മീഡിയടെക് ഡൈമെൻസിറ്റി 720 ചിപ്‌സെറ്റുമായി ഓപ്പോ എ 53 5 ജി അവതരിപ്പിച്ചു: വില, സവിശേഷതകൾ

ഓപ്പോ എ 53 5 ജി: വില

ജെഡി ഡോട്ട് കോമിലെ ലിസ്റ്റിംഗ് അനുസരിച്ച്, ഓപ്പോ എ 53 5 ജിക്ക് 4 ജിബി + 128 ജിബി കോൺഫിഗറേഷന് സിഎൻ‌വൈ 1,299 (ഏകദേശം 14,600 രൂപ) ആണ് വില വരുന്നത്. എന്നാൽ 6 ജിബി + 128 ജിബി കോൺഫിഗറേഷനിൽ വരുന്ന വേരിയന്റിന്റെ വില കമ്പനി ഇതുവരെ വ്യക്തമാക്കിയിട്ടില്ല. ഓപ്പോ എ 53 5 ജി ഡിസംബർ 22 മുതൽ ചൈനയിൽ വിൽപ്പനയ്‌ക്കെത്തുമ്പോൾ ലേക് ഗ്രീൻ, സീക്രട്ട് നൈറ്റ് ബ്ലാക്ക്, സ്ട്രീമർ പർപ്പിൾ തുടങ്ങിയ മൂന്ന് കളർ ഓപ്ഷനുകളിൽ വിപണിയിൽ ലഭ്യമാകും. ഓപ്പോ എ 53 5 ജി ഇ-കൊമേഴ്‌സ് പ്ലാറ്റ്‌ഫോമിൽ മുൻകൂട്ടി ഓർഡറുകൾ ചെയ്യാവുന്നതാണ്.

ഓപ്പോ എ 53 5 ജി: സവിശേഷതകൾ

ആൻഡ്രോയിഡ് 10 നെ അടിസ്ഥാനമാക്കി ColorOS 7.2 പ്ലാറ്റ്‌ഫോമിലാണ് ഓപ്പോ എ 53 5 ജി പ്രവർത്തിപ്പിക്കുന്നത്. ഇതിൽ 6.5 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഡിസ്‌പ്ലേ, 90.5 ശതമാനം സ്‌ക്രീൻ-ടു-ബോഡി റേഷിയോ, 90Hz റിഫ്രഷ് റേറ്റ്, 120Hz ടച്ച് സാമ്പിൾ റേറ്റ് എന്നിവ ഉൾപ്പെടുന്നു. ഇതിന് 405 പിപി പിക്സൽ ഡെൻസിറ്റിയും 480 നിറ്റ് പീക്ക് ബറൈറ്നെസ്സുമുണ്ട്. ഓഗസ്റ്റിൽ വീണ്ടും അവതരിപ്പിച്ച 4 ജി വേരിയന്റിൽ നിലവിലുള്ള സ്നാപ്ഡ്രാഗൺ 460 പ്രോസസറിന് പകരം ഒപ്ടോ കോർ മീഡിയാ ഡൈമെൻസിറ്റി 720 (എംടി 6853 വി) SoC പ്രോസസറാണ് ഓപ്പോ എ 53 5 ജിക്ക് കരുത്തേകുന്നത്. 5 ജി വേരിയന്റിൽ 6 ജിബി റാമുണ്ട്.

ഓപ്പോ എ 53 5 ജി: ക്യാമറ സവിശേഷതകൾ

എഫ് / 2.2 ലെൻസുള്ള 16 മെഗാപിക്സൽ പ്രൈമറി സെൻസർ, എഫ് / 2.4 ലെൻസുള്ള 2 മെഗാപിക്സൽ മാക്രോ ഷൂട്ടർ, എഫ് / 2.4 ലെൻസുള്ള 2 മെഗാപിക്സൽ പോർട്രെയിറ്റ് സെൻസർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സെറ്റപ്പാണ് ഈ 5 ജി വേരിയന്റ് ഫോണിന്റെ പ്രധാന സവിശേഷത. മുൻവശത്ത് എഫ് / 2.0 ലെൻസുള്ള 8 മെഗാപിക്സൽ സെൻസറും വരുന്നു.

128 ജിബി ഓൺ‌ബോർഡ് സ്റ്റോറേജുമായി വരുന്ന ഓപ്പോ എ 53 5 ജിയിൽ സ്റ്റോറേജ് എക്സ്പാൻഡ് ചെയ്യുവാൻ കഴിയില്ല. 5 ജി, ഡ്യുവൽ-ബാൻഡ് വൈ-ഫൈ 802.11 എ / ബി / ജി / എൻ / എസി, ബ്ലൂടൂത്ത് 5.1, ജിപിഎസ് / എ-ജിപിഎസ്, ഗ്ലോനാസ്, 3.5 എംഎം ഹെഡ്‌ഫോൺ ജാക്ക്, ചാർജിംഗിനായി യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺബോർഡിലെ സെൻസറുകളിൽ ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ആക്‌സിലറോമീറ്റർ, ഗ്രാവിറ്റി സെൻസർ, ഗൈറോസ്‌കോപ്പ് എന്നിവ ഉൾപ്പെടുന്നു. ഈ ഹാൻഡ്‌സെറ്റിൽ ഫിംഗർപ്രിന്റ് സ്കാനറും നൽകിയിരിക്കുന്നു. 10W ചാർജിംഗ്‌ സപ്പോർട്ടുള്ള 4,040 എംഎഎച്ച് ബാറ്ററിയാണ് ഓപ്പോ എ 53 5 ജിയിൽ വരുന്നത്. ഓപ്പോ എ 53 5 ജി ഹാൻഡ്‌സെറ്റിന് 175 ഗ്രാം ഭാരമാണ് വരുന്നത്.