കുട്ടിക്കൊമ്പന്മാർ തമ്മിൽ മുട്ടി നോക്കിയാൽ..! അറിയാം ഈ അടിപൊളി ഡിവൈസുകളെക്കുറിച്ച്

ഷവോമിയുടെ റെഡ്മി നോട്ട് 11 സ്മാർട്ട്ഫോണും ഓപ്പോ എ55 സ്മാർട്ട്ഫോണും തമ്മിലാണ് നാം താരതമ്യം ചെയ്യുന്നത്. ഈ വർഷം ആദ്യമാണ് റെഡ്മി നോട്ട് 11 സീരീസ് സ്മാർട്ട്ഫോൺ ഇന്ത്യൻ വിപണിയിൽ എത്തിയത്. റെഡ്മി നോട്ട് 12 സീരീസും അധികം വൈകാതെ വിപണിയിൽ അവതരിപ്പിക്കപ്പെടും. കഴിഞ്ഞ വർഷം ഒക്ടോബറിലാണ് ഓപ്പോ എ55 ലോഞ്ച് ചെയ്തത്.

റെഡ്മി നോട്ട് 11 സ്മാർട്ട്ഫോണും ഓപ്പോ എ55 സ്മാർട്ട്ഫോണും 4ജി നെറ്റ്വർക്കുകൾക്ക് മാത്രമാണ് സപ്പോർട്ട് നൽകുന്നത്. 5ജി സപ്പോർട്ട് നൽകുന്ന സമാന സീരീസിലെ മറ്റ് സ്മാർട്ട്ഫോണുകളും വിപണിയിൽ ഉണ്ട്. ഏകദേശം സമാനമായ പ്രൈസ് ടാഗുകളുമായി വിപണിയിൽ എത്തിയ ഡിവൈസുകളായതിനാൽ ഏത് സെലക്റ്റ് ചെയ്യണമെന്ന് എല്ലാവർക്കും സംശയം തോന്നും. ഈ സംശയങ്ങൾ അകറ്റാൻ ഡിവൈസുകളുടെ വില, ഫീച്ചറുകൾ എന്നിവ താരതമ്യം ചെയ്ത് നോക്കാം.

വിശ്വസിച്ചാലും ഇല്ലെങ്കിലും ബിഎസ്എൻഎൽ 4ജി വരുമല്ലോ, വരണമല്ലോ, വരുത്തുമല്ലോ; നൽകിയത് 2570 കോടിയുടെ കരാർ

 

Oppo A55 Vs Redmi Note 11: ഡിസ്പ്ലെ ഫീച്ചറുകൾ

റെഡ്മി നോട്ട് 11 സ്മാർട്ട്ഫോണിൽ 6.4 ഇഞ്ച് അമോലെഡ് പാനലാണ് ഫീച്ചർ ചെയ്തിരിക്കുന്നത്. ഫുൾ എച്ച്ഡി പ്ലസ് റെസല്യൂഷന് ഒപ്പം 90 ഹെർട്സ് റിഫ്രഷ് റേറ്റും ഈ ഡിസ്പ്ലെയുടെ സവിശേഷതയാണ്. അതേ സമയം എൽസിഡി പാനലാണ് ഓപ്പോ എ55 സ്മാർട്ട്ഫോണിൽ നൽകിയിരിക്കുന്നത്. 720 X 1600 പിക്സൽ റെസല്യൂഷൻ ഉള്ള 6.5 ഇഞ്ച് ഐപിഎസ് എൽസിഡി ഡിസ്പ്ലെയാണ് ഇത്.

60 ഹെർട്സ് റിഫ്രഷ് റേറ്റും ഈ ഡിസ്പ്ലെയിൽ നൽകിയിരിക്കുന്നു. ഓപ്പോ എ55 സ്മാർട്ട്ഫോണിനെ അപേക്ഷിച്ച് കൂടുതൽ മികച്ച ഡിസ്പ്ലെയാണ് റെഡ്മി നോട്ട് 11 സ്മാർട്ട്ഫോൺ ഫീച്ചർ ചെയ്യുന്നത്. ഷവോമി ഡിവൈസിൽ അമോലെഡ് സ്ക്രീൻ ഉൾപ്പെടുത്തിയെന്നത് ശ്രദ്ധേയമാണ്. ഇത് 1080പി ഡിസ്പ്ലെയാണെന്നതും പ്രത്യേകതയാണ്.

ക്ഷമ കുറവുള്ളവർക്ക് കുതിച്ചുപായാം; ജയിക്കാനായ് ജനിച്ച ഐക്യൂ നിയോ 7 റേസിങ് സ്മാർട്ട്ഫോൺ ഇതാ

Oppo A55 Vs Redmi Note 11: പെർഫോമൻസ്

ഒക്ട കോർ ക്വാൽകോം സ്നാപ്പ്ഡ്രാഗൺ 680 എസ്ഒസിയാണ് റെഡ്മി നോട്ട് 11 സ്മാർട്ട്ഫോണിൽ നൽകിയിരിക്കുന്നത്. 6nm ഫാബ്രിക്കേഷൻ പ്രോസസിലാണ് ഈ പ്രോസസർ നിർമിച്ചിരിക്കുന്നതും. ഓപ്പോ എ55 സ്മാർട്ട്ഫോൺ ഒക്ട കോർ മീഡിയടെക്ക് ഹീലിയോ ജി35 ചിപ്പ്സെറ്റും പാക്ക് ചെയ്ത് വരുന്നു. കൂടുതൽ അറിയാൻ തു‍ടർന്ന് വായിക്കുക.

