത്തിലും സംഭവിക്കും.

വൺപ്ലസ് നോർഡ് 5 ഇന്ത്യയിൽ 31,999 രൂപ പ്രാരംഭ വിലയിൽ ആണ് ലോഞ്ച് ചെയ്യപ്പെട്ടത്, എന്നാൽ പിന്നീട് പല തവണയായി വില വർധിപ്പിച്ചു, ഏറ്റവും പുതിയ വർധനവിന് ശേഷം 33999 രൂപ വിലയിലാണ് നോർഡ് 6 അ‌ടസ്ഥാന മോഡൽ ഇന്ത്യയിൽ ലോഞ്ച് ചെയ്തിരിക്കുന്നത്. അ‌തിനാൽത്തന്നെ പുതിയ നോർഡ് 6 5ജി 35000 രൂപയ്ക്കും 40000 രൂപയ്ക്കും ഇടയിലുള്ള വിലയിൽ എത്താനാണ് സാധ്യത.

Also Read

MOST READ: വിവോ X200T വാങ്ങാൻ താൽപര്യമുണ്ടോ, 4000 രൂപ + 1000 രൂപ ഡിസ്കൗണ്ട് ഉണ്ട്; ബെസ്റ്റ് ഡീൽ വിവോ നൽകും

വൺപ്ലസ് ടർബോ 6​ ന്റെ റീബ്രാൻഡ് ആണ് വൺപ്ലസ് നോർഡ് 6 എന്ന റിപ്പോർട്ടുകൾ ശരിയാണെങ്കിൽ, ഇന്ത്യയിലേക്ക് എത്താൻ പോകുന്ന ഈ നോർഡ് ഫോണിന്റെ പ്രധാന ഫീച്ചറുകൾ എന്തൊക്കെയാണ് എന്ന് നമുക്കുമുന്നിലുണ്ട്. ക്വാൽകോം സ്‌നാപ്ഡ്രാഗൺ 8s ജെൻ 4 പ്രോസസർ കരുത്തിലാകും ഈ ഫോൺ എത്തുക.

80W ഫാസ്റ്റ് ചാർജിംഗ് പിന്തുണയോടെ 9,000mAh ഗ്ലേസിയർ ബാറ്ററിയുമായാണ് ടർബോ 6 അ‌വതരിപ്പിക്കപ്പെട്ടത്, ഈ വലിയ ബാറ്ററി ശേഷി തന്നെ നോർഡ് 6 മോഡലിനും ലഭിക്കും എന്നാണ് പ്രതീക്ഷിക്കപ്പെടുന്നത്. ഇത് സത്യമാണെങ്കിൽ വൻ കുതിച്ചുചാട്ടമാണ് ബാറ്ററി ശേഷിയുടെ കാര്യത്തിൽ വൺപ്ലസ് നോർഡ് സീരീസിൽ ഉണ്ടാകാൻ പോകുന്നത്, കാരണം മുൻഗാമിയായ നോർഡ് 5-ൽ 6,800mAh ബാറ്ററിയാണ് ഉണ്ടായിരുന്നത്.

9,000mAh ബാറ്ററി ശേഷിയോടെ എത്തിയാൽ രണ്ടു ദിവസം വരെ നീണ്ടുനിൽക്കുന്ന ഉപയോഗം വാഗ്ദാനം ചെയ്യാൻ നോർഡ് 6ന് സാധിക്കും. ഇത് ഒരു വലിയ നേട്ടമായി വിലയിരുത്തപ്പെടുകയും ചെയ്യും. 165Hz റിഫ്രഷ് റേറ്റുള്ള 6.78-ഇഞ്ച് 1.5K AMOLED ഡിസ്‌പ്ലേ ഈ ഫോണിൽ ഉണ്ടാകും. ഇത് ഫ്ലാഗ്ഷിപ്പ് വൺപ്ലസ് 15 സീരീസിന്റെ റിഫ്രഷ് റേറ്റിന് തുല്യമാണ്. അതായത് നോർഡ് 6-ൽ ഗെയിമിങ് നടത്തുമ്പോൾ ഫ്രെയിം റേറ്റുകൾ സുഗമമായിരിക്കും.

Also Read

MOST READ: ആമസോണിൽ ഇപ്പോൾ കൊള്ളാവുന്ന ഡിസ്കൗണ്ട് ഒന്നും ഇല്ലേ? ഉണ്ടല്ലോ, ദേ വൺപ്ലസ് നോർഡ് CE മോഡലിന് ഡിസ്കൗണ്ട്!

ക്യാമറയുടെ കാര്യത്തിലും നോർഡ് 6 നിരാശപ്പെടുത്തില്ല എന്നാണ് സൂചന. ടർബോ 6 മോഡലിലേത് പോലെ 50MP + 2MP റിയർ ക്യാമറകൾ, 16MP ഫ്രണ്ട് ക്യാമറ എന്നിവ നോർഡ് 6 മോഡലിലും ഉണ്ടാകും. മൊത്തത്തിൽ നോക്കിയാൽ നോർഡ് 5നെക്കാൾ ഫീച്ചറുകളിൽ വളരെ മുന്നിലാണ് നോർഡ് 6. അ‌തിനാൽ പുതിയ ഒരു സ്മാർട്ട്ഫോൺ വാങ്ങാൻ ആഗ്രഹിക്കുന്നുണ്ട് എങ്കിൽ ഏപ്രിലിൽ നോർഡ് 6ന്റെ ലോഞ്ച് വരെ കാത്തിരിക്കാവുന്നതാണ്.