ക്വാഡ് ക്യാമറയുമായി ഓപ്പോ എഫ് 17 പ്രോ, ഓപ്പോ എഫ് 17 അവതരിപ്പിച്ചു: വില, സവിശേഷതകൾ

ഓപ്പോ എഫ് 17 പ്രോ, ഓപ്പോ എഫ് 17 ഇന്ത്യയിൽ: വില, ലഭ്യത വിശദാംശങ്ങൾ

ഇന്ത്യയിൽ ഓപ്പോ എഫ് 17 പ്രോയുടെ 8 ജിബി + 128 ജിബി സ്റ്റോറേജ് വേരിയന്റിന് 22,990 രൂപയാണ് വില വരുന്നത്. മാജിക് ബ്ലാക്ക്, മാജിക് ബ്ലൂ, മെറ്റാലിക് വൈറ്റ് കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാക്കും. ഓപ്പോ എഫ് 17 സ്മാർട്ഫോണിന്റെ വില ഇതുവരെ കമ്പനി വെളിപ്പെടുത്തിയിട്ടില്ല. എന്നാൽ, 4 ജിബി + 64 ജിബി, 4 ജിബി + 128 ജിബി, 6 ജിബി + 128 ജിബി, 8 ജിബി + 128 ജിബി സ്റ്റോറേജ് വേരിയന്റുകളിൽ ഈ സ്മാർട്ട്ഫോൺ വാഗ്ദാനം ചെയ്യുമെന്ന് റിപ്പോർട്ടുകൾ വ്യക്തമാക്കി. നേവി ബ്ലൂ, ക്ലാസിക് സിൽവർ, ഡൈനാമിക് ഓറഞ്ച് ഷേഡുകളിൽ ഇത് വിൽക്കും. ഓപ്പോ എഫ്‌ 17 പ്രോ സെപ്റ്റംബർ 7 മുതൽ രാജ്യത്ത് വിൽപ്പനയ്‌ക്കെത്തും, പ്രീ-ഓർഡറുകൾ ഇന്ന് ആരംഭിക്കും. ഓപ്പോ എഫ് 17 ഹാൻഡ്സെറ്റിൻറെ വിൽപ്പന തീയതി ഇതുവരെ പ്രഖ്യപിച്ചിട്ടില്ല.

ഓപ്പോ എഫ് 17 പ്രോ: സവിശേഷതകൾ

ഡ്യുവൽ സിം (നാനോ) ഓപ്പോ എഫ് 17 പ്രോ ആൻഡ്രോയിഡ് 10 കളർ ഒഎസ് 7.2ൽ ഈ സ്മാർട്ഫോൺ പ്രവർത്തിക്കുന്നു. 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) സൂപ്പർ അമോലെഡ് ഡിസ്‌പ്ലേ, 20: 9 റിഫ്രഷ് റേറ്റ് 90.7 ശതമാനം സ്ക്രീൻ-ടു-ബോഡി റേഷിയോ വരുന്നു. ഡിസ്പ്ലേയിൽ ഒരു ഹോൾ-പഞ്ച് ഡിസൈൻ ഉള്ള ഒരു സ്റ്റാൻഡേർഡ്, 60 ഹെർട്സ് റിഫ്രഷ് റേറ്റും ഉണ്ട്. ഈ സ്മാർട്ട്ഫോണിന് ഒക്ടാകോർ മീഡിയടെക് ഹെലിയോ പി 95 SoC പ്രോസസറും ഒപ്പം 8 ജിബി റാമും വരുന്നു.

ഓപ്പോ എഫ് 17 പ്രോ: ക്യാമറ

ക്വാഡ് റിയർ ക്യാമറ സെറ്റപ്പിൽ 48 മെഗാപിക്സൽ പ്രൈമറി സെൻസറും എഫ് / 1.8 ലെൻസും ഉണ്ട്. എഫ് / 2.2 വൈഡ് ആംഗിൾ ലെൻസുള്ള 8 മെഗാപിക്സൽ സെക്കൻഡറി സെൻസർ, എഫ് / 2.4 ലെൻസുള്ള 2 മെഗാപിക്സൽ മോണോക്രോം സെൻസർ, എഫ് / 2.4 ലെൻസുള്ള 2 മെഗാപിക്സൽ പോർട്രെയിറ്റ് സെൻസർ എന്നിവയും ക്യാമറ സെറ്റപ്പിൽ ഉൾപ്പെടുന്നു. 16 മെഗാപിക്സൽ പ്രൈമറി സെൻസറും 2 മെഗാപിക്സൽ ഡെപ്ത് സെൻസറുമായി മുൻവശത്ത് ഡ്യൂവൽ ക്യാമറ സെറ്റപ്പ് ഓപ്പോ എഫ് 17 പ്രോ വാഗ്ദാനം ചെയ്യുന്നു. രണ്ട് സെൻസറുകളും ഒരു എഫ് / 2.4 ലെൻസിനൊപ്പം വരുന്നു.

