മികച്ച സവിശേഷതകളുമായി വൺപ്ലസ് നോർഡ് എൻ 200 5 ജി സ്മാർട്ഫോൺ അവതരിപ്പിച്ചു

വൺപ്ലസ് നോർഡ് എൻ200 5 ജി സ്മാർട്ഫോണിൻറെ സവിശേഷതകൾ

1080 x 2400 പിക്‌സൽ ഫുൾ എച്ച്ഡി + റെസല്യൂഷനും 90 ഹെർട്സ് റിഫ്രഷ് റേറ്റും, വൺപ്ലസ് നോർഡ് എൻ 200 5 ജിയിയുടെ 6.80 ഇഞ്ച് ഐപിഎസ് എൽസിഡി ഡിസ്‌പ്ലേയിൽ നൽകിയിട്ടുണ്ട്. 4 ജിബി എൽപിഡിഡിആർ 4 എക്‌സ് റാമും 64 ജിബി യുഎഫ്എസ് 2.1 സ്റ്റോറേജുമായി ജോടിയാക്കിയ സ്നാപ്ഡ്രാഗൺ 480 SoC പ്രോസസറാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. ആൻഡ്രോയിഡ് 11 അടിസ്ഥാനമാക്കിയുള്ള ഓക്സിജൻ ഓപ്പറേറ്റിംഗ് സിസ്റ്റത്തിലാണ് നോർഡ് എൻ 200 പ്രവർത്തിപ്പിക്കുന്നത്.

ട്രൻഡിങ് സ്മാർട്ട്ഫോണുകളിൽ വൺപ്ലസ് ഒന്നാം സ്ഥാനത്ത്, പിടി വിടാതെ റെഡ്മിയും പോക്കോയും

 

വൺപ്ലസ് നോർഡ് എൻ200 5 ജി സ്മാർട്ഫോണിൻറെ ക്യാമറ സവിശേഷതകൾ

18W ചാർജിംഗ് സാങ്കേതികവിദ്യയെ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയാണ് ഇതിലുള്ളത്. 13 എംപി പ്രധാന ക്യാമറ, 2 എംപി മാക്രോ ക്യാമറ, 2 എംപി മോണോക്രോം സെൻസർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സംവിധാനമാണ് എൻ 200 5 ജിയിൽ നൽകിയിട്ടുള്ളത്. മുൻവശത്ത്, 16 എംപി ക്യാമറയുണ്ട്. എച്ച്ഡിആർ, മാക്രോ, പോർട്രെയിറ്റ് മോഡ്, എഐ സീൻ ഡിറ്റക്ഷൻ, നൈറ്റ്സ്കേപ്പ്, ടൈംലാപ്സ്, സ്ലോ മോഷൻ എന്നിവയും ക്യാമറ സവിശേഷതകളിൽ ഉൾപ്പെടുന്നു. ഡ്യുവൽ സിം സപ്പോർട്ട്, 5 ജി, ഡ്യുവൽ-ബാൻഡ് ജിപിഎസ്, എൻ‌എഫ്‌സി, 3.5 എംഎം ഹെഡ്‌ഫോൺ ജാക്ക് എന്നിവ സുരക്ഷയ്ക്കും, കണക്റ്റിവിറ്റി ഓപ്ഷനുകൾക്കുമായി സൈഡ് മൗണ്ട് ചെയ്ത ഫിംഗർപ്രിന്റ് സ്കാനറും ഈ സ്മാർട്ട്ഫോണിൻറെ സവിശേഷതകളാണ്.

വൺപ്ലസ് നോർഡ് എൻ200 5 ജിയുടെ വിലയും ലഭ്യതയും

വൺപ്ലസ് നോർഡ് എൻ 200 5 ജിക്ക് 4 ജിബി റാം, 64 ജിബി സ്റ്റോറേജ് മോഡലിന് 239.99 ഡോളർ (ഏകദേശം 17,595 രൂപ) വില വരുന്നു. ഓഫർ ചെയ്യുന്നതിന് മറ്റൊരു സ്റ്റോറേജ് മോഡലും ഇതിന് ഉണ്ടാവാം. കൂടാതെ, പ്രീ-ഓർഡറിനായി ജൂൺ 25 മുതൽ രാത്രി 09:30 മണി വരെ ലഭ്യമാണ്. അതിനാൽ, വൺപ്ലസ് എൻ 10 5 ജിക്ക് ശേഷം വൺപ്ലസിൽ നിന്നുള്ള ഏറ്റവും താങ്ങാനാവുന്ന 5 ജി സ്മാർട്ഫോണാണ് വൺപ്ലസ് നോർഡ് എൻ200.

വൺപ്ലസ് നോർഡ് എൻ200 5 ജിയുടെ വിലയും ലഭ്യതയും

വൺപ്ലസ് നോർഡ് എൻ200 5 ജി സ്മാർട്ഫോൺ ഇന്ത്യയിൽ

വൺപ്ലസ് നോർഡ് എൻ 200 ൻറെ മുൻഗാമിയായ നോർഡ് എൻ 100 പോലെ ഇന്ത്യൻ വിപണിയിൽ അവതരിപ്പിക്കില്ലെന്ന് വൺപ്ലസ് സ്ഥിരീകരിച്ചിട്ടുണ്ട്. ഇന്ത്യയിൽ നിന്നും ഈ ബ്രാൻഡിൽ നിന്ന് ഏറ്റവും താങ്ങാനാവുന്ന സ്മാർട്ട്‌ഫോണാണ് വൺപ്ലസ് നോർഡ് സിഇ 5 ജി. ഇന്ന് ഈ വൺപ്ലസ് നോർഡ് സിഇ 5 ജി സ്മാർട്ഫോണിൻറെ ആദ്യ വിൽപ്പന നടക്കും. എന്നാൽ, ബ്രാൻഡിന് നോർഡ് 2 രാജ്യത്ത് അവതരിപ്പിക്കാൻ കഴിയും, ഇത് റിയൽ‌മി എക്‌സ് 9 പ്രോയുടെ റീബ്രാൻഡഡ്‌ എഡിഷനാണെന്ന് പറയപ്പെടുന്നു.