വില 12499 രൂപ! 6500mAh ബാറ്ററിയുമായി ഓപ്പോയുടെ പുതിയ കരുത്തൻ; ഓപ്പോ A6x 5G ഇന്ത്യയിൽ ലോഞ്ച് ചെയ്തു

ഓപ്പോ തങ്ങളുടെ ബജറ്റ് സ്മാർട്ട്ഫോൺ നിരയിലേക്ക് ഒരു പുതിയ കരുത്തൻ സ്മാർട്ട്ഫോൺ കൂടി ചേർത്തിരിക്കുന്നു. ഓപ്പോയുടെ A സീരീസിലെ ഏറ്റവും പുതിയ സ്മാർട്ട്‌ഫോണും ഈ വർഷം ആദ്യം പുറത്തിറക്കിയ A5x 5G യുടെ പിൻഗാമിയുമായി പുതിയ ഓപ്പോ A6x (OPPO A6x 5G) ആണ് ഇന്ന് ഇന്ത്യയിൽ ലോഞ്ച് ചെയ്തിരിക്കുന്നത്. ബജറ്റ് വിലയിലാണ് എത്തുന്നത് എങ്കിലും മികച്ച ഈട് വാഗ്ദാനം ചെയ്യുന്നു എന്നതിനാലാണ് ഈ സ്മാർട്ട്ഫോണിനെ കരുത്തൻ എന്ന് വിശേഷിപ്പിച്ചിരിക്കുന്നത്. ​ഡൈമെൻസിറ്റി 6300 പ്രോസസർ ആണ് ഈ ഫോണിന്റെ ശക്തികേന്ദ്രം.

മൊബൈൽ ഗെയിമിംഗിനായി, പെർഫോമൻസും കാര്യക്ഷമതയും കൈകാര്യം ചെയ്യുന്നതിനായി AI ഗെയിംബൂസ്റ്റ് ഫീച്ചർ ഇതിലുണ്ട്. ഗെയിംപ്ലേ സമയത്ത് മെച്ചപ്പെട്ട കൺട്രോളിനായി സ്പ്ലാഷ് ടച്ച് മോഡും ഈ ബജറ്റ് 5ജി ഫോണിൽ സജ്ജീകരിച്ചിരിക്കുന്നു. ഫ്ലാഗ്‌ഷിപ്പ് മോഡലുകളിൽ നിന്ന് പ്രചോദനം ഉൾക്കൊണ്ട് കൊണ്ടാണ് ഇതിന്റെ ഡി​സൈൻ നൽകിയിരിക്കുന്നത്.

പരിഷ്കരിച്ച ഡെക്കോ മൊഡ്യൂളും യൂണിബോഡി മെറ്റാലിക് ഫ്രെയിമും ഈ ഓപ്പോ ഫോണിനുണ്ട്. വെള്ളം, വിരലടയാളം എന്നിവയെ പ്രതിരോധിക്കാൻ രൂപകൽപ്പന ചെയ്ത ഒരു നൂതന ലെൻസ് കോട്ടിംഗും ഈ ഓപ്പോ ബജറ്റ് 5ജി ഫോണിലുണ്ട്. മോശം സിഗ്നൽ സാഹചര്യങ്ങളിലും കണക്ടിവിറ്റി മികച്ചതാക്കാൻ AI LinkBoost 3.0 ടെക്നോളജിയും ഓപ്പോ A6x 5ജിയിലുണ്ട്.

ഓപ്പോ A6x 5G - പ്രധാന ഫീച്ചറുകൾ

120Hz റിഫ്രഷ് റേറ്റ് ഉള്ള 6.7-ഇഞ്ച് (1604 x 720 പിക്സലുകൾ) HD+ സ്ക്രീൻ ആണ് ഇതിലുള്ളത്. ഇത് 1152 nits വരെ പീക്ക് ബ്രൈറ്റ്നസ് സഹിതം എത്തുന്നു. മീഡിയടെക് ഡൈമെൻസിറ്റി 6300 6nm പ്രൊസസർ ആണ് ഈ ഫോണിന്റെ കരുത്ത്.

ARM Mali-G57 MC2@1072MHz GPU, 4GB / 6GB LPDDR4X റാം (6GB വരെ വെർച്വൽ റാം എക്സ്പാൻഷൻ), 64GB / 128GB UFS 2.2 സ്റ്റോറേജ് ഓപ്ഷനുകൾ, മൈക്രോ എസ്ഡി ഉപയോഗിച്ച് 1TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവ ഓപ്പോ A6x 5ജിയിലുണ്ട്.

f/2.2 അപ്പേർച്ചറുള്ള 13MP പിൻ ക്യാമറ, LED ഫ്ലാഷ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി f/2.2 അപ്പേർച്ചറുള്ള 5MP ഫ്രണ്ട് ക്യാമറയുമാണ് ഈ ബജറ്റ് 5ജി ഫോണിൽ നൽകിയിരിക്കുന്നത്. ആൻഡ്രോയിഡ് 15 അ‌ടിസ്ഥാനമാക്കിയുള്ള കളർ OS 15 -ൽ ആണ് ഈ ഫോണിന്റെ പ്രവർത്തനം.

സൈഡ്-മൗണ്ടഡ് ഫിംഗർപ്രിന്റ് സെൻസർ, ഡ്യുവൽ സിം, 5G NA/NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.1, GPS + GLONASS, USB ടൈപ്പ്-സി, 45W SuperVOOC ഫാസ്റ്റ് ചാർജിംഗുള്ള (30 മിനിറ്റിനുള്ളിൽ 41% വരെ ചാർജ് ചെയ്യും) 6500mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

ഓപ്പോ A6x 5ജിയുടെ 4GB + 64GB അ‌ടിസ്ഥാന വേരിയന്റ് 12,499 രൂപ പ്രാരംഭ വിലയിൽ എത്തുന്നു. ഇതിന്റെ 4GB + 128GB വേരിയന്റിന് 13,499 രൂപയും 6GB + 128GB വേരിയന്റിന് 14,999 രൂപയും ആണ് വില. ഐസ് ബ്ലൂ, ഒലിവ് ഗ്രീൻ എന്നീ കളർ ഓപ്ഷനുകളിലാണ് ഈ ഫോൺ ലഭ്യമാകുക.

ലോഞ്ച് ഓഫറിന്റെ ഭാഗമായി തിരഞ്ഞെടുത്ത ബാങ്ക് കാർഡുകളിൽ മൂന്ന് മാസത്തെ നോ-കോസ്റ്റ് EMI ഓപ്ഷൻ ലഭ്യമാണ്. ആമസോൺ, ഫ്ലിപ്കാർട്ട്, ഓപ്പോ സ്റ്റോർ എന്നിവയുൾപ്പെടെയുള്ള പ്രധാന ഓൺലൈൻ പ്ലാറ്റ്‌ഫോമുകളിലും പ്രധാന റീട്ടെയിൽ ഔട്ട്‌ലെറ്റുകളിലും ഇന്ന് മുതൽ (ഡിസംബർ 2) ഓപ്പോ A6x 5ജി വാങ്ങാൻ ലഭ്യമാണ്.