ഓപ്പോ എ 53 5 ജി സ്മാർട്ഫോണിൻറെ സവിശേഷതകൾ ചോർന്നു: നിങ്ങൾക്ക് അറിയേണ്ടതെല്ലാം

ചൈന ടെലികോമിന്റെ ലിസ്റ്റിംഗ് പ്രകാരം, മോഡൽ നമ്പറായ പിഇസിഎം 30യും ഓപ്പോ എ 53 5 ജി എന്ന സ്മാർട്ട്‌ഫോണും ഡിസംബർ ഒന്നിന് ചൈനയിൽ വിപണിയിലെത്തും. ഇതേ നമ്പർ മോഡൽ വരുന്ന മറ്റൊരു സ്മാർട്ട്ഫോണും ഇതിനുമുമ്പ് ടെനയിൽ കണ്ടെത്തിയിരുന്നു. കൂടാതെ, ഈ മാസം ആദ്യം ഇത് ഗീക്ക്ബെഞ്ചിലും കണ്ടെത്തിയിരുന്നു. ഈ സ്മാർട്ട്ഫോണിന്റെ നിലനിൽപ്പിനെക്കുറിച്ച് ഔദ്യോഗിക സ്ഥിരീകരണമൊന്നും ഇതുവരെ വന്നിട്ടില്ല. ട്രിപ്പിൾ റിയർ ക്യാമറകളും ക്വാൽകോം സ്‌നാപ്ഡ്രാഗൺ 460 SoC പ്രോസസറും ഉപയോഗിച്ച് ഇന്ത്യയിൽ എ 53 2020 അടുത്തിടെ ഓപ്പോ പുറത്തിറക്കിയിരുന്നു.

ഓപ്പോ എ 53 5 ജി: വില, ലഭ്യത

ഓപ്പോ എ 53 5 ജി ഡിസംബർ 1 മുതൽ ചൈനയിൽ രണ്ട് വേരിയന്റുകളിൽ ലഭ്യമാകുമെന്ന് ലിസ്റ്റിംഗ് സൂചിപ്പിക്കുന്നു. 4 ജിബി റാം + 128 ജിബി സ്റ്റോറേജ് വേരിയന്റിന് സി‌എൻ‌വൈ 1599 (ഏകദേശം 18,000 രൂപ), 6 ജിബി റാം + 128 ജിബി സ്റ്റോറേജ് വേരിയന്റിന് സി‌എൻ‌വൈ 1799 (ഏകദേശം 20,200 രൂപ) വില വരുന്നത്.

ഓപ്പോ എ 53 5 ജി: സവിശേഷതകൾ

ആൻഡ്രോയിഡ് 10 അടിസ്ഥാനമാക്കിയുള്ള കളർ ഓപ്പറേറ്റിംഗ് സിസ്റ്റത്തിലാണ് ഓപ്പോ എ 53 5 ജി സ്മാർട്ഫോൺ പ്രവർത്തിക്കുന്നത്. ലിസ്റ്റിംഗ് അനുസരിച്ച്, 6.5 ഇഞ്ച് ഫുൾ എച്ച്ഡി + (1,080 x 2,400 പിക്‌സൽ) ടിഎഫ്ടി ഡിസ്‌പ്ലേ മുകളിൽ ഇടത് കോണിലായി ഒരു ഹോൾ-പഞ്ച് കട്ട്ഔട്ടിൽ വരുന്നു. 2.0 ഗിഗാഹെർട്സിൽ ക്ലോക്ക് ചെയ്ത മീഡിയടെക് ഡൈമെൻസിറ്റി 720 SoC പ്രോസസർ ഈ ഹാൻഡ്‌സെറ്റിൽ വരുന്നതായി കാണിക്കുന്നു. ഫോണിൻെ ഒരു വശത്തായി പവർ ബട്ടണിൽ ഫിംഗർപ്രിന്റ് സ്കാനർ ഉൾപ്പെടുത്തിയെന്ന് പറയുന്നു.

16 മെഗാപിക്സൽ പ്രൈമറി സെൻസറുള്ള ട്രിപ്പിൾ റിയർ ക്യാമറ സെറ്റപ്പിൽ രണ്ട് 2 മെഗാപിക്സൽ സെൻസറുകളുമായാണ് ഓപ്പോ എ 53 5 ജി വരുന്നത്. ഈ ക്യാമറകൾക്കൊപ്പം മുകളിൽ ഇടത് കോണിലായി സ്ഥിതിചെയ്യുന്ന സ്ക്വയർ ക്യാമറ മൊഡ്യൂളിൽ ഒരു എൽഇഡി ഫ്ലാഷ് ഉണ്ട്. സെൽഫികൾ പകർത്തുവാൻ ഫോണിൽ 2 മെഗാപിക്സൽ സ്‌നാപ്പർ ഉണ്ടെന്ന് പറയുന്നു. ഓപ്പോ എ 53 5 ജിയിൽ 4,000mAh ബാറ്ററിയാണ് വരുന്നതെന്ന് അഭ്യൂഹമുണ്ട്. ഫാസ്റ്റ് ചാർജിങ് ടെക്നോളജി ഇതിൽ വരുമോയെന്നതിനെ കുറിച്ച് ഇതുവരെ വിവരങ്ങളൊന്നുമില്ല. 5 ജി, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ലിസ്റ്റിംഗ് അനുസരിച്ച് 3.5 എംഎം ജാക്കും ഇതിലുണ്ട്.