വൺപ്ലസ് നോർഡ് സിഇ 2 5ജി സ്മാർട്ട്ഫോണിന്റെ ഇന്ത്യ ലോഞ്ച് ഫെബ്രുവരി 17ന്

ലോഞ്ച് തീയതി സ്ഥിരീകരിച്ചതിനൊപ്പം പുതിയ വൺപ്ലസ് നോർഡ് സിഇ 2 5ജിയെക്കുറിച്ചുള്ള ടീസർ വീഡിയോയും കമ്പനി പുറത്ത് വിട്ടു. പുതിയ സ്മാർട്ട്ഫോണിന്റെ രൂപകൽപ്പനയും ടീസറിലൂടെ കമ്പനി വെളിപ്പെടുത്തിയിട്ടുണ്ട്. ഫ്രണ്ട് ഫേസിങ് ക്യാമറ സെൻസർ സ്ഥാപിക്കുന്നതിന് വൺപ്ലസ് നോർഡ് സിഇ 2 5ജി സ്മാർട്ട്ഫോൺ സ്‌ക്രീനിന്റെ ഇടത് മൂലയിൽ ഒരു പഞ്ച് ഹോൾ കട്ട് ഔട്ട് ഉള്ളതായി ടീസർ വീഡിയോയിൽ വ്യക്തമാണ്. വോളിയം ബട്ടണുകളും പവർ ബട്ടണും വൺപ്ലസ് നോർഡ് സിഇ 2 5ജി സ്മാർട്ട്ഫോണിന്റെ വശങ്ങളിലായി കൊടുത്തിരിക്കുന്നത് ടീസർ വീഡിയോയിൽ കാണാവുന്നതാണ്.

വൺപ്ലസ് നോർഡ് സിഇ 2 5ജി സ്മാർട്ട്ഫോണിന്റെ പിൻ പാനലിൽ ട്രിപ്പിൾ റിയർ ക്യാമറ സംവിധാനവും കാണാം. ഏറ്റവും പുതിയതായി പുറത്ത് വന്ന വീഡിയോയിൽ വൺപ്ലസ് നോർഡ് സിഇ 2 5ജി സ്മാർട്ട്ഫോണിലെ 65 വാട്ട് സൂപ്പർ വൂക് സി ടൈപ്പ് ചാർജറും 1 ടിബി വരെയുള്ള മെമ്മറി കാർഡ് ഉപയോഗിക്കാവുന്ന സ്ലോട്ടും എടുത്ത് കാണിച്ചിരിക്കുന്നു. വൺ പ്ലസിന്റെ നോർഡ് സിഇ 5ജിയുടെ പിൻഗാമിയായാണ് നോർഡ് സിഇ 2 5ജി സ്മാർട്ട്ഫോൺ വിപണിയിൽ എത്തുന്നത്.

വൺപ്ലസ് നോർഡ് സിഇ 2 5ജി; പ്രതീക്ഷിക്കുന്ന ഫീച്ചറുകൾ

വരാനിരിക്കുന്ന വൺപ്ലസ് നോർഡ് സിഇ 2 5ജി സ്മാർട്ട്‌ഫോണിന്റെ പ്രധാന സവിശേഷതകളൊന്നും വൺപ്ലസ് വെളിപ്പെടുത്തിയിട്ടില്ല. സ്മാർട്ട്ഫോണിലെ 65 വാട്ട് സൂപ്പർ വൂക് സി ടൈപ്പ് ചാർജറും 1 ടിബി വരെയുള്ള മെമ്മറി കാർഡ് ഉപയോഗിക്കാവുന്ന സ്ലോട്ടും പിന്നെ ഡിവൈസിലെ ട്രിപ്പിൾ ക്യാമറ സജ്ജീകരണവും മാത്രമാണ് ഏതാണ്ട് ഉറപ്പിക്കാവുന്ന ഫീച്ചറുകൾ. 6.4 ഇഞ്ച് അമോലെഡ് ഡിസ്പ്ലേ വൺപ്ലസ് നോർഡ് സിഇ 2 5ജി ഫീച്ചർ ചെയ്യുമെന്നാണ് പ്രതീക്ഷിക്കുന്നത്. 90 ഹെർട്സ് റിഫ്രഷ് റേറ്റും ഡിവൈസിൽ കാണുമെന്ന് കരുതപ്പെടുന്നു.

മീഡിയടെക് ഡൈമെൻസിറ്റി 900 പ്രൊസസറിന്റെ കരുത്തിലാകും വൺപ്ലസ് നോർഡ് സിഇ 2 5ജി സ്മാർട്ട്ഫോൺ പ്രവർത്തിക്കുക. 8 ജിബി വരെയുള്ള റാമും 256 ജിബി വരെ ഓൺബോർഡ് സ്റ്റോറേജും വൺപ്ലസ് നോർഡ് സിഇ 2 5ജിയിൽ പ്രതീക്ഷിക്കുന്നുണ്ട്. ടീസർ വീഡിയോയിൽ 1 ടിബി മെമ്മറി കാർഡ് ഇടുന്ന സ്ലോട്ട് കാണിക്കുന്നുണ്ട്. അതിനാൽ തന്നെ 1 ജിബി അധിക സ്റ്റോറേജ് വിപുലീകരണം വൺപ്ലസ് നോർഡ് സിഇ 2 5ജി സ്മാർട്ട്ഫോണിൽ ഉറപ്പിക്കാവുന്ന ഫീച്ചർ ആണ്.

