ഓപ്പോ എഫ് 17 പ്രോ ദീപാവലി എഡിഷൻ ഒക്ടോബർ 19 ന് ഇന്ത്യയിൽ അവതരിപ്പിക്കും: വില, സവിശേഷതകൾ

ദീപാവലി ലിമിറ്റഡ് എഡിഷൻ എഫ് 17 പ്രോ ദീപാവലി പാർട്ടിയുടെ തികഞ്ഞ കൂട്ടാളിയും, ആളുകൾക്കിടയിൽ കൂടുതൽ സംഭാഷണങ്ങൾ സൃഷ്ടിക്കാനുമാണ് ഇത് ലക്ഷ്യമിടുന്നതെന്ന് ഓപ്പോ ഒരു മാധ്യമ പ്രസ്താവനയിൽ പറഞ്ഞു. ഒരു പ്രധാന ഇവന്റുമായി വിന്യസിക്കുന്നതിന് ഓപ്പോ ഇതാദ്യമായല്ല സ്മാർട്ട്‌ഫോണിന്റെ പ്രത്യേക എഡിഷൻ പുറത്തിറക്കുന്നത്. കഴിഞ്ഞ മാസം കമ്പനി, ഒരു "എം.എസ് ധോണി" ഓപ്പോ റെനോ 4 പ്രോ ഗാലക്ടിക് ബ്ലൂ എഡിഷൻ അവതരിപ്പിച്ചിരുന്നു.

ഓപ്പോ എഫ് 17 പ്രോ: വില ഇന്ത്യയിൽ

ഒറിജിനൽ ഓപ്പോ എഫ് 17 പ്രോ ഏക 8 ജിബി + 128 ജിബി സ്റ്റോറേജ് വേരിയന്റ് 22,990 രൂപയ്ക്ക് വിപണിയിൽ അവതരിപ്പിച്ചു. ഓപ്പോ എഫ് 17 യോടപ്പം അവതരിപ്പിച്ച ഈ സ്മാർട്ട്‌ഫോൺ നിലവിൽ മാജിക് ബ്ലാക്ക്, മാജിക് ബ്ലൂ, മെറ്റാലിക് വൈറ്റ് കളർ തുടങ്ങിയ കളർ ഓപ്ഷനുകളിൽ വരുന്നു. ഈ സ്മാർട്ട്ഫോണിന്റെ പ്രത്യേക ദീപാവലി എഡിഷനായി ഓപ്പോ ഔദ്യോഗികമായി വിലനിർണ്ണയ വിശദാംശങ്ങളൊന്നും ഇതുവരെ പ്രഖ്യാപിച്ചിട്ടില്ല.

ഓപ്പോ എഫ് 17 പ്രോ: സവിശേഷതകൾ

ഡ്യുവൽ നാനോ സിം വരുന്ന ഓപ്പോ എഫ് 17 പ്രോ ആൻഡ്രോയിഡ് 10 ൽ കളർ ഓപ്പറേറ്റിംഗ് സിസ്റ്റം 7.2ൽ പ്രവർത്തിക്കുന്നു. 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) 20: 9 ആസ്പെക്ടറ്റ് റേഷിയോടുകൂടിയ സൂപ്പർ അമോലെഡ് ഡിസ്‌പ്ലേയാണ് ഇതിലുള്ളത്. 8 ജിബി റാമുമായി ജോടിയാക്കിയ ഒക്ടാകോർ മീഡിയടെക് ഹെലിയോ പി 95 SoC പ്രോസസറാണ് ഈ സ്മാർട്ട്ഫോണിന്റെ കരുത്ത്. 48 മെഗാപിക്സൽ പ്രൈമറി സെൻസർ ഹൈലൈറ്റ് ചെയ്യുന്ന ക്വാഡ് റിയർ ക്യാമറ സെറ്റപ്പും ഇതിൽ വരുന്നു. 16 മെഗാപിക്സൽ പ്രൈമറി സെൻസറും 2 മെഗാപിക്സൽ ഡെപ്ത് സെൻസറും വരുന്ന ഡ്യൂവൽ സെൽഫി ക്യാമറ സെറ്റപ്പാണ് ഈ സ്മാർട്ട്ഫോണിന്റെ സവിശേഷത.

മൈക്രോ എസ്ഡി കാർഡ് വഴി വികസിപ്പിക്കാവുന്ന എഫ് 17 പ്രോയിൽ ഓപ്പോ 128 ജിബി ഓൺബോർഡ് സ്റ്റോറേജാണ് നൽകിയിരിക്കുന്നത്. ഇൻ-ഡിസ്പ്ലേ ഫിംഗർപ്രിന്റ് സെൻസറും ഈ ഹാൻഡ്‌സെറ്റിൽ കമ്പനി നൽകിയിരിക്കുന്നു. 30W VOOC ഫ്ലാഷ് ചാർജ് 4.0 പിന്തുണയ്ക്കുന്ന 4,015 എംഎഎച്ച് ബാറ്ററിയാണ് ഈ സ്മാർട്ട്ഫോണിൽ ലഭിക്കുന്നത്. ഈ ഓപ്പോ എഫ് 17 പ്രോ ദീപാവലി എഡിഷൻറെ കൂടുതൽ വിശദാംശങ്ങൾ ലോഞ്ച് ചെയ്യുമ്പോൾ കമ്പനി വെളിപ്പെടുത്തുന്നതാണ്.