ഒരു വർഷം പഴയതാണെന്നുകരുതി പുലി പുലിയല്ലാതാകുമോ! ഈ കിടിലൻ വൺപ്ലസ് ഫോണിന് 6000 രൂപ ഡിസ്കൗണ്ട്

പുതിയ മോഡലുകൾ എത്തുമ്പോൾ മുൻ മോഡലുകൾക്ക് വിലകുറയുന്നത് സ്മാർട്ട്ഫോൺ വിപണിയിൽ സാധാരണമാണ്. അ‌തേരീതിയിൽ ഇപ്പോൾ വൺപ്ലസിന്റെ നോർഡ് സിഇ 3 5ജിക്ക് ആമസോണിൽ വിലകുറഞ്ഞിരിക്കുന്നു. 26,999 രൂപ പ്രാരംഭ വിലയിൽ ഇന്ത്യയിൽ ലോഞ്ച് ചെയ്ത ഈ ഫോൺ ആമസോണിൽനിന്ന് ഇപ്പോൾ 20,990 രൂപയ്ക്ക് വാങ്ങാം.

വൺപ്ലസ് 2023ൽ ഇന്ത്യയിൽ അ‌വതരിപ്പിച്ച മോഡലാണ് വൺപ്ലസ് നോർഡ് സിഇ 3 5ജി (OnePlus Nord CE 3 5G). ഇപ്പോൾ ഏതാനും ആഴ്ചകൾക്ക് മുൻപ് വൺപ്ലസ് നോർഡ് സിഇ 4 ഇന്ത്യയിൽ അ‌വതരിപ്പിക്കുകയുണ്ടായി. അ‌തോടെയാണ് മുൻഗാമിയായാ നോർഡ് 3യുടെ വില കുറഞ്ഞിരിക്കുന്നത്.

വൺപ്ലസ് നോർഡ് സിഇ 3 ആമസോണിൽ ഇപ്പോൾ 15 ശതമാനം ഡിസ്കൗണ്ടിൽ 22,999 രൂപയ്ക്കാണ് ലിസ്റ്റ് ചെയ്തിരിക്കുന്നത്. അ‌തായത് ഒറിജിനൽ വിലയെക്കാൾ 4000 രൂപ ഡിസ്കൗണ്ടിൽ ലിസ്റ്റ്​ ചെയ്തിരിക്കുന്നു. ഇത് കൂടാതെ ബാങ്ക് ഓഫറും ഉണ്ട്. ഐസിഐസിഐ ബാങ്ക് കാർഡ് ഉപയോഗിച്ച് പർച്ചേസ് നടത്തിയാൽ 2000 രൂപ ഫ്ലാറ്റ് ഡിസ്കൗണ്ട് ലഭിക്കും.

ബാങ്ക് ഓഫർ വഴി ലഭ്യമാകുന്ന ഫ്ലാറ്റ് ഡിസ്കൗണ്ട് കൂടി ചേരുമ്പോഴാണ് വൺപ്ലസ് നോർഡ് സിഇ 3 ആമസോണിൽ നിന്ന് 6000 രൂപ വിലക്കുറവിൽ വാങ്ങാൻ സാധിക്കുക. ഒരു വർഷം മുൻപ് പുറത്തിറങ്ങിയ ഫോൺ ആണെങ്കിലും ഇപ്പോൾ 20000 രൂപ വിലയിൽ ലഭ്യമാകുന്നതിനാൽ വൺപ്ലസ് നോർഡ് സിഇ 3 5ജി നഷ്ടക്കച്ചവടമാകില്ല.

അ‌തേസമയം വൺപ്ലസ് നോർഡ് സിഇ 4 ഇന്ത്യയിൽ 24,999 രൂപയ്ക്ക് ലഭ്യമാകും എന്ന കാര്യം കൂടി അ‌റിഞ്ഞുവയ്ക്കുക. അ‌തായത് നോർഡ് സിഇ 3 വാങ്ങുന്നതിനെക്കാൾ കുറച്ചുകൂടി തുക മുടക്കുകയാണ് എങ്കിൽ ഏറ്റവും ലേറ്റസ്റ്റ് മോഡൽ തന്നെ സ്വന്തമാക്കാൻ സാധിക്കും. ഇത് കൂടാതെ ബാങ്ക് ഓഫറുകളും കാണും.

മിഡ് റേഞ്ചിൽ ​ദൈനംദിന ആവശ്യങ്ങൾക്കായി ഒരു സ്മാർട്ട്ഫോൺ തേടുന്നവരുടെ ആവശ്യങ്ങൾ നിറവേറ്റാൻ വൺപ്ലസ് നോർഡ് സിഇ 3യ്ക്ക് ഇപ്പോഴും ശക്തനായ ഫോൺ ആണ്. സ്‌നാപ്ഡ്രാഗൺ 782G ചിപ്സെറ്റ് കരുത്തിൽ എത്തുന്ന ഈ 5ജി സ്മാർട്ട്ഫോൺ ക്യാമറ, ഡിസ്പ്ലേ അ‌ടക്കമുള്ള കാര്യങ്ങളിലും നിലവിലെ വിലയ്ക്ക് മറ്റ് ഫോണുകളോട് കിടപിടിക്കുന്നുണ്ട്.

​വൺപ്ലസ് നോർഡ് സിഇ 3 5ജിയുടെ ഫീച്ചറുകൾ: 6.7 ഇഞ്ച് ഫുൾ-HD+ ഫ്ലൂയിഡ് AMOLED ഡിസ്പ്ലേ, 120Hz വരെ റിഫ്രഷ് റേറ്റ്, അഡ്രിനോ 642 എൽ ജിപിയുവും 12 ജിബി വരെ എൽപിഡിഡിആർ 4 എക്സ് റാമും ഉള്ള ഒക്ടാ കോർ ക്വാൽകോം സ്‌നാപ്ഡ്രാഗൺ 782 ജി ചിപ്‌സെറ്റ്, 256GB സ്റ്റോറേജ്.

ഒഐഎസ്, ഇഐഎസ് പിന്തുണയുള്ള, 1/1.56-ഇഞ്ച് സോണി IMX890 സെൻസറും 8 മെഗാപിക്സൽ സോണി IMX355 അൾട്രാ വൈഡ് ആംഗിൾ ക്യാമറയും 2 മെഗാപിക്സൽ 4cm മാക്രോ ലെൻസും ഉൾപ്പെടുന്ന ട്രിപ്പിൾ റിയർ ക്യാമറ, സെൽഫികൾക്കായി, 16 മെഗാപിക്സലിന്റെ ഫ്രണ്ട് ക്യാമറ, ഇൻ-ഡിസ്‌പ്ലേ ഫിംഗർപ്രിന്റ് സ്കാനർ, 80W SuperVOOC ചാർജിംഗിനുള്ള പിന്തുണയുള്ള 5,000mAh ബാറ്ററി.

5G, 4G LTE, Wi-Fi, ബ്ലൂടൂത്ത് 5.2, NFC, GPS, A-GPS, യുഎസ്ബി ടൈപ്പ്-സി പോർട്ട്, ആക്സിലറോമീറ്റർ, ആംബിയന്റ് ലൈറ്റ് സെൻസർ, ഇ-കോമ്പസ്, ഐആർ ബ്ലാസ്റ്റർ, ഗൈറോസ്കോപ്പ്, പ്രോക്സിമിറ്റി സെൻസർ, ടെമ്പറേച്ചർ സെൻസർ എന്നിവയാണ് വൺപ്ലസ് നോർഡ് സിഇ 3 5ജിയിലെ പ്രധാന ഫീച്ചറുകൾ.