വൺപ്ലസ് നോർഡ് സിഇ 2 5ജി സ്മാർട്ട്ഫോൺ 64 എംപി മെയിൻ ലെൻസും 8 എംപി അൾട്രാ വൈഡ് സെൻസറും 2 എംപി സെൻസറും ഓഫർ ചെയ്യും. മുൻ‌ വശത്ത്, സെൽഫികൾക്കും വീഡിയോകൾക്കുമായി 16 എംപി ക്യാമറയും വൺപ്ലസ് നോർഡ് സിഇ 2 5ജി സ്മാർട്ട്ഫോൺ ഫീച്ചർ ചെയ്യും. ഓക്സിജൻ ഒഎസ് 12 സ്കിന്നിൽ ആൻഡ്രോയിഡ് 12ൽ ആണ് വൺപ്ലസ് നോർഡ് സിഇ 2 5ജി സ്മാർട്ട്ഫോൺ പ്രവർത്തിക്കുന്നത്. 4,500 എംഎഎച്ച് ഡ്യുവൽ സെൽ ബാറ്ററിയാണ് വൺപ്ലസ് നോർഡ് സിഇ 2 5ജി സ്മാർട്ട്ഫോണിൽ പ്രതീക്ഷിക്കുന്നത്. 65 വാട്ട് സൂപ്പർ വൂക് ഫാസ്റ്റ് ചാർജിങ് സപ്പോർട്ട് ഡിവൈസിൽ ഉറപ്പിച്ച ഫീച്ചറുകളിൽ ഒന്നാണ്.

വൺപ്ലസ് നോർഡ് സിഇ 2 5ജി; പ്രതീക്ഷിക്കുന്ന വില

വൺപ്ലസ് നോർഡ് സിഇ 2 5ജി സ്മാർട്ട്ഫോണിന്റെ വില സംബന്ധിച്ച് ഉറപ്പിക്കാവുന്ന വിവരങ്ങൾ ഒന്നും ലഭിച്ചിട്ടില്ല. ടിപ്‌സ്റ്റർ അഭിഷേക് യാദവ് വൺപ്ലസ് നോർഡ് സിഇ 2 5ജി സ്മാർട്ട്ഫോണിന്റെ ഇന്ത്യയിലെ വില സംബന്ധിച്ച് ഒരു റിപ്പോർട്ട് പുറത്ത് വിട്ടിരുന്നു. 6 ജിബി റാം + 128 ജിബി സ്റ്റോറേജ് മോഡലിന് 23,999 രൂപയാണ് വില വരുന്നത്. ഉയർന്ന നിലവാരമുള്ള 8 ജിബി റാം + 128 ജിബി സ്റ്റോറേജ് മോഡലിന് 24,999 രൂപ വില വരുമെന്നും അഭിഷേക് യാദവിന്റെ ലീക്ക്സിൽ പറയുന്നു. ഔദ്യോഗികമായി ഡിവൈസിന്റെ വില സംബന്ധിച്ച കാര്യങ്ങൾ സ്ഥിരീകരിക്കപ്പെട്ടിട്ടില്ല എന്ന് ഉപയോക്താക്കൾ മനസിലാക്കണം.

വൺപ്ലസ് നോർഡ് സിഇ 2 5ജി സ്മാർട്ട്ഫോണിന്റെ ലൈറ്റ് വേർഷൻ പുറത്തിറക്കാനും ബ്രാൻഡ് ആലോചിക്കുന്നുണ്ടെന്ന് ചില റിപ്പോർട്ടുകൾ പറയുന്നു. വൺപ്ലസ് നോർഡ് സിഇ 2 ലൈറ്റ് 5ജി എന്ന പേരിലായിരിക്കും ഈ ഡിവൈസുകൾ വരുന്നതെന്നും റിപ്പോർട്ടുകൾ പറയുന്നു. സ്മാർട്ട്‌ഫോണിന്റേതെന്ന പേരിൽ ചില സവിശേഷതകളും ഓൺലൈനിൽ വെളിപ്പെടുത്തിയിട്ടുണ്ട്. 20,000 രൂപയിൽ കുറഞ്ഞ വിലയിൽ വരുന്ന ആദ്യ നോർഡ് സീരീസ് സ്മാർട്ട്ഫോൺ ആയിരിക്കും ഇതെന്നും കരുതപ്പെടുന്നു. ജൂലൈ മാസത്തിന് ശേഷം രാജ്യത്ത് ഈ സ്മാർട്ട്ഫോൺ ലോഞ്ച് ചെയ്യുമെന്നും സൂചനയുണ്ട്.