ഹീലിയോ ജി35 എസ്ഒസിയെ അപേക്ഷിച്ച് സ്നാപ്പ്ഡ്രാഗൺ 680 എസ്ഒസി കൂടുതൽ മികച്ച ചിപ്പ്സെറ്റ് ആണെന്നാണ് പൊതുവേയുള്ള വിലയിരുത്തൽ. റെഡ്മി നോട്ട് 11 സ്മാർട്ട്ഫോണും ഓപ്പോ എ55 സ്മാർട്ട്ഫോണും 4 ജിബി റാം, 6 ജിബി റാം ഓപ്ഷനുകളും 64 ജിബി, 128 ജിബി ഡിവൈസ് സ്റ്റോറേജ് ഓപ്ഷനുകളും നൽകുന്നുണ്ട്.

പുതിയ ഫോൺ വാങ്ങാനാണോ? നിൽക്ക്, നിൽക്ക്! 10,000 രൂപയിൽ താഴെ വിലയിൽ സ്മാർട്ട്ഫോണുമായി സാംസങ് എത്തുന്നു

Oppo A55 Vs Redmi Note 11: ക്യാമറ ഫീച്ചറുകൾ

ക്വാഡ് റിയർ ക്യാമറ സിസ്റ്റമാണ് റെഡ്മി നോട്ട് 11 സ്മാർട്ട്ഫോൺ ഫീച്ചർ ചെയ്യുന്നത്. 50 എംപി പ്രൈമറി സെൻസറാണ് ഈ റിയർ ക്യാമറ സെറ്റപ്പിന്റെ ഹൈലൈറ്റ്. 8 എംപി അൾട്ര വൈഡ് ആംഗിൾ ലെൻസ്, 2 എംപി മാക്രോ ലെൻസ്, 2 എംപി ഡെപ്ത് സെൻസർ എന്നിവയും ഡിവൈസിൽ ലഭ്യമാണ്. സെൽഫികൾക്കും വീഡിയോ കോളുകൾക്കുമായി 13 എംപി ഫ്രണ്ട് ഫേസിങ് ക്യാമറയും സ്മാർട്ട്ഫോൺ ഫീച്ചർ ചെയ്യുന്നു.

ട്രിപ്പിൾ റിയർ ക്യാമറ സിസ്റ്റമാണ് ഓപ്പോ എ55 സ്മാർട്ട്ഫോണിൽ നൽകിയിരിക്കുന്നത്. 50 എംപി പ്രൈമറി ക്യാമറയ്ക്കൊപ്പം 2 എംപി ഡെപ്ത് സെൻസർ, 2 എംപി മാക്രോ ലെൻസ് എന്നിവയും ഡിവൈസിൽ ലഭ്യമാണ്. പഞ്ച് ഹോൾ കട്ടൌട്ട് ഡിസ്പ്ലെയിൽ 16 എംപി സെൽഫി ക്യാമറയും നൽകിയിരിക്കുന്നു. ഓപ്പോ ഫോണിൽ വലിയ സെൽഫി ക്യാമറയുണ്ടെങ്കിലും റെഡ്മി ഡിവൈസിലെ ക്വാഡ് ക്യാമറ സെറ്റപ്പ് മികച്ച ഇമേജ് പ്രോസസിങ് ഓഫർ ചെയ്യുന്നു.

ഒന്നിലധികം ചാറ്റുകൾ ​ഒന്നിച്ച് 'കൈകാര്യം' ചെയ്യാനൊരുങ്ങി വാട്സ്ആപ്പ്

Oppo A55 Vs Redmi Note 11: ബാറ്ററി

5000 mAh ബാറ്ററിയാണ് രണ്ട് സ്മാർട്ട്ഫോണുകളും ഫീച്ചർ ചെയ്യുന്നത്. റെഡ്മി നോട്ട് 11-ൽ 33W ഫാസ്റ്റ് ചാർജിങ് സപ്പോർട്ട് നൽകിയിട്ടുണ്ട്. ഓപ്പോ എ55 സ്മാർട്ട്ഫോണിൽ 18W ചാർജിങ് സപ്പോർട്ടാണ് ലഭ്യമാക്കിയിട്ടുള്ളത്. രണ്ട് ഡിവൈസുകളും ഒരേ ബാറ്ററി കപ്പാസിറ്റിയുമായാണ് വരുന്നത്. അതിനാൽ തന്നെ യൂസർമാർക്ക് അനുസരിച്ച് ബാറ്ററി ലൈഫ് വ്യത്യാസപ്പെടും.

Oppo A55 Vs Redmi Note 11: വിലയിരുത്തൽ

രാജ്യത്ത് വ്യാപകമാകുന്ന 5ജി സേവനങ്ങൾ ഉപയോഗപ്പെടുത്താൻ ഈ രണ്ട് ഫോണുകൾ വാങ്ങുന്നവർക്കും സാധിക്കില്ല. എന്നാൽ 15,000 രൂപയിൽ താഴെ വില വരുന്ന സെഗ്മെന്റിൽ അത്യാവശ്യത്തിന് ഫീച്ചറുകളുമായാണ് ഈ ഡിവൈസുകൾ വരുന്നത്. സ്പെസിഫിക്കേഷനുകളും ഫീച്ചറുകളും കണക്കിലെടുക്കുമ്പോൾ മുൻതൂക്കം റെഡ്മി നോട്ട് 11 സ്മാർട്ട്ഫോണിന് തന്നെയാണ്.

വരുന്നൂ, കണ്ണുതള്ളിക്കുന്ന ക്യാമറക്കരുത്ത്; ഒപ്റ്റിക്കൽ ടെലിഫോട്ടോ സൂം ക്യാമറ മൊഡ്യൂൾ പ്രഖ്യാപിച്ച് എൽജി