ഓപ്പോ എ 74 5 ജി ഇന്ന് ഇന്ത്യയിൽ ഉച്ചയ്ക്ക് 12:00 മണിക്ക് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

ഓപ്പോ എ 74 5 ജി സ്മാർട്ഫോൺ ഇന്ത്യയിൽ എപ്പോൾ അവതരിപ്പിക്കും ?

ഓപ്പോ എ 74 5 ജി ഇന്ത്യയിൽ ഇന്ന് ഉച്ചയ്ക്ക് കൃത്യം 12:00 മണിക്ക് നടക്കും. ഒരു ലിസ്റ്റിംഗിലൂടെ ഈ സ്മാർട്ട്ഫോൺ ഇതിനകം ആമസോണിൽ ലഭ്യമാകുമെന്ന് സൂചന നൽകിയിട്ടുണ്ട്. എന്നാൽ, ഈ ഹാൻഡ്‌സെറ്റ് ലോഞ്ച് ചെയ്യുമ്പോൾ അതിനായി ഒരു ലൈവ്സ്ട്രീം ഉണ്ടാകുമോ എന്ന കാര്യം ഇപ്പോഴും വ്യക്തമല്ല.

ഓപ്പോ എ 74 5 ജി: ഇന്ത്യയിലെ വില

ഓപ്പോ എ 74 5 ജിയ്ക്ക് ഇന്ത്യയിൽ 20,000 രൂപയാണ് വില നൽകിയിരിക്കുന്നത് എന്ന് കഴിഞ്ഞ ആഴ്ച ഒരു പത്രക്കുറിപ്പിലൂടെ ഓപ്പോ സ്ഥിരീകരിച്ചു. ഫ്ലൂയിഡ് ബ്ലാക്ക്, സ്‌പേസ് സിൽവർ കളർ ഓപ്ഷനുകളിൽ വരുന്ന ഓപ്പോ എ 74 5 ജി സിംഗിൾ 6 ജിബി റാം + 128 ജിബി സ്റ്റോറേജ് വേരിയന്റിന് തായ്‌ലൻഡിൽ ടിഎച്ച്ബി 8,999 (ഏകദേശം 21,600 രൂപ) വിലയാണ് വരുന്നത്.

ഓപ്പോ എ 74 5 ജി: പ്രതീക്ഷിക്കുന്ന സവിശേഷതകൾ

ഓപ്പോ എ 74 5 ജിൽ 90Hz ഹൈപ്പർ-കളർ സ്‌ക്രീൻ ഉണ്ടാകും. ഇതിൽ ഹോൾ-പഞ്ച് ഡിസൈനും ഉൾപ്പെടുന്നു. ഈ കാര്യം അടുത്തിടെ കമ്പനി സൂചിപ്പിച്ചിരുന്നു. ഈ സ്മാർട്ട്ഫോണിൽ സൈഡ് മൗണ്ട് ചെയ്ത ഫിംഗർപ്രിന്റ് സെൻസറും ഉണ്ടെന്ന് പറയുന്നു. എന്നാൽ, ഇന്ത്യയിൽ അവതരിപ്പിക്കുവാൻ പോകുന്ന ഓപ്പോ എ 74 5 ജിയുടെ വേരിയന്റിന്റെ ബാക്കി സവിശേഷതകൾ ഇതുവരെ വെളിപ്പെടുത്തിയിട്ടില്ല. മറ്റ് ദക്ഷിണേഷ്യൻ വിപണികളിൽ ലഭ്യമായ മോഡലിൽ ഫീച്ചർ ചെയ്യുന്ന അമോലെഡ് ഡിസ്പ്ലേയ്ക്ക് മുകളിലായി ഇന്ത്യയിൽ വരുന്ന ഓപ്പോ എ 74 5 ജിയിൽ എൽസിഡി പാനൽ ഉണ്ടായിരിക്കുമെന്ന് ഒരു ടിപ്പ്സ്റ്റർ അടുത്തിടെ സൂചിപ്പിക്കുകയുണ്ടായി.

ഓപ്പോ എ 74 5 ജി: പ്രതീക്ഷിക്കുന്ന സവിശേഷതകൾ

ക്വാഡ് ക്യാമറ സംവിധാനത്തിന് പകരം 48 മെഗാപിക്സൽ പ്രൈമറി സെൻസറും രണ്ട് 2 മെഗാപിക്സൽ സെൻസറുകളുമുള്ള ട്രിപ്പിൾ റിയർ ക്യാമറ സംവിധാനം ഈ ഫോണിനുണ്ട്. മുൻവശത്ത് 8 മെഗാപിക്സൽ സെൽഫി ക്യാമറ സെൻസറും ഇതിൽ ഉൾപ്പെടാം. മറ്റുള്ള രാജ്യങ്ങളിൽ അവതരിപ്പിച്ച ഓപ്പോ എ 74 5 ജിയിൽ 16 മെഗാപിക്സൽ സെൽഫി ക്യാമറയുണ്ട്. എന്നാൽ, ഓപ്പോ എ 74 5 ജി യുടെ ഇന്ത്യൻ വേരിയന്റിന് ഈ ഹാൻഡ്‌സെറ്റിൻറെ ആദ്യ വേരിയന്റിന് ഉണ്ടായിരുന്ന ക്വാൽകോം സ്നാപ്ഡ്രാഗൺ 480 SoC പ്രോസസർ ഉണ്ടെന്ന് അനുമാനിക്കുന്നു. 18W ഫാസ്റ്റ് ചാർജിംഗ് സപ്പോർട്ടോടുകൂടിയ 5,000 എംഎഎച്ച് ബാറ്ററിയും ഈ സ്മാർട്ട്‌ഫോണിനുണ്ട്.