ഓപ്പോ എ 15 എസിൻറെ പോസ്റ്റർ ഡിസൈൻ, സവിശേഷതകൾ എന്നിവ വെളിപ്പെടുത്തി: നിങ്ങൾ അറിയേണ്ടതെല്ലാം

ഓപ്പോ എ 15 എസ്: പ്രതീക്ഷിക്കുന്ന സവിശേഷതകൾ

ഓപ്പോ എ 15 എസിൻറെ അഭ്യൂഹങ്ങൾ അനുസരിച്ച്, ചോർന്ന പോസ്റ്റർ കാണിക്കുന്നത് 6.52 ഇഞ്ച് എച്ച്ഡി + ഐപിഎസ് എൽസിഡി ഡിസ്പ്ലേയോടെ 1600 x 720 പിക്‌സൽ റെസല്യൂഷനോടുകൂടിയ സ്മാർട്ട്‌ഫോൺ എത്തിയേക്കാമെന്നാണ്. റാമിലും സ്റ്റോറേജിലും ശ്രദ്ധേയമായ വ്യത്യാസങ്ങൾ വരുന്ന സ്റ്റാൻഡേർഡ് ഓപ്പോ എ 15ന് ഇത് തികച്ചും സമാനമാണെന്ന് തോന്നുന്നു.

സ്റ്റാൻഡേർഡ് ഓപ്പോ എ 15ന് 2 ജിബി റാം അല്ലെങ്കിൽ 3 ജിബി റാം, 32 ജിബി ഇന്റേണൽ സ്റ്റോറേജ് സ്‌പേസ് എന്നിവയുണ്ടെങ്കിലും വരാനിരിക്കുന്ന ഓപ്പോ എ 15 എസിന് 4 ജിബി റാമും 64 ജിബി സ്റ്റോറേജും വരുമെന്ന് സൂചനയുണ്ട്. വാനില വേരിയൻറ് ഉപയോഗിക്കുന്ന ഹെലിയോ പി 35 നേക്കാൾ താരതമ്യേന കൂടുതൽ ശക്തമായ മീഡിയടെക് ചിപ്‌സെറ്റാകും ഇതിൽ ഉപയോഗിക്കുക. എന്നാൽ, ഇത് കമ്പനി ഔദ്യോഗികമായി ഇതുവരെ സ്ഥിരീകരിച്ചിട്ടില്ല.

കൂടാതെ, ചോർന്ന പോസ്റ്റർ സൂചിപ്പിക്കുന്നത് ഓപ്പോ എ 15 എസിന് വരുന്ന ക്യാമറ സവിശേഷതകൾ വാനില വേരിയന്റിൽ ഉള്ളതുപോലെയാണ്. ഇത് ശരിയാണെങ്കിൽ, അത് 13 എംപി പ്രൈമറി സെൻസർ, 2 എംപി മാക്രോ ലെൻസ്, 2 എംപി ഡെപ്ത് സെൻസർ എന്നിവ പുതിയ ഓപ്പോ ഹാൻഡ്‌സെറ്റിൽ വരുന്നു. കൂടാതെ, 5 എംപി സെൽഫി ക്യാമറ സെൻസർ സ്ഥാപിക്കാൻ സ്‌ക്രീനിൽ വാട്ടർ ഡ്രോപ്പ് നോച്ച് ഉണ്ടാകും. 4230 എംഎഎച്ച് ബാറ്ററിയിൽ നിന്നാണ് ഈ ഹാൻഡ്‌സെറ്റിന് ചാർജ് ലഭിക്കുന്നത്.

ഓപ്പോ എ 15 എസ്: പ്രതീക്ഷിക്കുന്ന വില

നിലവിൽ, വരാനിരിക്കുന്ന ഓപ്പോ എ 15 എസിൻറെ ലോഞ്ച് തീയതി, വില, ലഭ്യത എന്നിവയെക്കുറിച്ച് ഇതുവരെ ഔദ്യോഗികമായി വെളിപ്പെടുത്തിയിട്ടില്ല. ഇത് വാനില വേരിയന്റിന് സമാനമാണെന്നതിനാൽ, അതിന്റെ വില ഏകദേശം ഇന്ത്യയിൽ 10,990 രൂപയായിരിക്കുമെന്ന് പ്രതീക്ഷിക്കാം. കൂടാതെ, തിരഞ്ഞെടുത്ത ബാങ്ക് കാർഡുകൾ ഉപയോഗിച്ച് ഈ ഹാൻഡ്‌സെറ്റ് വാങ്ങുന്നവർക്ക് 5% ക്യാഷ്ബാക്ക് ലഭിക്കുന്നതാണ്.