ഓപ്പോ എ 53 സ്മാർട്ഫോൺ ഇപ്പോൾ 10,990 രൂപയ്ക്ക് ലഭ്യമാണ്: പുതിയ വിലയും, സവിശേഷതകളും

ഓപ്പോ എ 53 സ്മാർട്ഫോണിൻറെ സവിശേഷതകൾ

6.5 ഇഞ്ച് എച്ച്ഡി+ (720x1,600 പിക്‌സൽ) ഡിസ്‌പ്ലേയാണ് ഓപ്പോ എ53 2020 സ്മാർട്ട്ഫോണിൽ ഉള്ളത്. ഈ ഡിസ്പ്ലെയ്ക്ക് 90 ഹെർട്സ് റിഫ്രഷ് റേറ്റും 20: 9 അസ്പാക്ട് റേഷിയോവും ഉണ്ട്. രണ്ട് നാനോ സിം സ്ലോട്ടുകളുള്ള ഈ ഡിവൈസ് ആൻഡ്രോയിഡ് 10 ബേസ്ഡ് കളർ ഒ.എസ് 7.2ലാണ് പ്രവർത്തിക്കുന്നത്. 6 ജിബി റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 460 SoC പ്രോസസറാണ് കരുത്ത് നൽകുന്നത്.

ഓപ്പോ എ 53 സ്മാർട്ഫോണിൻറെ സവിശേഷതകൾ

മൂന്ന് ക്യാമറകളാണ് ഓപ്പോ എ53 സ്മാർട്ട്ഫോണിന്റെ പിൻവശത്ത് നൽകിയിട്ടുള്ളത്. ഇതിൽ 13 മെഗാപിക്സൽ പ്രൈമറി സെൻസറാണ് വരുന്നത്. ഇതിനൊപ്പം എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസറും എഫ് / 2.4 മാക്രോ ലെൻസുള്ള 2 മെഗാപിക്സൽ സെൻസറുമാണ് നൽകിയിട്ടുള്ളത്. സെൽഫികൾക്കും വീഡിയോ കോളുകൾക്കുമായി 16 മെഗാപിക്സൽ ഫ്രണ്ട് ക്യാമറയും നൽകിയിട്ടുണ്ട്. എഫ് / 2.0 ലെൻസാണ് സെൽഫി ക്യാമറയിൽ നൽകിയിട്ടുള്ളത്.

മുകളിൽ പറഞ്ഞിരിക്കുന്നതുപോലെ, ഓപ്പോ എ53 സ്മാർട്ട്ഫോൺ പുറത്തിറക്കിയിരിക്കുന്നത് 64 ജിബി, 128 ജിബി ഓൺ‌ബോർഡ് സ്റ്റോറേജ് ഓപ്ഷനുകളോടെയാണ്. ഈ സ്റ്റോറേജ് 256 ജിബി വരെ എക്സ്പാൻഡ് ചെയ്യുന്നതിനായി മൈക്രോ എസ്ഡി കാർഡ് സ്ലോട്ടും കമ്പനി നൽകിയിട്ടുണ്ട്. 4 ജി വോൾട്ട്, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളായി വരുന്നു. ഓപ്പോ എ 53 സ്മാർട്ട്ഫോണിൻറെ പിൻഭാഗത്ത് ഫിംഗർപ്രിന്റ് സെൻസറും കമ്പനി നൽകിയിട്ടുണ്ട്. മികച്ച ഓഡിയോയ്ക്കായി സ്റ്റീരിയോ സ്പീക്കറുകളുമായാണ് ഫോണിൽ നൽകിയിട്ടുള്ളത്. 18W ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിലുള്ളത്.