ചൈനീസ് ലിസ്റ്റിംഗ് വെബ്സൈറ്റിൽ സവിശേഷതകൾ വെളിപ്പെടുത്തി ഓപ്പോ എ 93 5 ജി സ്മാർട്ഫോൺ

| Updated: Wednesday, January 13, 2021, 15:53 [IST]

ചൈന ടെലികോമിന്റെ വെബ്‌സൈറ്റ് പ്രകാരം, പുതിയ ഓപ്പോ എ 93 5 ജി (Oppo A93 5G) എന്ന പുതിയ എ-സീരീസ് 5 ജി സ്മാർട്ഫോൺ ഉടൻ അവതരിപ്പിക്കുമെന്ന് പറയുന്നു. ഈ മോഡൽ നമ്പർ PEHT00 വരുന്ന സ്മാർട്ട്ഫോൺ ചൈന ടെലികോമിൻറെ ലിസ്റ്റിംഗിൽ കണ്ടെത്തുകയും ലോഞ്ചിനെ കുറിച്ചുള്ള സൂചനകൾ നൽകുകയും ചെയ്യ്തിരുന്നു. കൂടാതെ, വരാനിരിക്കുന്ന എ 93 5 ജി സ്മാർട്ഫോണിൻറെ സവിശേഷതകളും വില വിശദാംശങ്ങളും ലിസ്റ്റിംഗ് വെളിപ്പെടുത്തുകയും ചെയ്യ്തു. കൂടാതെ, ഈ ആഴ്ച ആദ്യം, ഗീക്ക്ബെഞ്ച് പ്ലാറ്റ്‌ഫോമിൽ PEHM00 / PEHT00 മോഡൽ നമ്പറുള്ള ഒരു ഓപ്പോ സ്മാർട്ട്‌ഫോൺ പ്രത്യക്ഷപ്പെട്ടിരുന്നു. ഈ ഹാൻഡ്‌സെറ്റിന്റെ ലോഞ്ച് ജനുവരി 15 ന് ചൈനയിൽ നടക്കുമെന്ന് പറയുന്നു. എന്നാൽ, ഇതിനെക്കുറിച്ച് ഔദ്യോഗിക സ്ഥിതികരണമൊന്നും ഇതുവരെ ലഭിച്ചിട്ടില്ല.

ഓപ്പോ എ 93 5 ജി: പ്രതീക്ഷിക്കുന്ന വില

ചൈന ടെലികോം ലിസ്റ്റിംഗ് അനുസരിച്ച്, ഓപ്പോ എ 93 5 ജി ഹാൻഡ്‌സെറ്റിന് 2,199 യുവാൻ വിലവരും. ഇന്ത്യയിൽ ഇത് ഏകദേശം 24, 990 രൂപ വില വരുന്നു. മാത്രമല്ല. ഓപ്പോ എ 93 5 ജി സ്മാർട്ഫോൺ അറോറ, ഡാസ്ലിംഗ് ബ്ലാക്ക്, എലഗന്റ് സിൽവർ കളർ വേരിയന്റുകളിൽ വിപണിയിൽ വരുന്നു.

റെഡ്മി, എംഐ സ്മാർട്ട്ഫോണുകൾക്ക് വമ്പിച്ച ഓഫറുകളുമായി ആമസോൺ ഷവോമി ബിഗ് മെമ്മറി ഡെയ്‌സ് സെയിൽ 2021

ഓപ്പോ എ 93 5 ജി: പ്രതീക്ഷിക്കുന്ന സവിശേഷതകൾ

വളഞ്ഞ അരികുകളുള്ള ഒരു പഞ്ച്-ഹോൾ സ്ക്രീൻ ഓപ്പോ എ 93 5 ജി ഹാൻഡ്സെറ്റിൽ വരുമെന്ന് ലിസ്റ്റ് ചെയ്തിട്ടുണ്ട്. 6.5 ഇഞ്ച് നീളം വരുന്ന ഈ സ്‌ക്രീൻ 1080 x 2400 പിക്‌സൽ ഫുൾ എച്ച്ഡി + റെസലൂഷൻ നൽകും. എന്നാൽ, റിഫ്രഷ് റേറ്റിനെ കുറിച്ച് ലിസ്റ്റിംഗിൽ ഒന്നും തന്നെ പരാമർശിക്കുന്നില്ല. 8 ജിബി റാമും 256 ജിബി ഓൺ‌ബോർഡ് സ്റ്റോറേജുമായി ജോടിയാക്കാൻ ലിസ്റ്റ് ചെയ്‌തിരിക്കുന്ന സ്‌നാപ്ഡ്രാഗൺ 480 ചിപ്‌സെറ്റ് ഈ ഹാൻഡ്‌സെറ്റിന് കരുത്ത് നൽകുമെന്ന് പറയപ്പെടുന്നു.

രണ്ട് സെൽഫി ക്യാമറകളുമായി ടെക്നോ കാമൺ 16 പ്രീമിയർ ഇന്ത്യൻ വിപണിയിലെത്തി

ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിപ്പിക്കുന്ന ഈ ഹാൻഡ്‌സെറ്റിന് 5,000 എംഎഎച്ച് ബാറ്ററിയാണ് നൽകുന്നത്. എന്നാൽ, ലിസ്റ്റിംഗ് ഹാൻഡ്‌സെറ്റിൻറെ ചാർജിംഗ് സ്പീഡ് എത്രയാണെന്ന കാര്യം ഇതുവരെ വെളിപ്പെടുത്തിയിട്ടില്ല. മുമ്പ്, 3 സി ഡാറ്റാബേസ് അനുസരിച്ച്, 18 വാട്ട് ചാർജിംഗ് കപ്പാസിറ്റി നൽകുമെന്ന് പറയുന്നു.

കഴിഞ്ഞ ആഴ്ചയിലെ ഏറ്റവും ട്രെൻഡിങ് ആയ സ്മാർട്ട്‌ഫോണുകളുടെ പട്ടികയിൽ ഷവോമി ആധിപത്യം

ഒരു ദീർഘചതുരകൃതിയിൽ വരുന്ന ക്യാമറ മൊഡ്യൂളിലെ പുറകിലായി ഒരു ട്രിപ്പിൾ ക്യാമറ സെറ്റപ്പുമായി വരുമെന്ന് ഈ ഡിവൈസ് ലിസ്റ്റ് ചെയ്യ്‌തിരിക്കുന്നു. 48 എംപി മെയിൻ ലെൻസും ഒരു ജോഡി 2 എംപി സെൻസറുകളും ഇതിൽ ഉൾപ്പെടും. സെൽഫികൾ പകർത്തുവാൻ ഇത് 8 എംപി ഫ്രണ്ട് ഷൂട്ടറുമായി വരുന്നു. യുഎസ്ബി-സി, 3.5 എംഎം ഓഡിയോ ജാക്ക് എന്നിവ ഈ ഹാൻഡ്‌സെറ്റിൻറെ കണക്റ്റിവിറ്റിക്കായി ഓപ്ഷനുകളിൽ വരുന്നു.