ഓപ്പോ എഫ് 17 പ്രോയിൽ 128 ജിബി ഓൺ‌ബോർഡ് സ്റ്റോറേജ് ഉണ്ട്, ഇത് മൈക്രോ എസ്ഡി കാർഡ് വഴി ഒരു പ്രത്യേക സ്ലോട്ടിലൂടെ വികസിപ്പിക്കാനാകും. ഫോണിലെ കണക്റ്റിവിറ്റി ഓപ്ഷനുകളിൽ 4 ജി വോൾട്ട്, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസർ ഉണ്ട്. 30W VOOC ഫ്ലാഷ് ചാർജ് 4.0 ഫാസ്റ്റ് ചാർജിംഗ് സാങ്കേതികവിദ്യയുള്ള എഫ് 17 പ്രോയിൽ ഓപ്പോ 4,000mAh ബാറ്ററി ഉൾപ്പെടുത്തിയിരിക്കുന്നു. കൂടാതെ, ഈ ഹാൻഡ്‌സെറ്റിന് 160.1x73.8x7.48 മിമി നീളവും 164 ഗ്രാം ഭാരവും വരുന്നു.

ഓപ്പോ എഫ് 17: സവിശേഷതകൾ

64 ജിബി, 128 ജിബി ഇന്റേണൽ സ്റ്റോറേജ് ഓപ്ഷനുകളിൽ വരുന്ന ഈ സ്മാർട്ഫോണുകളിൽ മൈക്രോ എസ്ഡി കാർഡ് വഴി സ്റ്റോറേജ് കപ്പാസിറ്റി വികസിപ്പിക്കാനാകും. കണക്റ്റിവിറ്റി ഓപ്ഷനുകളിൽ 4 ജി വോൾട്ട്, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവ ഉൾപ്പെടുന്നു. 30W VOOC ഫാസ്റ്റ് ചാർജിംഗിനെ പിന്തുണയ്‌ക്കുന്ന 4,000mAh ബാറ്ററിയാണ് ഈ സ്മാർട്ഫോണിന് നൽകിയിരിക്കുന്നത്. ഇതിന് 7.45 മിമി നീളവും 163 ഗ്രാം ഭാരവും വരുന്നു. ഡ്യുവൽ സിം (നാനോ) ഓപ്പോ എഫ് 17 ആൻഡ്രോയിഡ് 10 ൽ കളർ ഒഎസ് 7.2ൽ പ്രവർത്തിക്കുന്ന ഈ സ്മാർട്ഫോണിന് വാട്ടർ ഡ്രോപ്പ്-സ്റ്റൈൽ നോച്ച് ഉള്ള 6.44 ഇഞ്ച് ഫുൾ എച്ച്ഡി ഡിസ്പ്ലേയുണ്ട്.

ഓപ്പോ എഫ് 17: ക്യാമറ

8 ജിബി വരെ റാമുമായി ജോടിയാക്കിയ ഒക്ടാകോർ ക്വാൽകോം സ്‌നാപ്ഡ്രാഗൺ 662 SoC പ്രോസസറാണ് ഈ ഫോണിന്റെ കരുത്ത്.എഫ് / 2.2 ലെൻസുള്ള 16 മെഗാപിക്സൽ പ്രൈമറി സെൻസർ, എഫ് / 2.2 വൈഡ് ആംഗിൾ ലെൻസുള്ള 8 മെഗാപിക്സൽ സെക്കൻഡറി സെൻസർ, എഫ് / 2.4 ലെൻസുള്ള 2 മെഗാപിക്സൽ മോണോക്രോം സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് ഇതിൽ വരുന്നത്. ഈ ഫോണിന്റെ മുന്നിലായി എഫ് / 2.0 ലെൻസ് വരുന്ന 16 മെഗാപിക്സൽ സെൽഫി ക്യാമറ സെൻസർ നൽകിയിരിക്കുന്നു.