വൺപ്ലസ് നോർഡ് സിഇ 3 ​ലൈറ്റ് 5ജിയുടെ വില പാതാളത്തിലേക്ക്! പുതിയ ഡിസ്കൗണ്ട് എത്തി

20000 രൂപയിൽ താഴെ വിലയിൽ വാങ്ങാൻ ലഭ്യമായിട്ടുള്ള 5ജി സ്മാർട്ട്ഫോണുകളിൽ ഏറ്റവും മികച്ച ഓപ്ഷനാണ് വൺപ്ലസ് നോർഡ് സിഇ 3 ​ലൈറ്റ് 5ജി (OnePlus Nord CE 3 Lite 5G). ബെസ്റ്റ് സെല്ലിങ് സ്മാർട്ട്ഫോൺ എന്നാണ് ഈ സ്മാർട്ട്ഫോണിനെ പ്രമുഖ ഇ-കൊമേഴ്സ് ​സൈറ്റുകൾ വിശേഷിപ്പിക്കുന്നത്.

കഴിഞ്ഞ വർഷം വൺപ്ലസ് പുറത്തിറക്കിയ മികച്ച സ്മാർട്ട്ഫോണുകളിൽ ​ഒന്നായ വൺപ്ലസ് നോർഡ് സിഇ 3 ​ലൈറ്റ് 5ജിയുടെ 8 ജിബി റാം+ 128 ജിബി സ്റ്റോറേജ് വേരിയന്റ് 19,999 രൂപ വിലയിലാണ് ഇന്ത്യയിൽ അ‌വതരിപ്പിക്കപ്പെട്ടത്. ഇപ്പോഴും പല ഓൺ​ലൈൻ പ്ലാറ്റ്ഫോമുകളും ഈ ഫോൺ വിൽക്കുന്നതും ഇതേവിലയിലാണ്.

എന്നാൽ ഫ്ലിപ്പ്കാർട്ട് ഇപ്പോൾ വൺപ്ലസ് നോർഡ് സിഇ 3 ​ലൈറ്റ് 5ജിയുടെ 8 ജിബി റാം+ 128 ജിബി സ്റ്റോറേജ് വേരിയന്റ് 18,961 രൂപയ്ക്ക് ലിസ്റ്റ് ചെയ്തിരിക്കുന്നു. ഇതിന് പുറമേ വിവിധ ബാങ്ക് ഓഫറുകളും ലഭ്യമാക്കിയിട്ടുണ്ട്. അ‌തിനാൽത്തന്നെ ഈ സ്മാർട്ട്ഫോൺ ഇപ്പോൾ ഏകദേശം 2000 രൂപ വിലക്കുറവിൽ സ്വന്തമാക്കാൻ സാധിക്കുന്നു.

കഴിഞ്ഞ മാസവും ഈ മാസവുമായി ധാരാളം 5ജി ഫോണുകൾ ഇന്ത്യയിൽ വിൽപ്പനയ്ക്ക് എത്തുകയുണ്ടായി. അ‌വയിൽ പലതും 15000 രൂപയിൽ താഴെ വിലയിലാണ് എത്തിയത്. 15000-20000 രൂപ വില വിഭാഗത്തിൽ ഇപ്പോഴും മികച്ച ഓപ്ഷനായി വൺപ്ലസ് നോർഡ് സിഇ 3 ​ലൈറ്റ് 5ജി തുടരുന്നു.

ഫ്ലിപ്പ്കാർട്ടിന്റെ എതിരാളിയായ ആമസോണിലും വൺപ്ലസ് നോർഡ് സിഇ 3 ​ലൈറ്റ് 5ജി ലഭ്യമാണ്. 19,999 രൂപ വിലയിലാണ് ആമസോൺ ഈ ഫോണിന്റെ പ്രാരംഭ വേരിയന്റ് ലിസ്റ്റ് ചെയ്തിരിക്കുന്നത്. 1000 രൂപ ബാങ്ക് ഡിസ്കൗണ്ട് ലഭ്യമാകുമ്പോൾ പോലും 18,999 രൂപ വില നൽകേണ്ടിവരും.

ആമസോൺ ബാങ്ക് ഓഫർ സഹിതം നൽകുന്നതിനെക്കാൾ താഴ്ന്ന വിലയിലാണ് ( 18,961 രൂപയ്ക്ക് ) ഫ്ലിപ്പ്കാർട്ട് ഇപ്പോൾ ഈ ഫോൺ ലിസ്റ്റ് ചെയ്തിരിക്കുന്നത്. ബാങ്ക് ഡിസ്കൗണ്ട് കൂടി ചേരുമ്പോൾ ഫ്ലിപ്പ്കാർട്ടിൽ വൺപ്ലസ് നോർഡ് സിഇ 3 ​ലൈറ്റ് 5ജിയുടെ വില വീണ്ടും കുറയുന്നു.

ഈ ഫോൺ ലഭ്യമാകുന്ന ഏറ്റവും കുറഞ്ഞ വിലയാണ് ഇത് എന്ന് കരുതരുത്. വിവിധ ഓഫർ സെയിലുകളും മറ്റും പ്രഖ്യാപിക്കുന്ന സമയത്ത് വൺപ്ലസ് നോർഡ് സിഇ 3യുടെ വിലയിൽ ഡിസ്കൗണ്ട് ഉണ്ടാകാറുണ്ട്. അ‌തോടൊപ്പം ബാങ്ക് ഓഫറുകളും ലഭ്യമാകാറുണ്ട്. ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിലിൽ ഈ ഫോൺ 17,499 രൂപയ്ക്ക് ലഭ്യമായിരുന്നു എന്നതും ഇവിടെ ഓർക്കേണ്ടതുണ്ട്.

വൺപ്ലസ് നോർഡ് സിഇ 3 ​ലൈറ്റ് 5ജിയുടെ പ്രധാന ഫീച്ചറുകൾ: ക്വാൽക്കോം സ്നാപ്ഡ്രാഗൺ 695 പ്രോസസറാണ് ഈ ഫോണിന്റെ കരുത്ത്. 6.72-ഇഞ്ച് LCD ഡിസ്‌പ്ലേ 120Hz റിഫ്രഷ് റേറ്റ് സഹിതം എത്തുന്നു. 8GB LPDDR4x റാം+ 128GB UFS 2.2 സ്റ്റോറേജ്, 8GB LPDDR4x റാം+ 256GB സ്റ്റോറേജ് എന്നിങ്ങനെ രണ്ട് വേരിയന്റുകളിൽ ലഭ്യമാകും.

സാംസങ് HM6 സെൻസർ പിന്തുണയിൽ എത്തുന്ന 108 മെഗാപിക്സൽ പ്രൈമറി ക്യാമറയും 2 മെഗാപിക്സൽ ഡെപ്ത് സെൻസറും 2 മെഗാപിക്സൽ മാക്രോ ലെൻസും അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണമാണ് ഇതിലുള്ളത്. ഫ്രണ്ടിൽ സെൽഫികൾക്കും വീഡിയോ കോളുകൾക്കുമായി 16 മെഗാപിക്സൽ ക്യാമറ നൽകിയിരിക്കുന്നു.

67W SUPERVOOC ചാർജിങ് പിന്തുണയുള്ള 5000mAh ബാറ്ററിയാണ് നോർഡ് സിഇ 3 ​ലൈറ്റ് 5ജിയിലുള്ളത്. 80W ഫാസ്റ്റ് ചാർജറുമായി ബോക്‌സ് എത്തുന്നു. 20000 രൂപയിൽ താഴെ വിലയിലാണ് എത്തുന്നത് എങ്കിലും, വേഗമേറിയതും സുഗമവുമായ അനുഭവം' നൽകുന്നതിൽ വൺപ്ലസിനുള്ള വിരുത് വൺപ്ലസ് നോർഡ് സിഇ 3 ​ലൈറ്റ് 5ജിയിലും കാണാം.